5Leviticus 5

1ונפש כי תחטא ושמעה קול אלה והוא עד או ראה או ידע אם לוא יגיד ונשא עונוSelect Leviticus 5:1

2או נפש אשר תגע בכל דבר טמא או בנבלת חיה טמאה או בנבלת בהמה טמאה או בנבלת שרץ טמא ונעלם ממנו והוא טמא ואשםSelect Leviticus 5:2

3או כי יגע בטמאת אדם לכל טמאתו אשר יטמא בה ונעלם ממנו והוא ידע ואשםSelect Leviticus 5:3

4או נפש כי תשבע לבטא בשפתים להרע או להיטיב לכל אשר יבטא האדם בשבעה—ונעלם ממנו והוא ידע ואשם לאחת מאלהSelect Leviticus 5:4

5והיה כי יאשם לאחת מאלה והתודה—אשר חטא עליהSelect Leviticus 5:5

6והביא את אשמו ליהוה על חטאתו אשר חטא נקבה מן הצאן כשבה או שעירת עזים—לחטאת וכפר עליו הכהן מחטאתוSelect Leviticus 5:6

7ואם לא תגיע ידו די שה—והביא את אשמו אשר חטא שתי תרים או שני בני יונה ליהוה אחד לחטאת ואחד לעלהSelect Leviticus 5:7

8והביא אתם אל הכהן והקריב את אשר לחטאת ראשונה ומלק את ראשו ממול ערפו ולא יבדילSelect Leviticus 5:8

9והזה מדם החטאת על קיר המזבח והנשאר בדם ימצה אל יסוד המזבח חטאת הואSelect Leviticus 5:9

10ואת השני יעשה עלה כמשפט וכפר עליו הכהן מחטאתו אשר חטא ונסלח לוSelect Leviticus 5:10

11ואם לא תשיג ידו לשתי תרים או לשני בני יונה—והביא את קרבנו אשר חטא עשירת האפה סלת לחטאת לא ישים עליה שמן ולא יתן עליה לבנה—כי חטאת הואSelect Leviticus 5:11

12והביאה אל הכהן וקמץ הכהן ממנה מלוא קמצו את אזכרתה והקטיר המזבחה על אשי יהוה חטאת הואSelect Leviticus 5:12

13וכפר עליו הכהן על חטאתו אשר חטא מאחת מאלה—ונסלח לו והיתה לכהן כמנחהSelect Leviticus 5:13

14וידבר יהוה אל משה לאמרSelect Leviticus 5:14

15נפש כי תמעל מעל וחטאה בשגגה מקדשי יהוה והביא את אשמו ליהוה איל תמים מן הצאן בערכך כסף שקלים בשקל הקדש—לאשםSelect Leviticus 5:15

16ואת אשר חטא מן הקדש ישלם ואת חמישתו יוסף עליו ונתן אתו לכהן והכהן יכפר עליו באיל האשם—ונסלח לוSelect Leviticus 5:16

17ואם נפש כי תחטא ועשתה אחת מכל מצות יהוה אשר לא תעשינה ולא ידע ואשם ונשא עונוSelect Leviticus 5:17

18והביא איל תמים מן הצאן בערכך לאשם—אל הכהן וכפר עליו הכהן על שגגתו אשר שגג והוא לא ידע—ונסלח לוSelect Leviticus 5:18

19אשם הוא אשם אשם ליהוהSelect Leviticus 5:19

20וידבר יהוה אל משה לאמרSelect Leviticus 5:20

21נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתוSelect Leviticus 5:21

22או מצא אבדה וכחש בה ונשבע על שקר על אחת מכל אשר יעשה האדם—לחטא בהנהSelect Leviticus 5:22

23והיה כי יחטא ואשם—והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצאSelect Leviticus 5:23

24או מכל אשר ישבע עליו לשקר—ושלם אתו בראשו וחמשתיו יסף עליו לאשר הוא לו יתננו ביום אשמתוSelect Leviticus 5:24

25ואת אשמו יביא ליהוה איל תמים מן הצאן בערכך לאשם אל הכהןSelect Leviticus 5:25

26וכפר עליו הכהן לפני יהוה ונסלח לו על אחת מכל אשר יעשה לאשמה בהSelect Leviticus 5:26