17Judges 17

1ויהי איש מהר אפרים ושמו מיכיהוSelect Judges 17:1

2ויאמר לאמו אלף ומאה הכסף אשר לקח לך ואתי (ואת) אלית וגם אמרת באזני הנה הכסף אתי אני לקחתיו ותאמר אמו ברוך בני ליהוהSelect Judges 17:2

3וישב את אלף ומאה הכסף לאמו ותאמר אמו הקדש הקדשתי את הכסף ליהוה מידי לבני לעשות פסל ומסכה ועתה אשיבנו לךSelect Judges 17:3

4וישב את הכסף לאמו ותקח אמו מאתים כסף ותתנהו לצורף ויעשהו פסל ומסכה ויהי בבית מיכיהוSelect Judges 17:4

5והאיש מיכה לו בית אלהים ויעש אפוד ותרפים וימלא את יד אחד מבניו ויהי לו לכהןSelect Judges 17:5

6בימים ההם אין מלך בישראל איש הישר בעיניו יעשהSelect Judges 17:6

7ויהי נער מבית לחם יהודה ממשפחת יהודה והוא לוי והוא גר שםSelect Judges 17:7

8וילך האיש מהעיר מבית לחם יהודה לגור באשר ימצא ויבא הר אפרים עד בית מיכה לעשות דרכוSelect Judges 17:8

9ויאמר לו מיכה מאין תבוא ויאמר אליו לוי אנכי מבית לחם יהודה ואנכי הלך לגור באשר אמצאSelect Judges 17:9

10ויאמר לו מיכה שבה עמדי והיה לי לאב ולכהן ואנכי אתן לך עשרת כסף לימים וערך בגדים ומחיתך וילך הלויSelect Judges 17:10

11ויואל הלוי לשבת את האיש ויהי הנער לו כאחד מבניוSelect Judges 17:11

12וימלא מיכה את יד הלוי ויהי לו הנער לכהן ויהי בבית מיכהSelect Judges 17:12

13ויאמר מיכה—עתה ידעתי כי ייטיב יהוה לי כי היה לי הלוי לכהןSelect Judges 17:13