51Jeremiah 51

1כה אמר יהוה הנני מעיר על בבל ואל ישבי לב קמי—רוח משחיתSelect Jeremiah 51:1

2ושלחתי לבבל זרים וזרוה ויבקקו את ארצה כי היו עליה מסביב ביום רעהSelect Jeremiah 51:2

3אל ידרך ידרך ( ) הדרך קשתו ואל יתעל בסרינו ואל תחמלו אל בחריה—החרימו כל צבאהSelect Jeremiah 51:3

4ונפלו חללים בארץ כשדים ומדקרים בחוצותיהSelect Jeremiah 51:4

5כי לא אלמן ישראל ויהודה מאלהיו—מיהוה צבאות כי ארצם מלאה אשם מקדוש ישראלSelect Jeremiah 51:5

6נסו מתוך בבל ומלטו איש נפשו—אל תדמו בעונה כי עת נקמה היא ליהוה—גמול הוא משלם להSelect Jeremiah 51:6

7כוס זהב בבל ביד יהוה—משכרת כל הארץ מיינה שתו גוים על כן יתהללו גויםSelect Jeremiah 51:7

8פתאם נפלה בבל ותשבר הילילו עליה קחו צרי למכאובה—אולי תרפאSelect Jeremiah 51:8

9רפאנו את בבל ולא נרפתה—עזבוה ונלך איש לארצו כי נגע אל השמים משפטה ונשא עד שחקיםSelect Jeremiah 51:9

10הוציא יהוה את צדקתינו באו ונספרה בציון את מעשה יהוה אלהינוSelect Jeremiah 51:10

11הברו החצים מלאו השלטים—העיר יהוה את רוח מלכי מדי כי על בבל מזמתו להשחיתה כי נקמת יהוה היא נקמת היכלוSelect Jeremiah 51:11

12אל חומת בבל שאו נס החזיקו המשמר—הקימו שמרים הכינו הארבים כי גם זמם יהוה—גם עשה את אשר דבר אל ישבי בבלSelect Jeremiah 51:12

13שכנתי (שכנת) על מים רבים רבת אוצרת בא קצך אמת בצעךSelect Jeremiah 51:13

14נשבע יהוה צבאות בנפשו כי אם מלאתיך אדם כילק וענו עליך הידדSelect Jeremiah 51:14

15עשה ארץ בכחו מכין תבל בחכמתו ובתבונתו נטה שמיםSelect Jeremiah 51:15

16לקול תתו המון מים בשמים ויעל נשאים מקצה ארץ ברקים למטר עשה ויוצא רוח מאצרתיוSelect Jeremiah 51:16

17נבער כל אדם מדעת הביש כל צרף מפסל כי שקר נסכו ולא רוח בםSelect Jeremiah 51:17

18הבל המה מעשה תעתעים בעת פקדתם יאבדוSelect Jeremiah 51:18

19לא כאלה חלק יעקוב כי יוצר הכל הוא—ושבט נחלתו יהוה צבאות שמוSelect Jeremiah 51:19

20מפץ אתה לי כלי מלחמה ונפצתי בך גוים והשחתי בך ממלכותSelect Jeremiah 51:20

21ונפצתי בך סוס ורכבו ונפצתי בך רכב ורכבוSelect Jeremiah 51:21

22ונפצתי בך איש ואשה ונפצתי בך זקן ונער ונפצתי בך בחור ובתולהSelect Jeremiah 51:22

23ונפצתי בך רעה ועדרו ונפצתי בך אכר וצמדו ונפצתי בך פחות וסגניםSelect Jeremiah 51:23

24ושלמתי לבבל ולכל יושבי כשדים את כל רעתם אשר עשו בציון—לעיניכם נאם יהוהSelect Jeremiah 51:24

25הנני אליך הר המשחית נאם יהוה המשחית את כל הארץ ונטיתי את ידי עליך וגלגלתיך מן הסלעים ונתתיך להר שרפהSelect Jeremiah 51:25

26ולא יקחו ממך אבן לפנה ואבן למוסדות כי שממות עולם תהיה נאם יהוהSelect Jeremiah 51:26

27שאו נס בארץ תקעו שופר בגוים קדשו עליה גוים—השמיעו עליה ממלכות אררט מני ואשכנז פקדו עליה טפסר העלו סוס כילק סמרSelect Jeremiah 51:27

28קדשו עליה גוים את מלכי מדי את פחותיה ואת כל סגניה ואת כל ארץ ממשלתוSelect Jeremiah 51:28

29ותרעש הארץ ותחל כי קמה על בבל מחשבות יהוה לשום את ארץ בבל לשמה מאין יושבSelect Jeremiah 51:29

30חדלו גבורי בבל להלחם ישבו במצדות—נשתה גבורתם היו לנשים הציתו משכנתיה נשברו בריחיהSelect Jeremiah 51:30

31רץ לקראת רץ ירוץ ומגיד לקראת מגיד—להגיד למלך בבל כי נלכדה עירו מקצהSelect Jeremiah 51:31

