8Jeremiah 8

1בעת ההיא נאם יהוה ויציאו (יוציאו) את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם—מקבריהםSelect Jeremiah 8:1

2ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיוSelect Jeremiah 8:2

3ונבחר מות מחיים לכל השארית הנשארים מן המשפחה הרעה הזאת—בכל המקמות הנשארים אשר הדחתים שם נאם יהוה צבאותSelect Jeremiah 8:3

4ואמרת אליהם כה אמר יהוה היפלו ולא יקומו אם ישוב ולא ישובSelect Jeremiah 8:4

5מדוע שובבה העם הזה ירושלם—משבה נצחת החזיקו בתרמת—מאנו לשובSelect Jeremiah 8:5

6הקשבתי ואשמע לוא כן ידברו—אין איש נחם על רעתו לאמר מה עשיתי כלה שב במרצותם (במרוצתם) כסוס שוטף במלחמהSelect Jeremiah 8:6

7גם חסידה בשמים ידעה מועדיה ותר וסוס (וסיס) ועגור שמרו את עת באנה ועמי—לא ידעו את משפט יהוהSelect Jeremiah 8:7

8איכה תאמרו חכמים אנחנו ותורת יהוה אתנו אכן הנה לשקר עשה עט שקר ספריםSelect Jeremiah 8:8

9הבשו חכמים חתו וילכדו הנה בדבר יהוה מאסו וחכמת מה להםSelect Jeremiah 8:9

10לכן אתן את נשיהם לאחרים שדותיהם ליורשים—כי מקטן ועד גדול כלה בצע בצע מנביא ועד כהן—כלה עשה שקרSelect Jeremiah 8:10

11וירפו את שבר בת עמי על נקלה—לאמר שלום שלום ואין שלוםSelect Jeremiah 8:11

12הבשו כי תועבה עשו גם בוש לא יבשו והכלם לא ידעו—לכן יפלו בנפלים בעת פקדתם יכשלו אמר יהוהSelect Jeremiah 8:12

13אסף אסיפם נאם יהוה אין ענבים בגפן ואין תאנים בתאנה והעלה נבל—ואתן להם יעברוםSelect Jeremiah 8:13

14על מה אנחנו ישבים—האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוהSelect Jeremiah 8:14

15קוה לשלום ואין טוב לעת מרפה והנה בעתהSelect Jeremiah 8:15

16מדן נשמע נחרת סוסיו—מקול מצהלות אביריו רעשה כל הארץ ויבואו ויאכלו ארץ ומלואה—עיר וישבי בהSelect Jeremiah 8:16

17כי הנני משלח בכם נחשים צפענים אשר אין להם לחש ונשכו אתכם נאם יהוהSelect Jeremiah 8:17

18מבליגיתי עלי יגון עלי לבי דויSelect Jeremiah 8:18

19הנה קול שועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם—בהבלי נכרSelect Jeremiah 8:19

20עבר קציר כלה קיץ ואנחנו לוא נושענוSelect Jeremiah 8:20

21על שבר בת עמי השברתי קדרתי שמה החזקתניSelect Jeremiah 8:21

22הצרי אין בגלעד אם רפא אין שם כי מדוע לא עלתה ארכת בת עמיSelect Jeremiah 8:22

23מי יתן ראשי מים ועיני מקור דמעה ואבכה יומם ולילה את חללי בת עמיSelect Jeremiah 8:23