15Numbers 15

1וידבר יהוה אל משה לאמרSelect Numbers 15:1

2דבר אל בני ישראל ואמרת אלהם כי תבאו אל ארץ מושבתיכם אשר אני נתן לכםSelect Numbers 15:2

3ועשיתם אשה ליהוה עלה או זבח לפלא נדר או בנדבה או במעדיכם—לעשות ריח ניחח ליהוה מן הבקר או מן הצאןSelect Numbers 15:3

4והקריב המקריב קרבנו ליהוה—מנחה סלת עשרון בלול ברבעית ההין שמןSelect Numbers 15:4

5ויין לנסך רביעית ההין תעשה על העלה או לזבח—לכבש האחדSelect Numbers 15:5

6או לאיל תעשה מנחה סלת שני עשרנים בלולה בשמן שלשית ההיןSelect Numbers 15:6

7ויין לנסך שלשית ההין—תקריב ריח ניחח ליהוהSelect Numbers 15:7

8וכי תעשה בן בקר עלה או זבח לפלא נדר או שלמים ליהוהSelect Numbers 15:8

9והקריב על בן הבקר מנחה סלת שלשה עשרנים בלול בשמן חצי ההיןSelect Numbers 15:9

10ויין תקריב לנסך חצי ההין—אשה ריח ניחח ליהוהSelect Numbers 15:10

11ככה יעשה לשור האחד או לאיל האחד או לשה בכבשים או בעזיםSelect Numbers 15:11

12כמספר אשר תעשו—ככה תעשו לאחד כמספרםSelect Numbers 15:12

13כל האזרח יעשה ככה את אלה להקריב אשה ריח ניחח ליהוהSelect Numbers 15:13

14וכי יגור אתכם גר או אשר בתוככם לדרתיכם ועשה אשה ריח ניחח ליהוה—כאשר תעשו כן יעשהSelect Numbers 15:14

15הקהל חקה אחת לכם ולגר הגר חקת עולם לדרתיכם ככם כגר יהיה לפני יהוהSelect Numbers 15:15

16תורה אחת ומשפט אחד יהיה לכם ולגר הגר אתכםSelect Numbers 15:16

17וידבר יהוה אל משה לאמרSelect Numbers 15:17

18דבר אל בני ישראל ואמרת אלהם בבאכם אל הארץ אשר אני מביא אתכם שמהSelect Numbers 15:18

19והיה באכלכם מלחם הארץ—תרימו תרומה ליהוהSelect Numbers 15:19

20ראשית ערסתכם—חלה תרימו תרומה כתרומת גרן כן תרימו אתהSelect Numbers 15:20

21מראשית ערסתיכם תתנו ליהוה תרומה—לדרתיכםSelect Numbers 15:21

22וכי תשגו—ולא תעשו את כל המצות האלה אשר דבר יהוה אל משהSelect Numbers 15:22

23את כל אשר צוה יהוה אליכם ביד משה מן היום אשר צוה יהוה והלאה—לדרתיכםSelect Numbers 15:23

24והיה אם מעיני העדה נעשתה לשגגה ועשו כל העדה פר בן בקר אחד לעלה לריח ניחח ליהוה ומנחתו ונסכו כמשפט ושעיר עזים אחד לחטתSelect Numbers 15:24

25וכפר הכהן על כל עדת בני ישראל—ונסלח להם כי שגגה הוא—והם הביאו את קרבנם אשה ליהוה וחטאתם לפני יהוה על שגגתםSelect Numbers 15:25

26ונסלח לכל עדת בני ישראל ולגר הגר בתוכם כי לכל העם בשגגהSelect Numbers 15:26

27ואם נפש אחת תחטא בשגגה—והקריבה עז בת שנתה לחטאתSelect Numbers 15:27

28וכפר הכהן על הנפש השגגת בחטאה בשגגה—לפני יהוה לכפר עליו ונסלח לוSelect Numbers 15:28

29האזרח בבני ישראל ולגר הגר בתוכם—תורה אחת יהיה לכם לעשה בשגגהSelect Numbers 15:29

30והנפש אשר תעשה ביד רמה מן האזרח ומן הגר—את יהוה הוא מגדף ונכרתה הנפש ההוא מקרב עמהSelect Numbers 15:30

31כי דבר יהוה בזה ואת מצותו הפר הכרת תכרת הנפש ההוא עונה בהSelect Numbers 15:31

32ויהיו בני ישראל במדבר וימצאו איש מקשש עצים—ביום השבתSelect Numbers 15:32

33ויקריבו אתו המצאים אתו מקשש עצים—אל משה ואל אהרן ואל כל העדהSelect Numbers 15:33

34ויניחו אתו במשמר כי לא פרש מה יעשה לוSelect Numbers 15:34

35ויאמר יהוה אל משה מות יומת האיש רגום אתו באבנים כל העדה מחוץ למחנהSelect Numbers 15:35

36ויציאו אתו כל העדה אל מחוץ למחנה וירגמו אתו באבנים וימת כאשר צוה יהוה את משהSelect Numbers 15:36

37ויאמר יהוה אל משה לאמרSelect Numbers 15:37

38דבר אל בני ישראל ואמרת אלהם ועשו להם ציצת על כנפי בגדיהם לדרתם ונתנו על ציצת הכנף פתיל תכלתSelect Numbers 15:38

39והיה לכם לציצת וראיתם אתו וזכרתם את כל מצות יהוה ועשיתם אתם ולא תתורו אחרי לבבכם ואחרי עיניכם אשר אתם זנים אחריהםSelect Numbers 15:39

40למען תזכרו ועשיתם את כל מצותי והייתם קדשים לאלהיכםSelect Numbers 15:40

41אני יהוה אלהיכם אשר הוצאתי אתכם מארץ מצרים להיות לכם לאלהים אני יהוה אלהיכםSelect Numbers 15:41