11Judges 11

1ויפתח הגלעדי היה גבור חיל והוא בן אשה זונה ויולד גלעד את יפתחSelect Judges 11:1

2ותלד אשת גלעד לו בנים ויגדלו בני האשה ויגרשו את יפתח ויאמרו לו לא תנחל בבית אבינו—כי בן אשה אחרת אתהSelect Judges 11:2

3ויברח יפתח מפני אחיו וישב בארץ טוב ויתלקטו אל יפתח אנשים ריקים ויצאו עמוSelect Judges 11:3

4ויהי מימים וילחמו בני עמון עם ישראלSelect Judges 11:4

5ויהי כאשר נלחמו בני עמון עם ישראל וילכו זקני גלעד לקחת את יפתח מארץ טובSelect Judges 11:5

6ויאמרו ליפתח—לכה והייתה לנו לקצין ונלחמה בבני עמוןSelect Judges 11:6

7ויאמר יפתח לזקני גלעד הלא אתם שנאתם אותי ותגרשוני מבית אבי ומדוע באתם אלי עתה כאשר צר לכםSelect Judges 11:7

8ויאמרו זקני גלעד אל יפתח לכן עתה שבנו אליך והלכת עמנו ונלחמת בבני עמון והיית לנו לראש לכל ישבי גלעדSelect Judges 11:8

9ויאמר יפתח אל זקני גלעד אם משיבים אתם אותי להלחם בבני עמון ונתן יהוה אותם לפני—אנכי אהיה לכם לראשSelect Judges 11:9

10ויאמרו זקני גלעד אל יפתח יהוה יהיה שמע בינותינו—אם לא כדברך כן נעשהSelect Judges 11:10

11וילך יפתח עם זקני גלעד וישימו העם אותו עליהם לראש ולקצין וידבר יפתח את כל דבריו לפני יהוה במצפהSelect Judges 11:11

12וישלח יפתח מלאכים אל מלך בני עמון לאמר מה לי ולך כי באת אלי להלחם בארציSelect Judges 11:12

13ויאמר מלך בני עמון אל מלאכי יפתח כי לקח ישראל את ארצי בעלותו ממצרים מארנון ועד היבק ועד הירדן ועתה השיבה אתהן בשלוםSelect Judges 11:13

14ויוסף עוד יפתח וישלח מלאכים אל מלך בני עמוןSelect Judges 11:14

15ויאמר לו כה אמר יפתח לא לקח ישראל את ארץ מואב ואת ארץ בני עמוןSelect Judges 11:15

16כי בעלותם ממצרים וילך ישראל במדבר עד ים סוף ויבא קדשהSelect Judges 11:16

17וישלח ישראל מלאכים אל מלך אדום לאמר אעברה נא בארצך ולא שמע מלך אדום וגם אל מלך מואב שלח ולא אבה וישב ישראל בקדשSelect Judges 11:17

18וילך במדבר ויסב את ארץ אדום ואת ארץ מואב ויבא ממזרח שמש לארץ מואב ויחנון בעבר ארנון ולא באו בגבול מואב כי ארנון גבול מואבSelect Judges 11:18

19וישלח ישראל מלאכים אל סיחון מלך האמרי מלך חשבון ויאמר לו ישראל נעברה נא בארצך עד מקומיSelect Judges 11:19

20ולא האמין סיחון את ישראל עבר בגבלו ויאסף סיחון את כל עמו ויחנו ביהצה וילחם עם ישראלSelect Judges 11:20

21ויתן יהוה אלהי ישראל את סיחון ואת כל עמו ביד ישראל—ויכום ויירש ישראל את כל ארץ האמרי יושב הארץ ההיאSelect Judges 11:21

22ויירשו את כל גבול האמרי—מארנון ועד היבק ומן המדבר ועד הירדןSelect Judges 11:22

23ועתה יהוה אלהי ישראל הוריש את האמרי מפני עמו ישראל ואתה תירשנוSelect Judges 11:23

24הלא את אשר יורישך כמוש אלהיך—אותו תירש ואת כל אשר הוריש יהוה אלהינו מפנינו—אותו נירשSelect Judges 11:24

25ועתה הטוב טוב אתה מבלק בן צפור מלך מואב הרוב רב עם ישראל אם נלחם נלחם בםSelect Judges 11:25

26בשבת ישראל בחשבון ובבנותיה ובערעור ובבנותיה ובכל הערים אשר על ידי ארנון שלש מאות שנה—ומדוע לא הצלתם בעת ההיאSelect Judges 11:26

27ואנכי לא חטאתי לך ואתה עשה אתי רעה להלחם בי ישפט יהוה השפט היום בין בני ישראל ובין בני עמוןSelect Judges 11:27

28ולא שמע מלך בני עמון אל דברי יפתח אשר שלח אליוSelect Judges 11:28

29ותהי על יפתח רוח יהוה ויעבר את הגלעד ואת מנשה ויעבר את מצפה גלעד וממצפה גלעד עבר בני עמוןSelect Judges 11:29

30וידר יפתח נדר ליהוה ויאמר אם נתון תתן את בני עמון בידיSelect Judges 11:30

31והיה היוצא אשר יצא מדלתי ביתי לקראתי בשובי בשלום מבני עמון—והיה ליהוה והעליתיהו עלהSelect Judges 11:31

32ויעבר יפתח אל בני עמון להלחם בם ויתנם יהוה בידוSelect Judges 11:32

33ויכם מערוער ועד באך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראלSelect Judges 11:33

34ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בתSelect Judges 11:34

35ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשובSelect Judges 11:35

36ותאמר אליו אבי פציתה את פיך אל יהוה—עשה לי כאשר יצא מפיך אחרי אשר עשה לך יהוה נקמות מאיביך—מבני עמוןSelect Judges 11:36

37ותאמר אל אביה יעשה לי הדבר הזה הרפה ממני שנים חדשים ואלכה וירדתי על ההרים ואבכה על בתולי אנכי ורעיתי (ורעותי)Select Judges 11:37

38ויאמר לכי וישלח אותה שני חדשים ותלך היא ורעותיה ותבך על בתוליה על ההריםSelect Judges 11:38

39ויהי מקץ שנים חדשים ותשב אל אביה ויעש לה את נדרו אשר נדר והיא לא ידעה איש ותהי חק בישראלSelect Judges 11:39

40מימים ימימה תלכנה בנות ישראל לתנות לבת יפתח הגלעדי—ארבעת ימים בשנהSelect Judges 11:40