24Leviticus 24

1וידבר יהוה אל משה לאמרSelect Leviticus 24:1

2צו את בני ישראל ויקחו אליך שמן זית זך כתית—למאור להעלת נר תמידSelect Leviticus 24:2

3מחוץ לפרכת העדת באהל מועד יערך אתו אהרן מערב עד בקר לפני יהוה—תמיד חקת עולם לדרתיכםSelect Leviticus 24:3

4על המנרה הטהרה יערך את הנרות לפני יהוה תמידSelect Leviticus 24:4

5ולקחת סלת—ואפית אתה שתים עשרה חלות שני עשרנים יהיה החלה האחתSelect Leviticus 24:5

6ושמת אותם שתים מערכות שש המערכת על השלחן הטהר לפני יהוהSelect Leviticus 24:6

7ונתת על המערכת לבנה זכה והיתה ללחם לאזכרה אשה ליהוהSelect Leviticus 24:7

8ביום השבת ביום השבת יערכנו לפני יהוה—תמיד מאת בני ישראל ברית עולםSelect Leviticus 24:8

9והיתה לאהרן ולבניו ואכלהו במקום קדש כי קדש קדשים הוא לו מאשי יהוה—חק עולםSelect Leviticus 24:9

10ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש הישראליSelect Leviticus 24:10

11ויקב בן האשה הישראלית את השם ויקלל ויביאו אתו אל משה ושם אמו שלמית בת דברי למטה דןSelect Leviticus 24:11

12ויניחהו במשמר לפרש להם על פי יהוהSelect Leviticus 24:12

13וידבר יהוה אל משה לאמרSelect Leviticus 24:13

14הוצא את המקלל אל מחוץ למחנה וסמכו כל השמעים את ידיהם על ראשו ורגמו אתו כל העדהSelect Leviticus 24:14

15ואל בני ישראל תדבר לאמר איש איש כי יקלל אלהיו ונשא חטאוSelect Leviticus 24:15

16ונקב שם יהוה מות יומת רגום ירגמו בו כל העדה כגר כאזרח—בנקבו שם יומתSelect Leviticus 24:16

17ואיש כי יכה כל נפש אדם—מות יומתSelect Leviticus 24:17

18ומכה נפש בהמה ישלמנה—נפש תחת נפשSelect Leviticus 24:18

19ואיש כי יתן מום בעמיתו—כאשר עשה כן יעשה לוSelect Leviticus 24:19

20שבר תחת שבר עין תחת עין שן תחת שן—כאשר יתן מום באדם כן ינתן בוSelect Leviticus 24:20

21ומכה בהמה ישלמנה ומכה אדם יומתSelect Leviticus 24:21

22משפט אחד יהיה לכם כגר כאזרח יהיה כי אני יהוה אלהיכםSelect Leviticus 24:22

23וידבר משה אל בני ישראל ויוציאו את המקלל אל מחוץ למחנה וירגמו אתו אבן ובני ישראל עשו כאשר צוה יהוה את משהSelect Leviticus 24:23