2Nehemiah 2

1ויהי בחדש ניסן שנת עשרים לארתחשסתא המלך—יין לפניו ואשא את היין ואתנה למלך ולא הייתי רע לפניוSelect Nehemiah 2:1

2ויאמר לי המלך מדוע פניך רעים ואתה אינך חולה—אין זה כי אם רע לב ואירא הרבה מאדSelect Nehemiah 2:2

3ואמר למלך המלך לעולם יחיה מדוע לא ירעו פני אשר העיר בית קברות אבתי חרבה ושעריה אכלו באשSelect Nehemiah 2:3

4ויאמר לי המלך על מה זה אתה מבקש ואתפלל אל אלהי השמיםSelect Nehemiah 2:4

5ואמר למלך—אם על המלך טוב ואם ייטב עבדך לפניך אשר תשלחני אל יהודה אל עיר קברות אבתי—ואבננהSelect Nehemiah 2:5

6ויאמר לי המלך והשגל יושבת אצלו עד מתי יהיה מהלכך—ומתי תשוב וייטב לפני המלך וישלחני ואתנה לו זמןSelect Nehemiah 2:6

7ואומר למלך—אם על המלך טוב אגרות יתנו לי על פחוות עבר הנהר אשר יעבירוני עד אשר אבוא אל יהודהSelect Nehemiah 2:7

8ואגרת אל אסף שמר הפרדס אשר למלך אשר יתן לי עצים לקרות את שערי הבירה אשר לבית ולחומת העיר ולבית אשר אבוא אליו ויתן לי המלך כיד אלהי הטובה עליSelect Nehemiah 2:8

9ואבוא אל פחוות עבר הנהר ואתנה להם את אגרות המלך וישלח עמי המלך שרי חיל ופרשיםSelect Nehemiah 2:9

10וישמע סנבלט החרני וטוביה העבד העמני וירע להם רעה גדלה אשר בא אדם לבקש טובה לבני ישראלSelect Nehemiah 2:10

11ואבוא אל ירושלם ואהי שם ימים שלשהSelect Nehemiah 2:11

12ואקום לילה אני ואנשים מעט עמי ולא הגדתי לאדם מה אלהי נתן אל לבי לעשות לירושלם ובהמה אין עמי כי אם הבהמה אשר אני רכב בהSelect Nehemiah 2:12

13ואצאה בשער הגיא לילה ואל פני עין התנין ואל שער האשפת ואהי שבר בחומת ירושלם אשר המפרוצים (הם פרוצים) ושעריה אכלו באשSelect Nehemiah 2:13

14ואעבר אל שער העין ואל ברכת המלך ואין מקום לבהמה לעבר תחתיSelect Nehemiah 2:14

15ואהי עלה בנחל לילה ואהי שבר בחומה ואשוב ואבוא בשער הגיא—ואשובSelect Nehemiah 2:15

16והסגנים לא ידעו אנה הלכתי ומה אני עשה וליהודים ולכהנים ולחרים ולסגנים וליתר עשה המלאכה—עד כן לא הגדתיSelect Nehemiah 2:16

17ואומר אלהם אתם ראים הרעה אשר אנחנו בה אשר ירושלם חרבה ושעריה נצתו באש לכו ונבנה את חומת ירושלם ולא נהיה עוד חרפהSelect Nehemiah 2:17

18ואגיד להם את יד אלהי אשר היא טובה עלי ואף דברי המלך אשר אמר לי ויאמרו נקום ובנינו ויחזקו ידיהם לטובהSelect Nehemiah 2:18

19וישמע סנבלט החרני וטביה העבד העמוני וגשם הערבי וילעגו לנו ויבזו עלינו ויאמרו מה הדבר הזה אשר אתם עשים—העל המלך אתם מרדיםSelect Nehemiah 2:19

20ואשיב אותם דבר ואומר להם אלהי השמים הוא יצליח לנו ואנחנו עבדיו נקום ובנינו ולכם אין חלק וצדקה וזכרון—בירושלםSelect Nehemiah 2:20