6Nehemiah 6

1ויהי כאשר נשמע לסנבלט וטוביה ולגשם הערבי וליתר איבינו כי בניתי את החומה ולא נותר בה פרץ—גם עד העת ההיא דלתות לא העמדתי בשעריםSelect Nehemiah 6:1

2וישלח סנבלט וגשם אלי לאמר לכה ונועדה יחדו בכפירים בבקעת אונו והמה חשבים לעשות לי רעהSelect Nehemiah 6:2

3ואשלחה עליהם מלאכים לאמר—מלאכה גדולה אני עשה ולא אוכל לרדת למה תשבת המלאכה כאשר ארפה וירדתי אליכםSelect Nehemiah 6:3

4וישלחו אלי כדבר הזה ארבע פעמים ואשיב אותם כדבר הזהSelect Nehemiah 6:4

5וישלח אלי סנבלט כדבר הזה פעם חמישית—את נערו ואגרת פתוחה בידוSelect Nehemiah 6:5

6כתוב בה בגוים נשמע וגשמו אמר אתה והיהודים חשבים למרוד על כן אתה בונה החומה ואתה הוה להם למלך—כדברים האלהSelect Nehemiah 6:6

7וגם נביאים העמדת לקרא עליך בירושלם לאמר מלך ביהודה ועתה ישמע למלך כדברים האלה ועתה לכה ונועצה יחדוSelect Nehemiah 6:7

8ואשלחה אליו לאמר—לא נהיה כדברים האלה אשר אתה אומר כי מלבך אתה בודאםSelect Nehemiah 6:8

9כי כלם מיראים אותנו לאמר ירפו ידיהם מן המלאכה ולא תעשה ועתה חזק את ידיSelect Nehemiah 6:9

10ואני באתי בית שמעיה בן דליה בן מהיטבאל—והוא עצור ויאמר נועד אל בית האלהים אל תוך ההיכל ונסגרה דלתות ההיכל—כי באים להרגך ולילה באים להרגךSelect Nehemiah 6:10

11ואמרה האיש כמוני יברח ומי כמוני אשר יבא אל ההיכל וחי לא אבואSelect Nehemiah 6:11

12ואכירה והנה לא אלהים שלחו כי הנבואה דבר עלי וטוביה וסנבלט שכרוSelect Nehemiah 6:12

13למען שכור הוא למען אירא ואעשה כן וחטאתי והיה להם לשם רע למען יחרפוניSelect Nehemiah 6:13

14זכרה אלהי לטוביה ולסנבלט כמעשיו אלה וגם לנועדיה הנביאה וליתר הנביאים אשר היו מיראים אותיSelect Nehemiah 6:14

15ותשלם החומה בעשרים וחמשה לאלול—לחמשים ושנים יוםSelect Nehemiah 6:15

16ויהי כאשר שמעו כל אויבינו ויראו כל הגוים אשר סביבתינו ויפלו מאד בעיניהם וידעו—כי מאת אלהינו נעשתה המלאכה הזאתSelect Nehemiah 6:16

17גם בימים ההם מרבים חרי יהודה אגרתיהם הולכות על טוביה ואשר לטוביה באות אליהםSelect Nehemiah 6:17

18כי רבים ביהודה בעלי שבועה לו—כי חתן הוא לשכניה בן ארח ויהוחנן בנו—לקח את בת משלם בן ברכיהSelect Nehemiah 6:18

19גם טובתיו היו אמרים לפני ודברי היו מוציאים לו אגרות שלח טוביה ליראניSelect Nehemiah 6:19