13Joshua 13

1ויהושע זקן בא בימים ויאמר יהוה אליו אתה זקנתה באת בימים והארץ נשארה הרבה מאד לרשתהSelect Joshua 13:1

2זאת הארץ הנשארת כל גלילות הפלשתים וכל הגשוריSelect Joshua 13:2

3מן השיחור אשר על פני מצרים ועד גבול עקרון צפונה—לכנעני תחשב חמשת סרני פלשתים העזתי והאשדודי האשקלוני הגתי והעקרוני והעויםSelect Joshua 13:3

4מתימן כל ארץ הכנעני ומערה אשר לצידנים—עד אפקה עד גבול האמריSelect Joshua 13:4

5והארץ הגבלי וכל הלבנון מזרח השמש מבעל גד תחת הר חרמון—עד לבוא חמתSelect Joshua 13:5

6כל ישבי ההר מן הלבנון עד משרפת מים כל צידנים—אנכי אורישם מפני בני ישראל רק הפלה לישראל בנחלה כאשר צויתיךSelect Joshua 13:6

7ועתה חלק את הארץ הזאת בנחלה—לתשעת השבטים וחצי השבט המנשהSelect Joshua 13:7

8עמו הראובני והגדי לקחו נחלתם—אשר נתן להם משה בעבר הירדן מזרחה כאשר נתן להם משה עבד יהוהSelect Joshua 13:8

9מערוער אשר על שפת נחל ארנון והעיר אשר בתוך הנחל וכל המישר מידבא—עד דיבוןSelect Joshua 13:9

10וכל ערי סיחון מלך האמרי אשר מלך בחשבון—עד גבול בני עמוןSelect Joshua 13:10

11והגלעד וגבול הגשורי והמעכתי וכל הר חרמון וכל הבשן—עד סלכהSelect Joshua 13:11

12כל ממלכות עוג בבשן אשר מלך בעשתרות ובאדרעי הוא נשאר מיתר הרפאים ויכם משה וירשםSelect Joshua 13:12

13ולא הורישו בני ישראל את הגשורי ואת המעכתי וישב גשור ומעכת בקרב ישראל עד היום הזהSelect Joshua 13:13

14רק לשבט הלוי לא נתן נחלה אשי יהוה אלהי ישראל הוא נחלתו כאשר דבר לוSelect Joshua 13:14

15ויתן משה למטה בני ראובן למשפחתםSelect Joshua 13:15

16ויהי להם הגבול מערוער אשר על שפת נחל ארנון והעיר אשר בתוך הנחל וכל המישר—על מידבאSelect Joshua 13:16

17חשבון וכל עריה אשר במישר דיבן ובמות בעל ובית בעל מעוןSelect Joshua 13:17

18ויהצה וקדמת ומפעתSelect Joshua 13:18

19וקריתים ושבמה וצרת השחר בהר העמקSelect Joshua 13:19

20ובית פעור ואשדות הפסגה ובית הישמותSelect Joshua 13:20

21וכל ערי המישר וכל ממלכות סיחון מלך האמרי אשר מלך בחשבון אשר הכה משה אתו ואת נשיאי מדין את אוי ואת רקם ואת צור ואת חור ואת רבע נסיכי סיחון ישבי הארץSelect Joshua 13:21

22ואת בלעם בן בעור הקוסם—הרגו בני ישראל בחרב אל חלליהםSelect Joshua 13:22

23ויהי גבול בני ראובן—הירדן וגבול זאת נחלת בני ראובן למשפחותם הערים וחצריהןSelect Joshua 13:23

24ויתן משה למטה גד לבני גד למשפחתםSelect Joshua 13:24

25ויהי להם הגבול—יעזר וכל ערי הגלעד וחצי ארץ בני עמון עד ערוער אשר על פני רבהSelect Joshua 13:25

26ומחשבון עד רמת המצפה ובטנים וממחנים עד גבול לדברSelect Joshua 13:26

27ובעמק בית הרם ובית נמרה וסכות וצפון יתר ממלכות סיחון מלך חשבון הירדן וגבל—עד קצה ים כנרת עבר הירדן מזרחהSelect Joshua 13:27

28זאת נחלת בני גד למשפחתם הערים וחצריהםSelect Joshua 13:28

29ויתן משה לחצי שבט מנשה ויהי לחצי מטה בני מנשה—למשפחותםSelect Joshua 13:29

30ויהי גבולם ממחנים כל הבשן כל ממלכות עוג מלך הבשן וכל חות יאיר אשר בבשן—ששים עירSelect Joshua 13:30

31וחצי הגלעד ועשתרות ואדרעי ערי ממלכות עוג בבשן לבני מכיר בן מנשה לחצי בני מכיר למשפחותםSelect Joshua 13:31

32אלה אשר נחל משה בערבות מואב מעבר לירדן יריחו מזרחהSelect Joshua 13:32

33ולשבט הלוי—לא נתן משה נחלה יהוה אלהי ישראל הוא נחלתם כאשר דבר להםSelect Joshua 13:33