13Nehemiah 13

1ביום ההוא נקרא בספר משה—באזני העם ונמצא כתוב בו אשר לא יבוא עמני ומואבי בקהל האלהים עד עולםSelect Nehemiah 13:1

2כי לא קדמו את בני ישראל בלחם ובמים וישכר עליו את בלעם לקללו ויהפך אלהינו הקללה לברכהSelect Nehemiah 13:2

3ויהי כשמעם את התורה ויבדילו כל ערב מישראלSelect Nehemiah 13:3

4ולפני מזה—אלישיב הכהן נתון בלשכת בית אלהינו קרוב לטוביהSelect Nehemiah 13:4

5ויעש לו לשכה גדולה ושם היו לפנים נתנים את המנחה הלבונה והכלים ומעשר הדגן התירוש והיצהר—מצות הלוים והמשררים והשוערים ותרומת הכהניםSelect Nehemiah 13:5

6ובכל זה לא הייתי בירושלם כי בשנת שלשים ושתים לארתחשסתא מלך בבל באתי אל המלך ולקץ ימים נשאלתי מן המלךSelect Nehemiah 13:6

7ואבוא לירושלם ואבינה ברעה אשר עשה אלישיב לטוביה—לעשות לו נשכה בחצרי בית האלהיםSelect Nehemiah 13:7

8וירע לי מאד ואשליכה את כל כלי בית טוביה החוץ—מן הלשכהSelect Nehemiah 13:8

9ואמרה ויטהרו הלשכות ואשיבה שם כלי בית האלהים את המנחה והלבונהSelect Nehemiah 13:9

10ואדעה כי מניות הלוים לא נתנה ויברחו איש לשדהו הלוים והמשררים עשי המלאכהSelect Nehemiah 13:10

11ואריבה את הסגנים ואמרה מדוע נעזב בית האלהים ואקבצם ואעמדם על עמדםSelect Nehemiah 13:11

12וכל יהודה הביאו מעשר הדגן והתירוש והיצהר—לאוצרותSelect Nehemiah 13:12

13ואוצרה על אוצרות שלמיה הכהן וצדוק הסופר ופדיה מן הלוים ועל ידם חנן בן זכור בן מתניה כי נאמנים נחשבו ועליהם לחלק לאחיהםSelect Nehemiah 13:13

14זכרה לי אלהי על זאת ואל תמח חסדי אשר עשיתי בבית אלהי—ובמשמריוSelect Nehemiah 13:14

15בימים ההמה ראיתי ביהודה דרכים גתות בשבת ומביאים הערמות ועמסים על החמרים ואף יין ענבים ותאנים וכל משא ומביאים ירושלם ביום השבת ואעיד ביום מכרם צידSelect Nehemiah 13:15

16והצרים ישבו בה מביאים דאג וכל מכר ומוכרים בשבת לבני יהודה ובירושלםSelect Nehemiah 13:16

17ואריבה את חרי יהודה ואמרה להם מה הדבר הרע הזה אשר אתם עשים ומחללים את יום השבתSelect Nehemiah 13:17

18הלוא כה עשו אבתיכם—ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישראל לחלל את השבתSelect Nehemiah 13:18

19ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על השערים—לא יבוא משא ביום השבתSelect Nehemiah 13:19

20וילינו הרכלים ומכרי כל ממכר מחוץ לירושלם—פעם ושתיםSelect Nehemiah 13:20

21ואעידה בהם ואמרה אליהם מדוע אתם לנים נגד החומה—אם תשנו יד אשלח בכם מן העת ההיא לא באו בשבתSelect Nehemiah 13:21

22ואמרה ללוים אשר יהיו מטהרים ובאים שמרים השערים—לקדש את יום השבת גם זאת זכרה לי אלהי וחוסה עלי כרב חסדךSelect Nehemiah 13:22

23גם בימים ההם ראיתי את היהודים השיבו נשים אשדודיות (אשדדיות) עמוניות (עמניות) מואביותSelect Nehemiah 13:23

24ובניהם חצי מדבר אשדודית ואינם מכירים לדבר יהודית—וכלשון עם ועםSelect Nehemiah 13:24

25ואריב עמם ואקללם ואכה מהם אנשים ואמרטם ואשביעם באלהים אם תתנו בנתיכם לבניהם ואם תשאו מבנתיהם לבניכם ולכםSelect Nehemiah 13:25

26הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריותSelect Nehemiah 13:26

27ולכם הנשמע לעשת את כל הרעה הגדולה הזאת—למעל באלהינו להשיב נשים נכריותSelect Nehemiah 13:27

28ומבני יוידע בן אלישיב הכהן הגדול חתן לסנבלט החרני ואבריחהו מעליSelect Nehemiah 13:28

29זכרה להם אלהי על גאלי הכהנה וברית הכהנה והלויםSelect Nehemiah 13:29

30וטהרתים מכל נכר ואעמידה משמרות לכהנים וללוים איש במלאכתוSelect Nehemiah 13:30

31ולקרבן העצים בעתים מזמנות ולבכורים זכרה לי אלהי לטובהSelect Nehemiah 13:31