12Numbers 12

1ותדבר מרים ואהרן במשה על אדות האשה הכשית אשר לקח כי אשה כשית לקחSelect Numbers 12:1

2ויאמרו הרק אך במשה דבר יהוה—הלא גם בנו דבר וישמע יהוהSelect Numbers 12:2

3והאיש משה ענו מאד—מכל האדם אשר על פני האדמהSelect Numbers 12:3

4ויאמר יהוה פתאם אל משה ואל אהרן ואל מרים צאו שלשתכם אל אהל מועד ויצאו שלשתםSelect Numbers 12:4

5וירד יהוה בעמוד ענן ויעמד פתח האהל ויקרא אהרן ומרים ויצאו שניהםSelect Numbers 12:5

6ויאמר שמעו נא דברי אם יהיה נביאכם—יהוה במראה אליו אתודע בחלום אדבר בוSelect Numbers 12:6

7לא כן עבדי משה בכל ביתי נאמן הואSelect Numbers 12:7

8פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשהSelect Numbers 12:8

9ויחר אף יהוה בם וילךSelect Numbers 12:9

10והענן סר מעל האהל והנה מרים מצרעת כשלג ויפן אהרן אל מרים והנה מצרעתSelect Numbers 12:10

11ויאמר אהרן אל משה בי אדני—אל נא תשת עלינו חטאת אשר נואלנו ואשר חטאנוSelect Numbers 12:11

12אל נא תהי כמת אשר בצאתו מרחם אמו ויאכל חצי בשרוSelect Numbers 12:12

13ויצעק משה אל יהוה לאמר אל נא רפא נא להSelect Numbers 12:13

14ויאמר יהוה אל משה ואביה ירק ירק בפניה—הלא תכלם שבעת ימים תסגר שבעת ימים מחוץ למחנה ואחר תאסףSelect Numbers 12:14

15ותסגר מרים מחוץ למחנה שבעת ימים והעם לא נסע עד האסף מריםSelect Numbers 12:15

16ואחר נסעו העם מחצרות ויחנו במדבר פארןSelect Numbers 12:16