12Judges 12

1ויצעק איש אפרים ויעבר צפונה ויאמרו ליפתח מדוע עברת להלחם בבני עמון ולנו לא קראת ללכת עמך—ביתך נשרף עליך באשSelect Judges 12:1

2ויאמר יפתח אליהם איש ריב הייתי אני ועמי ובני עמון מאד ואזעק אתכם ולא הושעתם אותי מידםSelect Judges 12:2

3ואראה כי אינך מושיע ואשימה נפשי בכפי ואעברה אל בני עמון ויתנם יהוה בידי ולמה עליתם אלי היום הזה—להלחם ביSelect Judges 12:3

4ויקבץ יפתח את כל אנשי גלעד וילחם את אפרים ויכו אנשי גלעד את אפרים כי אמרו פליטי אפרים אתם—גלעד בתוך אפרים בתוך מנשהSelect Judges 12:4

5וילכד גלעד את מעברות הירדן לאפרים והיה כי יאמרו פליטי אפרים אעברה ויאמרו לו אנשי גלעד האפרתי אתה ויאמר לאSelect Judges 12:5

6ויאמרו לו אמר נא שבלת ויאמר סבלת ולא יכין לדבר כן ויאחזו אותו וישחטוהו אל מעברות הירדן ויפל בעת ההיא מאפרים ארבעים ושנים אלףSelect Judges 12:6

7וישפט יפתח את ישראל שש שנים וימת יפתח הגלעדי ויקבר בערי גלעדSelect Judges 12:7

8וישפט אחריו את ישראל אבצן מבית לחםSelect Judges 12:8

9ויהי לו שלשים בנים ושלשים בנות שלח החוצה ושלשים בנות הביא לבניו מן החוץ וישפט את ישראל שבע שניםSelect Judges 12:9

10וימת אבצן ויקבר בבית לחםSelect Judges 12:10

11וישפט אחריו את ישראל אילון הזבולני וישפט את ישראל עשר שניםSelect Judges 12:11

12וימת אילון הזבולני ויקבר באילון בארץ זבולןSelect Judges 12:12

13וישפט אחריו את ישראל עבדון בן הלל הפרעתוניSelect Judges 12:13

14ויהי לו ארבעים בנים ושלשים בני בנים רכבים על שבעים עירם וישפט את ישראל שמנה שניםSelect Judges 12:14

15וימת עבדון בן הלל הפרעתוני ויקבר בפרעתון בארץ אפרים בהר העמלקיSelect Judges 12:15