48Jeremiah 48

1למואב כה אמר יהוה צבאות אלהי ישראל הוי אל נבו כי שדדה הבישה נלכדה קריתים הבישה המשגב וחתהSelect Jeremiah 48:1

2אין עוד תהלת מואב—בחשבון חשבו עליה רעה לכו ונכריתנה מגוי גם מדמן תדמי אחריך תלך חרבSelect Jeremiah 48:2

3קול צעקה מחרונים—שד ושבר גדולSelect Jeremiah 48:3

4נשברה מואב השמיעו זעקה צעוריה (צעיריה)Select Jeremiah 48:4

5כי מעלה הלחות (הלחית) בבכי יעלה בכי כי במורד חורנים צרי צעקת שבר שמעוSelect Jeremiah 48:5

6נסו מלטו נפשכם ותהיינה כערוער במדברSelect Jeremiah 48:6

7כי יען בטחך במעשיך ובאוצרותיך גם את תלכדי ויצא כמיש (כמוש) בגולה כהניו ושריו יחד (יחדו)Select Jeremiah 48:7

8ויבא שדד אל כל עיר ועיר לא תמלט ואבד העמק ונשמד המישר—אשר אמר יהוהSelect Jeremiah 48:8

9תנו ציץ למואב כי נצא תצא ועריה לשמה תהיינה מאין יושב בהןSelect Jeremiah 48:9

10ארור עשה מלאכת יהוה—רמיה וארור מנע חרבו מדםSelect Jeremiah 48:10

11שאנן מואב מנעוריו ושקט הוא אל שמריו ולא הורק מכלי אל כלי ובגולה לא הלך על כן עמד טעמו בו וריחו לא נמרSelect Jeremiah 48:11

12לכן הנה ימים באים נאם יהוה ושלחתי לו צעים וצעהו וכליו יריקו ונבליהם ינפצוSelect Jeremiah 48:12

13ובש מואב מכמוש כאשר בשו בית ישראל מבית אל מבטחםSelect Jeremiah 48:13

14איך תאמרו גבורים אנחנו ואנשי חיל למלחמהSelect Jeremiah 48:14

15שדד מואב ועריה עלה ומבחר בחוריו ירדו לטבח נאם המלך—יהוה צבאות שמוSelect Jeremiah 48:15

16קרוב איד מואב לבוא ורעתו מהרה מאדSelect Jeremiah 48:16

17נדו לו כל סביביו וכל ידעי שמו אמרו איכה נשבר מטה עז—מקל תפארהSelect Jeremiah 48:17

18רדי מכבוד ישבי (ושבי) בצמא ישבת בת דיבון כי שדד מואב עלה בך שחת מבצריךSelect Jeremiah 48:18

19אל דרך עמדי וצפי יושבת ערוער שאלי נס ונמלטה אמרי מה נהיתהSelect Jeremiah 48:19

20הביש מואב כי חתה הילילי (הילילו) וזעקי (וזעקו) הגידו בארנון כי שדד מואבSelect Jeremiah 48:20

21ומשפט בא אל ארץ המישר—אל חלון ואל יהצה ועל מופעת (מיפעת)Select Jeremiah 48:21

22ועל דיבון ועל נבו ועל בית דבלתיםSelect Jeremiah 48:22

23ועל קריתים ועל בית גמול ועל בית מעוןSelect Jeremiah 48:23

24ועל קריות ועל בצרה ועל כל ערי ארץ מואב—הרחקות והקרבותSelect Jeremiah 48:24

25נגדעה קרן מואב וזרעו נשברה—נאם יהוהSelect Jeremiah 48:25

26השכירהו כי על יהוה הגדיל וספק מואב בקיאו והיה לשחק גם הואSelect Jeremiah 48:26

27ואם לוא השחק היה לך ישראל אם בגנבים נמצאה (נמצא) כי מדי דבריך בו תתנודדSelect Jeremiah 48:27

28עזבו ערים ושכנו בסלע ישבי מואב והיו כיונה תקנן בעברי פי פחתSelect Jeremiah 48:28

29שמענו גאון מואב גאה מאד גבהו וגאונו וגאותו ורם לבוSelect Jeremiah 48:29

30אני ידעתי נאם יהוה עברתו ולא כן בדיו לא כן עשוSelect Jeremiah 48:30

31על כן על מואב איליל ולמואב כלה אזעק אל אנשי קיר חרש יהגהSelect Jeremiah 48:31

32מבכי יעזר אבכה לך הגפן שבמה נטישתיך עברו ים עד ים יעזר נגעו—על קיצך ועל בצירך שדד נפלSelect Jeremiah 48:32

33ונאספה שמחה וגיל מכרמל ומארץ מואב ויין מיקבים השבתי—לא ידרך הידד הידד לא הידדSelect Jeremiah 48:33

34מזעקת חשבון עד אלעלה עד יהץ נתנו קולם—מצער עד חרנים עגלת שלשיה כי גם מי נמרים למשמות יהיוSelect Jeremiah 48:34

35והשבתי למואב נאם יהוה מעלה במה ומקטיר לאלהיוSelect Jeremiah 48:35

36על כן לבי למואב כחללים יהמה ולבי אל אנשי קיר חרש כחלילים יהמה על כן יתרת עשה אבדוSelect Jeremiah 48:36

37כי כל ראש קרחה וכל זקן גרעה על כל ידים גדדת ועל מתנים שקSelect Jeremiah 48:37

38על כל גגות מואב וברחבתיה כלה מספד כי שברתי את מואב ככלי אין חפץ בו—נאם יהוהSelect Jeremiah 48:38

39איך חתה הילילו איך הפנה ערף מואב בוש והיה מואב לשחק ולמחתה לכל סביביוSelect Jeremiah 48:39

40כי כה אמר יהוה הנה כנשר ידאה ופרש כנפיו אל מואבSelect Jeremiah 48:40

41נלכדה הקריות והמצדות נתפשה והיה לב גבורי מואב ביום ההוא כלב אשה מצרהSelect Jeremiah 48:41

42ונשמד מואב מעם כי על יהוה הגדילSelect Jeremiah 48:42

43פחד ופחת ופח—עליך יושב מואב נאם יהוהSelect Jeremiah 48:43

44הניס (הנס) מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוהSelect Jeremiah 48:44

45בצל חשבון עמדו מכח נסים כי אש יצא מחשבון ולהבה מבין סיחון ותאכל פאת מואב וקדקד בני שאוןSelect Jeremiah 48:45

46אוי לך מואב אבד עם כמוש כי לקחו בניך בשבי ובנתיך בשביהSelect Jeremiah 48:46

47ושבתי שבות מואב באחרית הימים נאם יהוה עד הנה משפט מואבSelect Jeremiah 48:47