4Joshua 4

1ויהי כאשר תמו כל הגוי לעבור את הירדן ויאמר יהוה אל יהושע לאמרSelect Joshua 4:1

2קחו לכם מן העם שנים עשר אנשים—איש אחד איש אחד משבטSelect Joshua 4:2

3וצוו אותם לאמר שאו לכם מזה מתוך הירדן ממצב רגלי הכהנים הכין שתים עשרה אבנים והעברתם אותם עמכם והנחתם אותם במלון אשר תלינו בו הלילהSelect Joshua 4:3

4ויקרא יהושע אל שנים העשר איש אשר הכין מבני ישראל—איש אחד איש אחד משבטSelect Joshua 4:4

5ויאמר להם יהושע עברו לפני ארון יהוה אלהיכם אל תוך הירדן והרימו לכם איש אבן אחת על שכמו למספר שבטי בני ישראלSelect Joshua 4:5

6למען תהיה זאת אות—בקרבכם כי ישאלון בניכם מחר לאמר מה האבנים האלה לכםSelect Joshua 4:6

7ואמרתם להם אשר נכרתו מימי הירדן מפני ארון ברית יהוה—בעברו בירדן נכרתו מי הירדן והיו האבנים האלה לזכרון לבני ישראל—עד עולםSelect Joshua 4:7

8ויעשו כן בני ישראל כאשר צוה יהושע וישאו שתי עשרה אבנים מתוך הירדן כאשר דבר יהוה אל יהושע למספר שבטי בני ישראל ויעברום עמם אל המלון וינחום שםSelect Joshua 4:8

9ושתים עשרה אבנים הקים יהושע בתוך הירדן—תחת מצב רגלי הכהנים נשאי ארון הברית ויהיו שם עד היום הזהSelect Joshua 4:9

10והכהנים נשאי הארון עמדים בתוך הירדן עד תם כל הדבר אשר צוה יהוה את יהושע לדבר אל העם ככל אשר צוה משה את יהושע וימהרו העם ויעברוSelect Joshua 4:10

11ויהי כאשר תם כל העם לעבור ויעבר ארון יהוה והכהנים לפני העםSelect Joshua 4:11

12ויעברו בני ראובן ובני גד וחצי שבט המנשה חמשים לפני בני ישראל—כאשר דבר אליהם משהSelect Joshua 4:12

13כארבעים אלף חלוצי הצבא—עברו לפני יהוה למלחמה אל ערבות יריחוSelect Joshua 4:13

14ביום ההוא גדל יהוה את יהושע בעיני כל ישראל ויראו אתו כאשר יראו את משה כל ימי חייוSelect Joshua 4:14

15ויאמר יהוה אל יהושע לאמרSelect Joshua 4:15

16צוה את הכהנים נשאי ארון העדות ויעלו מן הירדןSelect Joshua 4:16

17ויצו יהושע את הכהנים לאמר עלו מן הירדןSelect Joshua 4:17

18ויהי בעלות (כעלות) הכהנים נשאי ארון ברית יהוה מתוך הירדן נתקו כפות רגלי הכהנים אל החרבה וישבו מי הירדן למקומם וילכו כתמול שלשום על כל גדותיוSelect Joshua 4:18

19והעם עלו מן הירדן בעשור לחדש הראשון ויחנו בגלגל בקצה מזרח יריחוSelect Joshua 4:19

20ואת שתים עשרה האבנים האלה אשר לקחו מן הירדן—הקים יהושע בגלגלSelect Joshua 4:20

21ויאמר אל בני ישראל לאמר אשר ישאלון בניכם מחר את אבותם לאמר מה האבנים האלהSelect Joshua 4:21

22והודעתם את בניכם לאמר ביבשה עבר ישראל את הירדן הזהSelect Joshua 4:22

23אשר הוביש יהוה אלהיכם את מי הירדן מפניכם—עד עברכם כאשר עשה יהוה אלהיכם לים סוף אשר הוביש מפנינו עד עברנוSelect Joshua 4:23

24למען דעת כל עמי הארץ את יד יהוה כי חזקה היא—למען יראתם את יהוה אלהיכם כל הימיםSelect Joshua 4:24