27Leviticus 27

1וידבר יהוה אל משה לאמרSelect Leviticus 27:1

2דבר אל בני ישראל ואמרת אלהם איש כי יפלא נדר—בערכך נפשת ליהוהSelect Leviticus 27:2

3והיה ערכך הזכר מבן עשרים שנה ועד בן ששים שנה והיה ערכך חמשים שקל כסף—בשקל הקדשSelect Leviticus 27:3

4ואם נקבה הוא—והיה ערכך שלשים שקלSelect Leviticus 27:4

5ואם מבן חמש שנים ועד בן עשרים שנה—והיה ערכך הזכר עשרים שקלים ולנקבה עשרת שקליםSelect Leviticus 27:5

6ואם מבן חדש ועד בן חמש שנים—והיה ערכך הזכר חמשה שקלים כסף ולנקבה ערכך שלשת שקלים כסףSelect Leviticus 27:6

7ואם מבן ששים שנה ומעלה אם זכר—והיה ערכך חמשה עשר שקל ולנקבה עשרה שקליםSelect Leviticus 27:7

8ואם מך הוא מערכך—והעמידו לפני הכהן והעריך אתו הכהן על פי אשר תשיג יד הנדר—יעריכנו הכהןSelect Leviticus 27:8

9ואם בהמה—אשר יקריבו ממנה קרבן ליהוה כל אשר יתן ממנו ליהוה יהיה קדשSelect Leviticus 27:9

10לא יחליפנו ולא ימיר אתו טוב ברע—או רע בטוב ואם המר ימיר בהמה בבהמה והיה הוא ותמורתו יהיה קדשSelect Leviticus 27:10

11ואם כל בהמה טמאה אשר לא יקריבו ממנה קרבן ליהוה—והעמיד את הבהמה לפני הכהןSelect Leviticus 27:11

12והעריך הכהן אתה בין טוב ובין רע כערכך הכהן כן יהיהSelect Leviticus 27:12

13ואם גאל יגאלנה—ויסף חמישתו על ערכךSelect Leviticus 27:13

14ואיש כי יקדש את ביתו קדש ליהוה—והעריכו הכהן בין טוב ובין רע כאשר יעריך אתו הכהן כן יקוםSelect Leviticus 27:14

15ואם המקדיש—יגאל את ביתו ויסף חמישית כסף ערכך עליו—והיה לוSelect Leviticus 27:15

16ואם משדה אחזתו יקדיש איש ליהוה—והיה ערכך לפי זרעו זרע חמר שערים בחמשים שקל כסףSelect Leviticus 27:16

17אם משנת היבל יקדיש שדהו—כערכך יקוםSelect Leviticus 27:17

18ואם אחר היבל יקדיש שדהו—וחשב לו הכהן את הכסף על פי השנים הנותרת עד שנת היבל ונגרע מערכךSelect Leviticus 27:18

19ואם גאל יגאל את השדה המקדיש אתו ויסף חמשית כסף ערכך עליו—וקם לוSelect Leviticus 27:19

20ואם לא יגאל את השדה ואם מכר את השדה לאיש אחר—לא יגאל עודSelect Leviticus 27:20

21והיה השדה בצאתו ביבל קדש ליהוה—כשדה החרם לכהן תהיה אחזתוSelect Leviticus 27:21

22ואם את שדה מקנתו אשר לא משדה אחזתו—יקדיש ליהוהSelect Leviticus 27:22

23וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוהSelect Leviticus 27:23

24בשנת היובל ישוב השדה לאשר קנהו מאתו—לאשר לו אחזת הארץSelect Leviticus 27:24

25וכל ערכך—יהיה בשקל הקדש עשרים גרה יהיה השקלSelect Leviticus 27:25

26אך בכור אשר יבכר ליהוה בבהמה—לא יקדיש איש אתו אם שור אם שה ליהוה הואSelect Leviticus 27:26

27ואם בבהמה הטמאה ופדה בערכך ויסף חמשתו עליו ואם לא יגאל ונמכר בערכךSelect Leviticus 27:27

28אך כל חרם אשר יחרם איש ליהוה מכל אשר לו מאדם ובהמה ומשדה אחזתו—לא ימכר ולא יגאל כל חרם קדש קדשים הוא ליהוהSelect Leviticus 27:28

29כל חרם אשר יחרם מן האדם—לא יפדה מות יומתSelect Leviticus 27:29

30וכל מעשר הארץ מזרע הארץ מפרי העץ—ליהוה הוא קדש ליהוהSelect Leviticus 27:30

31ואם גאל יגאל איש ממעשרו—חמשיתו יסף עליוSelect Leviticus 27:31

32וכל מעשר בקר וצאן כל אשר יעבר תחת השבט—העשירי יהיה קדש ליהוהSelect Leviticus 27:32

33לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדש לא יגאלSelect Leviticus 27:33

34אלה המצות אשר צוה יהוה את משה—אל בני ישראל בהר סיניSelect Leviticus 27:34