16Judges 16

1וילך שמשון עזתה וירא שם אשה זונה ויבא אליהSelect Judges 16:1

2לעזתים לאמר בא שמשון הנה ויסבו ויארבו לו כל הלילה בשער העיר ויתחרשו כל הלילה לאמר עד אור הבקר והרגנהוSelect Judges 16:2

3וישכב שמשון עד חצי הלילה ויקם בחצי הלילה ויאחז בדלתות שער העיר ובשתי המזזות ויסעם עם הבריח וישם על כתפיו ויעלם אל ראש ההר אשר על פני חברוןSelect Judges 16:3

4ויהי אחרי כן ויאהב אשה בנחל שרק ושמה דלילהSelect Judges 16:4

5ויעלו אליה סרני פלשתים ויאמרו לה פתי אותו וראי במה כחו גדול ובמה נוכל לו ואסרנוהו לענותו ואנחנו נתן לך איש אלף ומאה כסףSelect Judges 16:5

6ותאמר דלילה אל שמשון הגידה נא לי במה כחך גדול ובמה תאסר לענותךSelect Judges 16:6

7ויאמר אליה שמשון אם יאסרני בשבעה יתרים לחים אשר לא חרבו—וחליתי והייתי כאחד האדםSelect Judges 16:7

8ויעלו לה סרני פלשתים שבעה יתרים לחים—אשר לא חרבו ותאסרהו בהםSelect Judges 16:8

9והארב ישב לה בחדר ותאמר אליו פלשתים עליך שמשון וינתק את היתרים כאשר ינתק פתיל הנערת בהריחו אש ולא נודע כחוSelect Judges 16:9

10ותאמר דלילה אל שמשון הנה התלת בי ותדבר אלי כזבים עתה הגידה נא לי במה תאסרSelect Judges 16:10

11ויאמר אליה—אם אסור יאסרוני בעבתים חדשים אשר לא נעשה בהם מלאכה וחליתי והייתי כאחד האדםSelect Judges 16:11

12ותקח דלילה עבתים חדשים ותאסרהו בהם ותאמר אליו פלשתים עליך שמשון והארב ישב בחדר וינתקם מעל זרעתיו כחוטSelect Judges 16:12

13ותאמר דלילה אל שמשון עד הנה התלת בי ותדבר אלי כזבים—הגידה לי במה תאסר ויאמר אליה—אם תארגי את שבע מחלפות ראשי עם המסכתSelect Judges 16:13

14ותתקע ביתד ותאמר אליו פלשתים עליך שמשון וייקץ משנתו ויסע את היתד הארג ואת המסכתSelect Judges 16:14

15ותאמר אליו איך תאמר אהבתיך ולבך אין אתי זה שלש פעמים התלת בי ולא הגדת לי במה כחך גדולSelect Judges 16:15

16ויהי כי הציקה לו בדבריה כל הימים—ותאלצהו ותקצר נפשו למותSelect Judges 16:16

17ויגד לה את כל לבו ויאמר לה מורה לא עלה על ראשי—כי נזיר אלהים אני מבטן אמי אם גלחתי וסר ממני כחי וחליתי והייתי ככל האדםSelect Judges 16:17

18ותרא דלילה כי הגיד לה את כל לבו ותשלח ותקרא לסרני פלשתים לאמר עלו הפעם כי הגיד לה (לי) את כל לבו ועלו אליה סרני פלשתים ויעלו הכסף בידםSelect Judges 16:18

19ותישנהו על ברכיה ותקרא לאיש ותגלח את שבע מחלפות ראשו ותחל לענותו ויסר כחו מעליוSelect Judges 16:19

20ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליוSelect Judges 16:20

21ויאחזוהו פלשתים וינקרו את עיניו ויורידו אותו עזתה ויאסרוהו בנחשתים ויהי טוחן בבית האסירים (האסורים)Select Judges 16:21

22ויחל שער ראשו לצמח כאשר גלחSelect Judges 16:22

23וסרני פלשתים נאספו לזבח זבח גדול לדגון אלהיהם—ולשמחה ויאמרו—נתן אלהינו בידנו את שמשון אויבנוSelect Judges 16:23

24ויראו אתו העם ויהללו את אלהיהם כי אמרו נתן אלהינו בידנו את אויבנו ואת מחריב ארצנו ואשר הרבה את חללינוSelect Judges 16:24

25ויהי כי טוב (כטוב) לבם ויאמרו קראו לשמשון וישחק לנו ויקראו לשמשון מבית האסירים (האסורים) ויצחק לפניהם ויעמידו אותו בין העמודיםSelect Judges 16:25

26ויאמר שמשון אל הנער המחזיק בידו הניחה אותי והימשני (והמישני) את העמדים אשר הבית נכון עליהם ואשען עליהםSelect Judges 16:26

27והבית מלא האנשים והנשים ושמה כל סרני פלשתים ועל הגג כשלשת אלפים איש ואשה הראים בשחוק שמשוןSelect Judges 16:27

28ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתיםSelect Judges 16:28

29וילפת שמשון את שני עמודי התוך אשר הבית נכון עליהם ויסמך עליהם—אחד בימינו ואחד בשמאלוSelect Judges 16:29

30ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייוSelect Judges 16:30

31וירדו אחיו וכל בית אביהו וישאו אתו ויעלו ויקברו אותו בין צרעה ובין אשתאל בקבר מנוח אביו והוא שפט את ישראל עשרים שנהSelect Judges 16:31