18Leviticus 18

1וידבר יהוה אל משה לאמרSelect Leviticus 18:1

2דבר אל בני ישראל ואמרת אלהם אני יהוה אלהיכםSelect Leviticus 18:2

3כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכוSelect Leviticus 18:3

4את משפטי תעשו ואת חקתי תשמרו ללכת בהם אני יהוה אלהיכםSelect Leviticus 18:4

5ושמרתם את חקתי ואת משפטי אשר יעשה אתם האדם וחי בהם אני יהוהSelect Leviticus 18:5

6איש איש אל כל שאר בשרו לא תקרבו לגלות ערוה אני יהוהSelect Leviticus 18:6

7ערות אביך וערות אמך לא תגלה אמך הוא לא תגלה ערותהSelect Leviticus 18:7

8ערות אשת אביך לא תגלה ערות אביך הואSelect Leviticus 18:8

9ערות אחותך בת אביך או בת אמך מולדת בית או מולדת חוץ—לא תגלה ערותןSelect Leviticus 18:9

10ערות בת בנך או בת בתך לא תגלה ערותן כי ערותך הנהSelect Leviticus 18:10

11ערות בת אשת אביך מולדת אביך אחותך הוא—לא תגלה ערותהSelect Leviticus 18:11

12ערות אחות אביך לא תגלה שאר אביך הואSelect Leviticus 18:12

13ערות אחות אמך לא תגלה כי שאר אמך הואSelect Leviticus 18:13

14ערות אחי אביך לא תגלה אל אשתו לא תקרב דדתך הואSelect Leviticus 18:14

15ערות כלתך לא תגלה אשת בנך הוא לא תגלה ערותהSelect Leviticus 18:15

16ערות אשת אחיך לא תגלה ערות אחיך הואSelect Leviticus 18:16

17ערות אשה ובתה לא תגלה את בת בנה ואת בת בתה לא תקח לגלות ערותה—שארה הנה זמה הואSelect Leviticus 18:17

18ואשה אל אחתה לא תקח לצרר לגלות ערותה עליה—בחייהSelect Leviticus 18:18

19ואל אשה בנדת טמאתה—לא תקרב לגלות ערותהSelect Leviticus 18:19

20ואל אשת עמיתך—לא תתן שכבתך לזרע לטמאה בהSelect Leviticus 18:20

21ומזרעך לא תתן להעביר למלך ולא תחלל את שם אלהיך אני יהוהSelect Leviticus 18:21

22ואת זכר—לא תשכב משכבי אשה תועבה הואSelect Leviticus 18:22

23ובכל בהמה לא תתן שכבתך לטמאה בה ואשה לא תעמד לפני בהמה לרבעה—תבל הואSelect Leviticus 18:23

24אל תטמאו בכל אלה כי בכל אלה נטמאו הגוים אשר אני משלח מפניכםSelect Leviticus 18:24

25ותטמא הארץ ואפקד עונה עליה ותקא הארץ את ישביהSelect Leviticus 18:25

26ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככםSelect Leviticus 18:26

27כי את כל התועבת האל עשו אנשי הארץ אשר לפניכם ותטמא הארץSelect Leviticus 18:27

28ולא תקיא הארץ אתכם בטמאכם אתה כאשר קאה את הגוי אשר לפניכםSelect Leviticus 18:28

29כי כל אשר יעשה מכל התועבת האלה—ונכרתו הנפשות העשת מקרב עמםSelect Leviticus 18:29

30ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכםSelect Leviticus 18:30