9Jeremiah 9

1מי יתנני במדבר מלון ארחים ואעזבה את עמי ואלכה מאתם כי כלם מנאפים עצרת בגדיםSelect Jeremiah 9:1

2וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוהSelect Jeremiah 9:2

3איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלךSelect Jeremiah 9:3

4ואיש ברעהו יהתלו ואמת לא ידברו למדו לשונם דבר שקר העוה נלאוSelect Jeremiah 9:4

5שבתך בתוך מרמה במרמה מאנו דעת אותי נאם יהוהSelect Jeremiah 9:5

6לכן כה אמר יהוה צבאות הנני צורפם ובחנתים כי איך אעשה מפני בת עמיSelect Jeremiah 9:6

7חץ שוחט (שחוט) לשונם מרמה דבר בפיו שלום את רעהו ידבר ובקרבו ישים ארבוSelect Jeremiah 9:7

8העל אלה לא אפקד בם נאם יהוה אם בגוי אשר כזה לא תתנקם נפשיSelect Jeremiah 9:8

9על ההרים אשא בכי ונהי ועל נאות מדבר קינה—כי נצתו מבלי איש עבר ולא שמעו קול מקנה מעוף השמים ועד בהמה נדדו הלכוSelect Jeremiah 9:9

10ונתתי את ירושלם לגלים מעון תנים ואת ערי יהודה אתן שממה מבלי יושבSelect Jeremiah 9:10

11מי האיש החכם ויבן את זאת ואשר דבר פי יהוה אליו ויגדה על מה אבדה הארץ נצתה כמדבר מבלי עברSelect Jeremiah 9:11

12ויאמר יהוה—על עזבם את תורתי אשר נתתי לפניהם ולא שמעו בקולי ולא הלכו בהSelect Jeremiah 9:12

13וילכו אחרי שררות לבם—ואחרי הבעלים אשר למדום אבותםSelect Jeremiah 9:13

14לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראשSelect Jeremiah 9:14

15והפצותים בגוים אשר לא ידעו המה ואבותם ושלחתי אחריהם את החרב עד כלותי אותםSelect Jeremiah 9:15

16כה אמר יהוה צבאות התבוננו וקראו למקוננות ותבואינה ואל החכמות שלחו ותבואנהSelect Jeremiah 9:16

17ותמהרנה ותשנה עלינו נהי ותרדנה עינינו דמעה ועפעפינו יזלו מיםSelect Jeremiah 9:17

18כי קול נהי נשמע מציון איך שדדנו בשנו מאד כי עזבנו ארץ כי השליכו משכנותינוSelect Jeremiah 9:18

19כי שמענה נשים דבר יהוה ותקח אזנכם דבר פיו ולמדנה בנותיכם נהי ואשה רעותה קינהSelect Jeremiah 9:19

20כי עלה מות בחלונינו בא בארמנותינו—להכרית עולל מחוץ בחורים מרחבותSelect Jeremiah 9:20

21דבר כה נאם יהוה ונפלה נבלת האדם כדמן על פני השדה וכעמיר מאחרי הקצר ואין מאסףSelect Jeremiah 9:21

22כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרוSelect Jeremiah 9:22

23כי אם בזאת יתהלל המתהלל השכל וידע אותי—כי אני יהוה עשה חסד משפט וצדקה בארץ כי באלה חפצתי נאם יהוהSelect Jeremiah 9:23

24הנה ימים באים נאם יהוה ופקדתי על כל מול בערלהSelect Jeremiah 9:24

25על מצרים ועל יהודה ועל אדום ועל בני עמון ועל מואב ועל כל קצוצי פאה הישבים במדבר—כי כל הגוים ערלים וכל בית ישראל ערלי לבSelect Jeremiah 9:25