49Jeremiah 49

1לבני עמון כה אמר יהוה הבנים אין לישראל אם יורש אין לו—מדוע ירש מלכם את גד ועמו בעריו ישבSelect Jeremiah 49:1

2לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוהSelect Jeremiah 49:2

3הילילי חשבון כי שדדה עי צעקנה בנות רבה—חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיוSelect Jeremiah 49:3

4מה תתהללי בעמקים—זב עמקך הבת השובבה הבטחה באצרתיה מי יבוא אליSelect Jeremiah 49:4

5הנני מביא עליך פחד נאם אדני יהוה צבאות—מכל סביביך ונדחתם איש לפניו ואין מקבץ לנדדSelect Jeremiah 49:5

6ואחרי כן אשיב את שבות בני עמון—נאם יהוהSelect Jeremiah 49:6

7לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתםSelect Jeremiah 49:7

8נסו הפנו העמיקו לשבת ישבי דדן כי איד עשו הבאתי עליו עת פקדתיוSelect Jeremiah 49:8

9אם בצרים באו לך לא ישארו עוללות אם גנבים בלילה השחיתו דיםSelect Jeremiah 49:9

10כי אני חשפתי את עשו גליתי את מסתריו ונחבה לא יוכל שדד זרעו ואחיו ושכניו ואיננוSelect Jeremiah 49:10

11עזבה יתמיך אני אחיה ואלמנותיך עלי תבטחוSelect Jeremiah 49:11

12כי כה אמר יהוה הנה אשר אין משפטם לשתות הכוס שתו ישתו ואתה הוא נקה תנקה לא תנקה כי שתה תשתהSelect Jeremiah 49:12

13כי בי נשבעתי נאם יהוה כי לשמה לחרפה לחרב ולקללה תהיה בצרה וכל עריה תהיינה לחרבות עולםSelect Jeremiah 49:13

14שמועה שמעתי מאת יהוה וציר בגוים שלוח התקבצו ובאו עליה וקומו למלחמהSelect Jeremiah 49:14

15כי הנה קטן נתתיך בגוים—בזוי באדםSelect Jeremiah 49:15

16תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוהSelect Jeremiah 49:16

17והיתה אדום לשמה כל עבר עליה ישם וישרק על כל מכותהSelect Jeremiah 49:17

18כמהפכת סדם ועמרה ושכניה—אמר יהוה לא ישב שם איש ולא יגור בה בן אדםSelect Jeremiah 49:18

19הנה כאריה יעלה מגאון הירדן אל נוה איתן—כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשר יעמד לפניSelect Jeremiah 49:19

20לכן שמעו עצת יהוה אשר יעץ אל אדום ומחשבותיו אשר חשב אל ישבי תימן אם לוא יסחבום צעירי הצאן אם לא ישים עליהם נוהםSelect Jeremiah 49:20

21מקול נפלם רעשה הארץ צעקה בים סוף נשמע קולהSelect Jeremiah 49:21

22הנה כנשר יעלה וידאה ויפרש כנפיו על בצרה והיה לב גבורי אדום ביום ההוא כלב אשה מצרהSelect Jeremiah 49:22

23לדמשק בושה חמת וארפד—כי שמעה רעה שמעו נמגו בים דאגה השקט לא יוכלSelect Jeremiah 49:23

24רפתה דמשק הפנתה לנוס ורטט החזיקה צרה וחבלים אחזתה כיולדהSelect Jeremiah 49:24

25איך לא עזבה עיר תהלה (תהלת)—קרית משושיSelect Jeremiah 49:25

26לכן יפלו בחוריה ברחבתיה וכל אנשי המלחמה ידמו ביום ההוא נאם יהוה צבאותSelect Jeremiah 49:26

27והצתי אש בחומת דמשק ואכלה ארמנות בן הדדSelect Jeremiah 49:27

28לקדר ולממלכות חצור אשר הכה נבוכדראצור (נבוכדראצר) מלך בבל—כה אמר יהוה קומו עלו אל קדר ושדדו את בני קדםSelect Jeremiah 49:28

29אהליהם וצאנם יקחו יריעותיהם וכל כליהם וגמליהם ישאו להם וקראו עליהם מגור מסביבSelect Jeremiah 49:29

30נסו נדו מאד העמיקו לשבת ישבי חצור—נאם יהוה כי יעץ עליכם נבוכדראצר מלך בבל עצה וחשב עליהם (עליכם) מחשבהSelect Jeremiah 49:30

31קומו עלו אל גוי שליו יושב לבטח—נאם יהוה לא דלתים ולא בריח לו בדד ישכנוSelect Jeremiah 49:31

32והיו גמליהם לבז והמון מקניהם לשלל וזרתים לכל רוח קצוצי פאה ומכל עבריו אביא את אידם נאם יהוהSelect Jeremiah 49:32

33והיתה חצור למעון תנים שממה—עד עולם לא ישב שם איש ולא יגור בה בן אדםSelect Jeremiah 49:33

34אשר היה דבר יהוה אל ירמיהו הנביא אל עילם בראשית מלכות צדקיה מלך יהודה—לאמרSelect Jeremiah 49:34

35כה אמר יהוה צבאות הנני שבר את קשת עילם ראשית גבורתםSelect Jeremiah 49:35

36והבאתי אל עילם ארבע רוחות מארבע קצות השמים וזרתים לכל הרחות האלה ולא יהיה הגוי אשר לא יבוא שם נדחי עולם (עילם)Select Jeremiah 49:36

37והחתתי את עילם לפני איביהם ולפני מבקשי נפשם והבאתי עליהם רעה את חרון אפי—נאם יהוה ושלחתי אחריהם את החרב עד כלותי אותםSelect Jeremiah 49:37

38ושמתי כסאי בעילם והאבדתי משם מלך ושרים נאם יהוהSelect Jeremiah 49:38

39והיה באחרית הימים אשוב (אשיב) את שבית (שבות) עילם—נאם יהוהSelect Jeremiah 49:39