2Joshua 2

1וישלח יהושע בן נון מן השטים שנים אנשים מרגלים חרש לאמר לכו ראו את הארץ ואת יריחו וילכו ויבאו בית אשה זונה ושמה רחב—וישכבו שמהSelect Joshua 2:1

2ויאמר למלך יריחו לאמר הנה אנשים באו הנה הלילה מבני ישראל—לחפר את הארץSelect Joshua 2:2

3וישלח מלך יריחו אל רחב לאמר הוציאי האנשים הבאים אליך אשר באו לביתך—כי לחפר את כל הארץ באוSelect Joshua 2:3

4ותקח האשה את שני האנשים ותצפנו ותאמר כן באו אלי האנשים ולא ידעתי מאין המהSelect Joshua 2:4

5ויהי השער לסגור בחשך והאנשים יצאו—לא ידעתי אנה הלכו האנשים רדפו מהר אחריהם כי תשיגוםSelect Joshua 2:5

6והיא העלתם הגגה ותטמנם בפשתי העץ הערכות לה על הגגSelect Joshua 2:6

7והאנשים רדפו אחריהם דרך הירדן על המעברות והשער סגרו—אחרי כאשר יצאו הרדפים אחריהםSelect Joshua 2:7

8והמה טרם ישכבון והיא עלתה עליהם על הגגSelect Joshua 2:8

9ותאמר אל האנשים—ידעתי כי נתן יהוה לכם את הארץ וכי נפלה אימתכם עלינו וכי נמגו כל ישבי הארץ מפניכםSelect Joshua 2:9

10כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג—אשר החרמתם אותםSelect Joshua 2:10

11ונשמע וימס לבבנו ולא קמה עוד רוח באיש מפניכם כי יהוה אלהיכם—הוא אלהים בשמים ממעל ועל הארץ מתחתSelect Joshua 2:11

12ועתה השבעו נא לי ביהוה כי עשיתי עמכם חסד ועשיתם גם אתם עם בית אבי חסד ונתתם לי אות אמתSelect Joshua 2:12

13והחיתם את אבי ואת אמי ואת אחי ואת אחותי (אחיותי) ואת כל אשר להם והצלתם את נפשתינו ממותSelect Joshua 2:13

14ויאמרו לה האנשים נפשנו תחתיכם למות אם לא תגידו את דברנו זה והיה בתת יהוה לנו את הארץ ועשינו עמך חסד ואמתSelect Joshua 2:14

15ותורדם בחבל בעד החלון כי ביתה בקיר החומה ובחומה היא יושבתSelect Joshua 2:15

16ותאמר להם ההרה לכו פן יפגעו בכם הרדפים ונחבתם שמה שלשת ימים עד שוב הרדפים ואחר תלכו לדרככםSelect Joshua 2:16

17ויאמרו אליה האנשים נקים אנחנו משבעתך הזה אשר השבעתנוSelect Joshua 2:17

18הנה אנחנו באים בארץ את תקות חוט השני הזה תקשרי בחלון אשר הורדתנו בו ואת אביך ואת אמך ואת אחיך ואת כל בית אביך תאספי אליך הביתהSelect Joshua 2:18

19והיה כל אשר יצא מדלתי ביתך החוצה דמו בראשו—ואנחנו נקים וכל אשר יהיה אתך בבית—דמו בראשנו אם יד תהיה בוSelect Joshua 2:19

20ואם תגידי את דברנו זה—והיינו נקים משבעתך אשר השבעתנוSelect Joshua 2:20

21ותאמר כדבריכם כן הוא ותשלחם וילכו ותקשר את תקות השני בחלוןSelect Joshua 2:21

22וילכו ויבאו ההרה וישבו שם שלשת ימים עד שבו הרדפים ויבקשו הרדפים בכל הדרך ולא מצאוSelect Joshua 2:22

23וישבו שני האנשים וירדו מההר ויעברו ויבאו אל יהושע בן נון ויספרו לו—את כל המצאות אותםSelect Joshua 2:23

24ויאמרו אל יהושע כי נתן יהוה בידנו את כל הארץ וגם נמגו כל ישבי הארץ מפנינוSelect Joshua 2:24