32והמעברות נתפשו ואת האגמים שרפו באש ואנשי המלחמה נבהלוSelect Jeremiah 51:32

33כי כה אמר יהוה צבאות אלהי ישראל בת בבל כגרן עת הדריכה עוד מעט ובאה עת הקציר להSelect Jeremiah 51:33

34אכלנו (אכלני) הממנו (הממני) נבוכדראצר מלך בבל הציגנו (הציגני) כלי ריק בלענו (בלעני) כתנין מלא כרשו מעדני הדיחנו (הדיחני)Select Jeremiah 51:34

35חמסי ושארי על בבל תאמר ישבת ציון ודמי אל ישבי כשדים תאמר ירושלםSelect Jeremiah 51:35

36לכן כה אמר יהוה הנני רב את ריבך ונקמתי את נקמתך והחרבתי את ימה והבשתי את מקורהSelect Jeremiah 51:36

37והיתה בבל לגלים מעון תנים שמה ושרקה מאין יושבSelect Jeremiah 51:37

38יחדו ככפרים ישאגו נערו כגורי אריותSelect Jeremiah 51:38

39בחמם אשית את משתיהם והשכרתים למען יעלזו וישנו שנת עולם ולא יקיצו—נאם יהוהSelect Jeremiah 51:39

40אורידם ככרים לטבוח—כאילים עם עתודיםSelect Jeremiah 51:40

41איך נלכדה ששך ותתפש תהלת כל הארץ איך היתה לשמה בבל בגויםSelect Jeremiah 51:41

42עלה על בבל הים בהמון גליו נכסתהSelect Jeremiah 51:42

43היו עריה לשמה ארץ ציה וערבה ארץ לא ישב בהן כל איש ולא יעבר בהן בן אדםSelect Jeremiah 51:43

44ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלהSelect Jeremiah 51:44

45צאו מתוכה עמי ומלטו איש את נפשו—מחרון אף יהוהSelect Jeremiah 51:45

46ופן ירך לבבכם ותיראו בשמועה הנשמעת בארץ ובא בשנה השמועה ואחריו בשנה השמועה וחמס בארץ ומשל על משלSelect Jeremiah 51:46

47לכן הנה ימים באים ופקדתי על פסילי בבל וכל ארצה תבוש וכל חלליה יפלו בתוכהSelect Jeremiah 51:47

48ורננו על בבל שמים וארץ וכל אשר בהם כי מצפון יבוא לה השודדים נאם יהוהSelect Jeremiah 51:48

49גם בבל לנפל חללי ישראל גם לבבל נפלו חללי כל הארץSelect Jeremiah 51:49

50פלטים מחרב הלכו אל תעמדו זכרו מרחוק את יהוה וירושלם תעלה על לבבכםSelect Jeremiah 51:50

51בשנו כי שמענו חרפה כסתה כלמה פנינו כי באו זרים על מקדשי בית יהוהSelect Jeremiah 51:51

52לכן הנה ימים באים נאם יהוה ופקדתי על פסיליה ובכל ארצה יאנק חללSelect Jeremiah 51:52

53כי תעלה בבל השמים וכי תבצר מרום עזה מאתי יבאו שדדים לה—נאם יהוהSelect Jeremiah 51:53

54קול זעקה מבבל ושבר גדול מארץ כשדיםSelect Jeremiah 51:54

55כי שדד יהוה את בבל ואבד ממנה קול גדול והמו גליהם כמים רבים נתן שאון קולםSelect Jeremiah 51:55

56כי בא עליה על בבל שודד ונלכדו גבוריה חתתה קשתותם כי אל גמלות יהוה שלם ישלםSelect Jeremiah 51:56

57והשכרתי שריה וחכמיה פחותיה וסגניה וגבוריה וישנו שנת עולם ולא יקיצו נאם המלך—יהוה צבאות שמוSelect Jeremiah 51:57

58כה אמר יהוה צבאות חמות בבל הרחבה ערער תתערער ושעריה הגבהים באש יצתו ויגעו עמים בדי ריק ולאמים בדי אש ויעפוSelect Jeremiah 51:58

59הדבר אשר צוה ירמיהו הנביא את שריה בן נריה בן מחסיה בלכתו את צדקיהו מלך יהודה בבל בשנת הרבעית למלכו ושריה שר מנוחהSelect Jeremiah 51:59

60ויכתב ירמיהו את כל הרעה אשר תבוא אל בבל—אל ספר אחד את כל הדברים האלה הכתבים אל בבלSelect Jeremiah 51:60

61ויאמר ירמיהו אל שריה כבאך בבל—וראית וקראת את כל הדברים האלהSelect Jeremiah 51:61

62ואמרת יהוה אתה דברת אל המקום הזה להכריתו לבלתי היות בו יושב למאדם ועד בהמה כי שממות עולם תהיהSelect Jeremiah 51:62

63והיה ככלתך לקרא את הספר הזה תקשר עליו אבן והשלכתו אל תוך פרתSelect Jeremiah 51:63

64ואמרת ככה תשקע בבל ולא תקום מפני הרעה אשר אנכי מביא עליה—ויעפו עד הנה דברי ירמיהוSelect Jeremiah 51:64