14Numbers 14

1ותשא כל העדה ויתנו את קולם ויבכו העם בלילה ההואSelect Numbers 14:1

2וילנו על משה ועל אהרן כל בני ישראל ויאמרו אלהם כל העדה לו מתנו בארץ מצרים או במדבר הזה לו מתנוSelect Numbers 14:2

3ולמה יהוה מביא אתנו אל הארץ הזאת לנפל בחרב—נשינו וטפנו יהיו לבז הלוא טוב לנו שוב מצרימהSelect Numbers 14:3

4ויאמרו איש אל אחיו נתנה ראש ונשובה מצרימהSelect Numbers 14:4

5ויפל משה ואהרן על פניהם לפני כל קהל עדת בני ישראלSelect Numbers 14:5

6ויהושע בן נון וכלב בן יפנה מן התרים את הארץ—קרעו בגדיהםSelect Numbers 14:6

7ויאמרו אל כל עדת בני ישראל לאמר הארץ אשר עברנו בה לתור אתה—טובה הארץ מאד מאדSelect Numbers 14:7

8אם חפץ בנו יהוה—והביא אתנו אל הארץ הזאת ונתנה לנו ארץ אשר הוא זבת חלב ודבשSelect Numbers 14:8

9אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראםSelect Numbers 14:9

10ויאמרו כל העדה לרגום אתם באבנים וכבוד יהוה נראה באהל מועד אל כל בני ישראלSelect Numbers 14:10

11ויאמר יהוה אל משה עד אנה ינאצני העם הזה ועד אנה לא יאמינו בי בכל האתות אשר עשיתי בקרבוSelect Numbers 14:11

12אכנו בדבר ואורשנו ואעשה אתך לגוי גדול ועצום ממנוSelect Numbers 14:12

13ויאמר משה אל יהוה ושמעו מצרים כי העלית בכחך את העם הזה מקרבוSelect Numbers 14:13

14ואמרו אל יושב הארץ הזאת שמעו כי אתה יהוה בקרב העם הזה אשר עין בעין נראה אתה יהוה ועננך עמד עלהם ובעמד ענן אתה הלך לפניהם יומם ובעמוד אש לילהSelect Numbers 14:14

15והמתה את העם הזה כאיש אחד ואמרו הגוים אשר שמעו את שמעך לאמרSelect Numbers 14:15

16מבלתי יכלת יהוה להביא את העם הזה אל הארץ אשר נשבע להם וישחטם במדברSelect Numbers 14:16

17ועתה יגדל נא כח אדני כאשר דברת לאמרSelect Numbers 14:17

18יהוה ארך אפים ורב חסד נשא עון ופשע ונקה לא ינקה—פקד עון אבות על בנים על שלשים ועל רבעיםSelect Numbers 14:18

19סלח נא לעון העם הזה—כגדל חסדך וכאשר נשאתה לעם הזה ממצרים ועד הנהSelect Numbers 14:19

20ויאמר יהוה סלחתי כדברךSelect Numbers 14:20

21ואולם חי אני וימלא כבוד יהוה את כל הארץSelect Numbers 14:21

22כי כל האנשים הראים את כבדי ואת אתתי אשר עשיתי במצרים ובמדבר וינסו אתי זה עשר פעמים ולא שמעו בקוליSelect Numbers 14:22

23אם יראו את הארץ אשר נשבעתי לאבתם וכל מנאצי לא יראוהSelect Numbers 14:23

24ועבדי כלב עקב היתה רוח אחרת עמו וימלא אחרי—והביאתיו אל הארץ אשר בא שמה וזרעו יורשנהSelect Numbers 14:24

25והעמלקי והכנעני יושב בעמק מחר פנו וסעו לכם המדבר—דרך ים סוףSelect Numbers 14:25

26וידבר יהוה אל משה ואל אהרן לאמרSelect Numbers 14:26

27עד מתי לעדה הרעה הזאת אשר המה מלינים עלי את תלנות בני ישראל אשר המה מלינים עלי—שמעתיSelect Numbers 14:27

28אמר אלהם חי אני נאם יהוה אם לא כאשר דברתם באזני כן אעשה לכםSelect Numbers 14:28

29במדבר הזה יפלו פגריכם וכל פקדיכם לכל מספרכם מבן עשרים שנה ומעלה אשר הלינתם עליSelect Numbers 14:29

30אם אתם תבאו אל הארץ אשר נשאתי את ידי לשכן אתכם בה—כי אם כלב בן יפנה ויהושע בן נוןSelect Numbers 14:30

31וטפכם—אשר אמרתם לבז יהיה והביאתי אתם—וידעו את הארץ אשר מאסתם בהSelect Numbers 14:31

32ופגריכם אתם—יפלו במדבר הזהSelect Numbers 14:32

33ובניכם יהיו רעים במדבר ארבעים שנה ונשאו את זנותיכם—עד תם פגריכם במדברSelect Numbers 14:33

34במספר הימים אשר תרתם את הארץ ארבעים יום—יום לשנה יום לשנה תשאו את עונתיכם ארבעים שנה וידעתם את תנואתיSelect Numbers 14:34

35אני יהוה דברתי אם לא זאת אעשה לכל העדה הרעה הזאת הנועדים עלי במדבר הזה יתמו ושם ימתוSelect Numbers 14:35

36והאנשים אשר שלח משה לתור את הארץ וישבו וילונו (וילינו) עליו את כל העדה להוציא דבה על הארץSelect Numbers 14:36

37וימתו האנשים מוצאי דבת הארץ רעה—במגפה לפני יהוהSelect Numbers 14:37

38ויהושע בן נון וכלב בן יפנה חיו מן האנשים ההם ההלכים לתור את הארץSelect Numbers 14:38

39וידבר משה את הדברים האלה אל כל בני ישראל ויתאבלו העם מאדSelect Numbers 14:39

40וישכמו בבקר ויעלו אל ראש ההר לאמר הננו ועלינו אל המקום אשר אמר יהוה—כי חטאנוSelect Numbers 14:40

41ויאמר משה למה זה אתם עברים את פי יהוה והוא לא תצלחSelect Numbers 14:41

42אל תעלו כי אין יהוה בקרבכם ולא תנגפו לפני איביכםSelect Numbers 14:42

43כי העמלקי והכנעני שם לפניכם ונפלתם בחרב כי על כן שבתם מאחרי יהוה ולא יהיה יהוה עמכםSelect Numbers 14:43

44ויעפלו לעלות אל ראש ההר וארון ברית יהוה ומשה לא משו מקרב המחנהSelect Numbers 14:44

45וירד העמלקי והכנעני הישב בהר ההוא ויכום ויכתום עד החרמהSelect Numbers 14:45