15Leviticus 15

1וידבר יהוה אל משה ואל אהרן לאמרSelect Leviticus 15:1

2דברו אל בני ישראל ואמרתם אלהם איש איש כי יהיה זב מבשרו—זובו טמא הואSelect Leviticus 15:2

3וזאת תהיה טמאתו בזובו רר בשרו את זובו או החתים בשרו מזובו—טמאתו הואSelect Leviticus 15:3

4כל המשכב אשר ישכב עליו הזב—יטמא וכל הכלי אשר ישב עליו יטמאSelect Leviticus 15:4

5ואיש אשר יגע במשכבו—יכבס בגדיו ורחץ במים וטמא עד הערבSelect Leviticus 15:5

6והישב על הכלי אשר ישב עליו הזב—יכבס בגדיו ורחץ במים וטמא עד הערבSelect Leviticus 15:6

7והנגע בבשר הזב—יכבס בגדיו ורחץ במים וטמא עד הערבSelect Leviticus 15:7

8וכי ירק הזב בטהור—וכבס בגדיו ורחץ במים וטמא עד הערבSelect Leviticus 15:8

9וכל המרכב אשר ירכב עליו הזב—יטמאSelect Leviticus 15:9

10וכל הנגע בכל אשר יהיה תחתיו—יטמא עד הערב והנושא אותם—יכבס בגדיו ורחץ במים וטמא עד הערבSelect Leviticus 15:10

11וכל אשר יגע בו הזב וידיו לא שטף במים—וכבס בגדיו ורחץ במים וטמא עד הערבSelect Leviticus 15:11

12וכלי חרש אשר יגע בו הזב ישבר וכל כלי עץ—ישטף במיםSelect Leviticus 15:12

13וכי יטהר הזב מזובו—וספר לו שבעת ימים לטהרתו וכבס בגדיו ורחץ בשרו במים חיים וטהרSelect Leviticus 15:13

14וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהןSelect Leviticus 15:14

15ועשה אתם הכהן—אחד חטאת והאחד עלה וכפר עליו הכהן לפני יהוה מזובוSelect Leviticus 15:15

16ואיש כי תצא ממנו שכבת זרע—ורחץ במים את כל בשרו וטמא עד הערבSelect Leviticus 15:16

17וכל בגד וכל עור אשר יהיה עליו שכבת זרע—וכבס במים וטמא עד הערבSelect Leviticus 15:17

18ואשה אשר ישכב איש אתה שכבת זרע—ורחצו במים וטמאו עד הערבSelect Leviticus 15:18

19ואשה כי תהיה זבה דם יהיה זבה בבשרה—שבעת ימים תהיה בנדתה וכל הנגע בה יטמא עד הערבSelect Leviticus 15:19

20וכל אשר תשכב עליו בנדתה יטמא וכל אשר תשב עליו יטמאSelect Leviticus 15:20

21וכל הנגע במשכבה—יכבס בגדיו ורחץ במים וטמא עד הערבSelect Leviticus 15:21

22וכל הנגע—בכל כלי אשר תשב עליו יכבס בגדיו ורחץ במים וטמא עד הערבSelect Leviticus 15:22

23ואם על המשכב הוא או על הכלי אשר הוא ישבת עליו—בנגעו בו יטמא עד הערבSelect Leviticus 15:23

24ואם שכב ישכב איש אתה ותהי נדתה עליו—וטמא שבעת ימים וכל המשכב אשר ישכב עליו יטמאSelect Leviticus 15:24

25ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה—טמאה הואSelect Leviticus 15:25

26כל המשכב אשר תשכב עליו כל ימי זובה—כמשכב נדתה יהיה לה וכל הכלי אשר תשב עליו—טמא יהיה כטמאת נדתהSelect Leviticus 15:26

27וכל הנוגע בם יטמא וכבס בגדיו ורחץ במים וטמא עד הערבSelect Leviticus 15:27

28ואם טהרה מזובה—וספרה לה שבעת ימים ואחר תטהרSelect Leviticus 15:28

29וביום השמיני תקח לה שתי תרים או שני בני יונה והביאה אותם אל הכהן אל פתח אהל מועדSelect Leviticus 15:29

30ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתהSelect Leviticus 15:30

31והזרתם את בני ישראל מטמאתם ולא ימתו בטמאתם בטמאם את משכני אשר בתוכםSelect Leviticus 15:31

32זאת תורת הזב ואשר תצא ממנו שכבת זרע לטמאה בהSelect Leviticus 15:32

33והדוה בנדתה והזב את זובו לזכר ולנקבה ולאיש אשר ישכב עם טמאהSelect Leviticus 15:33