39Jeremiah 39

1בשנה התשעית לצדקיהו מלך יהודה בחדש העשרי בא נבוכדראצר מלך בבל וכל חילו אל ירושלם ויצרו עליהSelect Jeremiah 39:1

2בעשתי עשרה שנה לצדקיהו בחדש הרביעי בתשעה לחדש הבקעה העירSelect Jeremiah 39:2

3ויבאו כל שרי מלך בבל וישבו בשער התוך—נרגל שראצר סמגר נבו שר סכים רב סריס נרגל שראצר רב מג וכל שארית שרי מלך בבלSelect Jeremiah 39:3

4ויהי כאשר ראם צדקיהו מלך יהודה וכל אנשי המלחמה ויברחו ויצאו לילה מן העיר דרך גן המלך בשער בין החמתים ויצא דרך הערבהSelect Jeremiah 39:4

5וירדפו חיל כשדים אחריהם וישגו את צדקיהו בערבות ירחו ויקחו אותו ויעלהו אל נבוכדראצר מלך בבל רבלתה בארץ חמת וידבר אתו משפטיםSelect Jeremiah 39:5

6וישחט מלך בבל את בני צדקיהו ברבלה—לעיניו ואת כל חרי יהודה שחט מלך בבלSelect Jeremiah 39:6

7ואת עיני צדקיהו עור ויאסרהו בנחשתים לביא אתו בבלהSelect Jeremiah 39:7

8ואת בית המלך ואת בית העם שרפו הכשדים באש ואת חמות ירושלם נתצוSelect Jeremiah 39:8

9ואת יתר העם הנשארים בעיר ואת הנפלים אשר נפלו עליו ואת יתר העם הנשארים—הגלה נבוזראדן רב טבחים בבלSelect Jeremiah 39:9

10ומן העם הדלים אשר אין להם מאומה השאיר נבוזראדן רב טבחים בארץ יהודה ויתן להם כרמים ויגבים ביום ההואSelect Jeremiah 39:10

11ויצו נבוכדראצר מלך בבל על ירמיהו ביד נבוזראדן רב טבחים לאמרSelect Jeremiah 39:11

12קחנו ועיניך שים עליו ואל תעש לו מאומה רע כי אם ( ) כאשר ידבר אליך—כן עשה עמוSelect Jeremiah 39:12

13וישלח נבוזראדן רב טבחים ונבושזבן רב סריס ונרגל שראצר רב מג—וכל רבי מלך בבלSelect Jeremiah 39:13

14וישלחו ויקחו את ירמיהו מחצר המטרה ויתנו אתו אל גדליהו בן אחיקם בן שפן להוצאהו אל הבית וישב בתוך העםSelect Jeremiah 39:14

15ואל ירמיהו היה דבר יהוה בהיתו עצור בחצר המטרה לאמרSelect Jeremiah 39:15

16הלוך ואמרת לעבד מלך הכושי לאמר כה אמר יהוה צבאות אלהי ישראל הנני מבי את דברי אל העיר הזאת לרעה ולא לטובה והיו לפניך ביום ההואSelect Jeremiah 39:16

17והצלתיך ביום ההוא נאם יהוה ולא תנתן ביד האנשים אשר אתה יגור מפניהםSelect Jeremiah 39:17

18כי מלט אמלטך ובחרב לא תפל והיתה לך נפשך לשלל כי בטחת בי נאם יהוהSelect Jeremiah 39:18