22Joshua 22

1אז יקרא יהושע לראובני ולגדי ולחצי מטה מנשהSelect Joshua 22:1

2ויאמר אליהם—אתם שמרתם את כל אשר צוה אתכם משה עבד יהוה ותשמעו בקולי לכל אשר צויתי אתכםSelect Joshua 22:2

3לא עזבתם את אחיכם זה ימים רבים עד היום הזה ושמרתם—את משמרת מצות יהוה אלהיכםSelect Joshua 22:3

4ועתה הניח יהוה אלהיכם לאחיכם כאשר דבר להם ועתה פנו ולכו לכם לאהליכם אל ארץ אחזתכם אשר נתן לכם משה עבד יהוה בעבר הירדןSelect Joshua 22:4

5רק שמרו מאד לעשות את המצוה ואת התורה אשר צוה אתכם משה עבד יהוה לאהבה את יהוה אלהיכם וללכת בכל דרכיו ולשמר מצותיו ולדבקה בו ולעבדו בכל לבבכם ובכל נפשכםSelect Joshua 22:5

6ויברכם יהושע וישלחם וילכו אל אהליהםSelect Joshua 22:6

7ולחצי שבט המנשה נתן משה בבשן ולחציו נתן יהושע עם אחיהם מעבר (בעבר) הירדן ימה וגם כי שלחם יהושע אל אהליהם—ויברכםSelect Joshua 22:7

8ויאמר אליהם לאמר בנכסים רבים שובו אל אהליכם ובמקנה רב מאד בכסף ובזהב ובנחשת ובברזל ובשלמות הרבה מאד חלקו שלל איביכם עם אחיכםSelect Joshua 22:8

9וישבו וילכו בני ראובן ובני גד וחצי שבט המנשה מאת בני ישראל משלה אשר בארץ כנען—ללכת אל ארץ הגלעד אל ארץ אחזתם אשר נאחזו בה על פי יהוה ביד משהSelect Joshua 22:9

10ויבאו אל גלילות הירדן אשר בארץ כנען ויבנו בני ראובן ובני גד וחצי שבט המנשה שם מזבח על הירדן—מזבח גדול למראהSelect Joshua 22:10

11וישמעו בני ישראל לאמר הנה בנו בני ראובן ובני גד וחצי שבט המנשה את המזבח אל מול ארץ כנען—אל גלילות הירדן אל עבר בני ישראלSelect Joshua 22:11

12וישמעו בני ישראל ויקהלו כל עדת בני ישראל שלה לעלות עליהם לצבאSelect Joshua 22:12

13וישלחו בני ישראל אל בני ראובן ואל בני גד ואל חצי שבט מנשה—אל ארץ הגלעד את פינחס בן אלעזר הכהןSelect Joshua 22:13

14ועשרה נשאים עמו—נשיא אחד נשיא אחד לבית אב לכל מטות ישראל ואיש ראש בית אבותם המה לאלפי ישראלSelect Joshua 22:14

15ויבאו אל בני ראובן ואל בני גד ואל חצי שבט מנשה—אל ארץ הגלעד וידברו אתם לאמרSelect Joshua 22:15

16כה אמרו כל עדת יהוה מה המעל הזה אשר מעלתם באלהי ישראל לשוב היום מאחרי יהוה—בבנותכם לכם מזבח למרדכם היום ביהוהSelect Joshua 22:16

17המעט לנו את עון פעור אשר לא הטהרנו ממנו עד היום הזה ויהי הנגף בעדת יהוהSelect Joshua 22:17

18ואתם תשבו היום מאחרי יהוה והיה אתם תמרדו היום ביהוה ומחר אל כל עדת ישראל יקצףSelect Joshua 22:18

19ואך אם טמאה ארץ אחזתכם עברו לכם אל ארץ אחזת יהוה אשר שכן שם משכן יהוה והאחזו בתוכנו וביהוה אל תמרדו ואתנו אל תמרדו בבנתכם לכם מזבח מבלעדי מזבח יהוה אלהינוSelect Joshua 22:19

20הלוא עכן בן זרח מעל מעל בחרם ועל כל עדת ישראל היה קצף והוא איש אחד לא גוע בעונוSelect Joshua 22:20

21ויענו בני ראובן ובני גד וחצי שבט המנשה וידברו את ראשי אלפי ישראלSelect Joshua 22:21

22אל אלהים יהוה אל אלהים יהוה הוא ידע וישראל הוא ידע אם במרד ואם במעל ביהוה אל תושיענו היום הזהSelect Joshua 22:22

23לבנות לנו מזבח לשוב מאחרי יהוה ואם להעלות עליו עולה ומנחה ואם לעשות עליו זבחי שלמים—יהוה הוא יבקשSelect Joshua 22:23

24ואם לא מדאגה מדבר עשינו את זאת לאמר מחר יאמרו בניכם לבנינו לאמר מה לכם וליהוה אלהי ישראלSelect Joshua 22:24

25וגבול נתן יהוה ביננו וביניכם בני ראובן ובני גד את הירדן—אין לכם חלק ביהוה והשביתו בניכם את בנינו לבלתי ירא את יהוהSelect Joshua 22:25

26ונאמר—נעשה נא לנו לבנות את המזבח לא לעולה ולא לזבחSelect Joshua 22:26

27כי עד הוא בינינו וביניכם ובין דרותינו אחרינו לעבד את עבדת יהוה לפניו בעלותינו ובזבחינו ובשלמינו ולא יאמרו בניכם מחר לבנינו אין לכם חלק ביהוהSelect Joshua 22:27

28ונאמר—והיה כי יאמרו אלינו ואל דרתינו מחר ואמרנו ראו את תבנית מזבח יהוה אשר עשו אבותינו לא לעולה ולא לזבח—כי עד הוא בינינו וביניכםSelect Joshua 22:28

29חלילה לנו ממנו למרד ביהוה ולשוב היום מאחרי יהוה לבנות מזבח לעלה למנחה ולזבח—מלבד מזבח יהוה אלהינו אשר לפני משכנוSelect Joshua 22:29

30וישמע פינחס הכהן ונשיאי העדה וראשי אלפי ישראל אשר אתו את הדברים אשר דברו בני ראובן ובני גד ובני מנשה וייטב בעיניהםSelect Joshua 22:30

31ויאמר פינחס בן אלעזר הכהן אל בני ראובן ואל בני גד ואל בני מנשה היום ידענו כי בתוכנו יהוה אשר לא מעלתם ביהוה המעל הזה אז הצלתם את בני ישראל—מיד יהוהSelect Joshua 22:31

32וישב פינחס בן אלעזר הכהן והנשיאים מאת בני ראובן ומאת בני גד מארץ הגלעד אל ארץ כנען—אל בני ישראל וישבו אותם דברSelect Joshua 22:32

33וייטב הדבר בעיני בני ישראל ויברכו אלהים בני ישראל ולא אמרו לעלות עליהם לצבא לשחת את הארץ אשר בני ראובן ובני גד ישבים בהSelect Joshua 22:33

34ויקראו בני ראובן ובני גד למזבח כי עד הוא בינתינו כי יהוה האלהיםSelect Joshua 22:34