11Numbers 11

1ויהי העם כמתאננים רע באזני יהוה וישמע יהוה ויחר אפו ותבער בם אש יהוה ותאכל בקצה המחנהSelect Numbers 11:1

2ויצעק העם אל משה ויתפלל משה אל יהוה ותשקע האשSelect Numbers 11:2

3ויקרא שם המקום ההוא תבערה כי בערה בם אש יהוהSelect Numbers 11:3

4והאספסף אשר בקרבו התאוו תאוה וישבו ויבכו גם בני ישראל ויאמרו מי יאכלנו בשרSelect Numbers 11:4

5זכרנו את הדגה אשר נאכל במצרים חנם את הקשאים ואת האבטחים ואת החציר ואת הבצלים ואת השומיםSelect Numbers 11:5

6ועתה נפשנו יבשה אין כל—בלתי אל המן עינינוSelect Numbers 11:6

7והמן כזרע גד הוא ועינו כעין הבדלחSelect Numbers 11:7

8שטו העם ולקטו וטחנו ברחים או דכו במדכה ובשלו בפרור ועשו אתו עגות והיה טעמו כטעם לשד השמןSelect Numbers 11:8

9וברדת הטל על המחנה לילה ירד המן עליוSelect Numbers 11:9

10וישמע משה את העם בכה למשפחתיו—איש לפתח אהלו ויחר אף יהוה מאד ובעיני משה רעSelect Numbers 11:10

11ויאמר משה אל יהוה למה הרעת לעבדך ולמה לא מצתי חן בעיניך לשום את משא כל העם הזה—עליSelect Numbers 11:11

12האנכי הריתי את כל העם הזה—אם אנכי ילדתיהו כי תאמר אלי שאהו בחיקך כאשר ישא האמן את הינק על האדמה אשר נשבעת לאבתיוSelect Numbers 11:12

13מאין לי בשר לתת לכל העם הזה כי יבכו עלי לאמר תנה לנו בשר ונאכלהSelect Numbers 11:13

14לא אוכל אנכי לבדי לשאת את כל העם הזה כי כבד ממניSelect Numbers 11:14

15ואם ככה את עשה לי הרגני נא הרג—אם מצאתי חן בעיניך ואל אראה ברעתיSelect Numbers 11:15

16ויאמר יהוה אל משה אספה לי שבעים איש מזקני ישראל אשר ידעת כי הם זקני העם ושטריו ולקחת אתם אל אהל מועד והתיצבו שם עמךSelect Numbers 11:16

17וירדתי ודברתי עמך שם ואצלתי מן הרוח אשר עליך ושמתי עליהם ונשאו אתך במשא העם ולא תשא אתה לבדךSelect Numbers 11:17

18ואל העם תאמר התקדשו למחר ואכלתם בשר—כי בכיתם באזני יהוה לאמר מי יאכלנו בשר כי טוב לנו במצרים ונתן יהוה לכם בשר ואכלתםSelect Numbers 11:18

19לא יום אחד תאכלון ולא יומים ולא חמשה ימים ולא עשרה ימים ולא עשרים יוםSelect Numbers 11:19

20עד חדש ימים עד אשר יצא מאפכם והיה לכם לזרא יען כי מאסתם את יהוה אשר בקרבכם ותבכו לפניו לאמר למה זה יצאנו ממצריםSelect Numbers 11:20

21ויאמר משה שש מאות אלף רגלי העם אשר אנכי בקרבו ואתה אמרת בשר אתן להם ואכלו חדש ימיםSelect Numbers 11:21

22הצאן ובקר ישחט להם ומצא להם אם את כל דגי הים יאסף להם ומצא להםSelect Numbers 11:22

23ויאמר יהוה אל משה היד יהוה תקצר עתה תראה היקרך דברי אם לאSelect Numbers 11:23

24ויצא משה—וידבר אל העם את דברי יהוה ויאסף שבעים איש מזקני העם ויעמד אתם סביבת האהלSelect Numbers 11:24

25וירד יהוה בענן וידבר אליו ויאצל מן הרוח אשר עליו ויתן על שבעים איש הזקנים ויהי כנוח עליהם הרוח ויתנבאו ולא יספוSelect Numbers 11:25

26וישארו שני אנשים במחנה שם האחד אלדד ושם השני מידד ותנח עלהם הרוח והמה בכתבים ולא יצאו האהלה ויתנבאו במחנהSelect Numbers 11:26

27וירץ הנער ויגד למשה ויאמר אלדד ומידד מתנבאים במחנהSelect Numbers 11:27

28ויען יהושע בן נון משרת משה מבחריו—ויאמר אדני משה כלאםSelect Numbers 11:28

29ויאמר לו משה המקנא אתה לי ומי יתן כל עם יהוה נביאים—כי יתן יהוה את רוחו עליהםSelect Numbers 11:29

30ויאסף משה אל המחנה—הוא וזקני ישראלSelect Numbers 11:30

31ורוח נסע מאת יהוה ויגז שלוים מן הים ויטש על המחנה כדרך יום כה וכדרך יום כה סביבות המחנה—וכאמתים על פני הארץSelect Numbers 11:31

32ויקם העם כל היום ההוא וכל הלילה וכל יום המחרת ויאספו את השלו—הממעיט אסף עשרה חמרים וישטחו להם שטוח סביבות המחנהSelect Numbers 11:32

33הבשר עודנו בין שניהם—טרם יכרת ואף יהוה חרה בעם ויך יהוה בעם מכה רבה מאדSelect Numbers 11:33

34ויקרא את שם המקום ההוא קברות התאוה כי שם קברו את העם המתאויםSelect Numbers 11:34

35מקברות התאוה נסעו העם חצרות ויהיו בחצרותSelect Numbers 11:35