21Joshua 21

1ויגשו ראשי אבות הלוים אל אלעזר הכהן ואל יהושע בן נון ואל ראשי אבות המטות לבני ישראלSelect Joshua 21:1

2וידברו אליהם בשלה בארץ כנען לאמר יהוה צוה ביד משה לתת לנו ערים לשבת ומגרשיהן לבהמתנוSelect Joshua 21:2

3ויתנו בני ישראל ללוים מנחלתם אל פי יהוה את הערים האלה ואת מגרשיהןSelect Joshua 21:3

4ויצא הגורל למשפחת הקהתי ויהי לבני אהרן הכהן מן הלוים ממטה יהודה וממטה השמעני וממטה בנימן בגורל—ערים שלש עשרהSelect Joshua 21:4

5ולבני קהת הנותרים ממשפחת מטה אפרים וממטה דן ומחצי מטה מנשה בגורל—ערים עשרSelect Joshua 21:5

6ולבני גרשון ממשפחות מטה יששכר וממטה אשר וממטה נפתלי ומחצי מטה מנשה בבשן בגורל—ערים שלש עשרהSelect Joshua 21:6

7לבני מררי למשפחתם ממטה ראובן וממטה גד וממטה זבולן—ערים שתים עשרהSelect Joshua 21:7

8ויתנו בני ישראל ללוים את הערים האלה ואת מגרשיהן כאשר צוה יהוה ביד משה בגורלSelect Joshua 21:8

9ויתנו ממטה בני יהודה וממטה בני שמעון—את הערים האלה אשר יקרא אתהן בשםSelect Joshua 21:9

10ויהי לבני אהרן ממשפחות הקהתי מבני לוי כי להם היה הגורל ראישנהSelect Joshua 21:10

11ויתנו להם את קרית ארבע אבי הענוק היא חברון—בהר יהודה ואת מגרשה סביבתיהSelect Joshua 21:11

12ואת שדה העיר ואת חצריה נתנו לכלב בן יפנה באחזתוSelect Joshua 21:12

13ולבני אהרן הכהן נתנו את עיר מקלט הרצח—את חברון ואת מגרשה ואת לבנה ואת מגרשהSelect Joshua 21:13

14ואת יתר ואת מגרשה ואת אשתמע ואת מגרשהSelect Joshua 21:14

15ואת חלן ואת מגרשה ואת דבר ואת מגרשהSelect Joshua 21:15

16ואת עין ואת מגרשה ואת יטה ואת מגרשה את בית שמש ואת מגרשה ערים תשע—מאת שני השבטים האלהSelect Joshua 21:16

17וממטה בנימין את גבעון ואת מגרשה את גבע ואת מגרשהSelect Joshua 21:17

18את ענתות ואת מגרשה ואת עלמון ואת מגרשה ערים ארבעSelect Joshua 21:18

19כל ערי בני אהרן הכהנים—שלש עשרה ערים ומגרשיהןSelect Joshua 21:19

20ולמשפחות בני קהת הלוים הנותרים מבני קהת ויהי ערי גורלם ממטה אפריםSelect Joshua 21:20

21ויתנו להם את עיר מקלט הרצח את שכם ואת מגרשה—בהר אפרים ואת גזר ואת מגרשהSelect Joshua 21:21

22ואת קבצים ואת מגרשה ואת בית חורן ואת מגרשה ערים ארבעSelect Joshua 21:22

23וממטה דן—את אלתקא ואת מגרשה את גבתון ואת מגרשהSelect Joshua 21:23

24את אילון ואת מגרשה את גת רמון ואת מגרשה ערים ארבעSelect Joshua 21:24

25וממחצית מטה מנשה—את תענך ואת מגרשה ואת גת רמון ואת מגרשה ערים שתיםSelect Joshua 21:25

26כל ערים עשר ומגרשיהן למשפחות בני קהת הנותריםSelect Joshua 21:26

27ולבני גרשון ממשפחת הלוים—מחצי מטה מנשה את עיר מקלט הרצח את גלון (גולן) בבשן ואת מגרשה ואת בעשתרה ואת מגרשה ערים שתיםSelect Joshua 21:27

28וממטה יששכר את קשיון ואת מגרשה את דברת ואת מגרשהSelect Joshua 21:28

29את ירמות ואת מגרשה את עין גנים ואת מגרשה ערים ארבעSelect Joshua 21:29

30וממטה אשר את משאל ואת מגרשה את עבדון ואת מגרשהSelect Joshua 21:30

31את חלקת ואת מגרשה ואת רחב ואת מגרשה ערים ארבעSelect Joshua 21:31

32וממטה נפתלי את עיר מקלט הרצח את קדש בגליל ואת מגרשה ואת חמת דאר ואת מגרשה ואת קרתן ואת מגרשה ערים שלשSelect Joshua 21:32

33כל ערי הגרשני למשפחתם—שלש עשרה עיר ומגרשיהןSelect Joshua 21:33

34ולמשפחות בני מררי הלוים הנותרים—מאת מטה זבולן את יקנעם ואת מגרשה את קרתה ואת מגרשהSelect Joshua 21:34

35את דמנה ואת מגרשה את נהלל ואת מגרשה ערים ארבעSelect Joshua 21:35

36וממטה גד את עיר מקלט הרצח את רמת בגלעד ואת מגרשה ואת מחנים ואת מגרשהSelect Joshua 21:36

37את חשבון ואת מגרשה את יעזר ואת מגרשה כל ערים ארבעSelect Joshua 21:37

38כל הערים לבני מררי למשפחתם הנותרים ממשפחות הלוים ויהי גורלם—ערים שתים עשרהSelect Joshua 21:38

39כל ערי הלוים בתוך אחזת בני ישראל—ערים ארבעים ושמנה ומגרשיהןSelect Joshua 21:39

40תהיינה הערים האלה—עיר עיר ומגרשיה סביבתיה כן לכל הערים האלהSelect Joshua 21:40

41ויתן יהוה לישראל את כל הארץ אשר נשבע לתת לאבותם וירשוה וישבו בהSelect Joshua 21:41

42וינח יהוה להם מסביב ככל אשר נשבע לאבותם ולא עמד איש בפניהם מכל איביהם—את כל איביהם נתן יהוה בידםSelect Joshua 21:42

43לא נפל דבר—מכל הדבר הטוב אשר דבר יהוה אל בית ישראל הכל באSelect Joshua 21:43