21Numbers 21

1וישמע הכנעני מלך ערד ישב הנגב כי בא ישראל דרך האתרים וילחם בישראל וישב ממנו שביSelect Numbers 21:1

2וידר ישראל נדר ליהוה ויאמר אם נתן תתן את העם הזה בידי—והחרמתי את עריהםSelect Numbers 21:2

3וישמע יהוה בקול ישראל ויתן את הכנעני ויחרם אתהם ואת עריהם ויקרא שם המקום חרמהSelect Numbers 21:3

4ויסעו מהר ההר דרך ים סוף לסבב את ארץ אדום ותקצר נפש העם בדרךSelect Numbers 21:4

5וידבר העם באלהים ובמשה למה העליתנו ממצרים למות במדבר כי אין לחם ואין מים ונפשנו קצה בלחם הקלקלSelect Numbers 21:5

6וישלח יהוה בעם את הנחשים השרפים וינשכו את העם וימת עם רב מישראלSelect Numbers 21:6

7ויבא העם אל משה ויאמרו חטאנו כי דברנו ביהוה ובך—התפלל אל יהוה ויסר מעלינו את הנחש ויתפלל משה בעד העםSelect Numbers 21:7

8ויאמר יהוה אל משה עשה לך שרף ושים אתו על נס והיה כל הנשוך וראה אתו וחיSelect Numbers 21:8

9ויעש משה נחש נחשת וישמהו על הנס והיה אם נשך הנחש את איש—והביט אל נחש הנחשת וחיSelect Numbers 21:9

10ויסעו בני ישראל ויחנו באבתSelect Numbers 21:10

11ויסעו מאבת ויחנו בעיי העברים במדבר אשר על פני מואב ממזרח השמשSelect Numbers 21:11

12משם נסעו ויחנו בנחל זרדSelect Numbers 21:12

13משם נסעו ויחנו מעבר ארנון אשר במדבר היצא מגבל האמרי כי ארנון גבול מואב בין מואב ובין האמריSelect Numbers 21:13

14על כן יאמר בספר מלחמת יהוה את והב בסופה ואת הנחלים ארנוןSelect Numbers 21:14

15ואשד הנחלים אשר נטה לשבת ער ונשען לגבול מואבSelect Numbers 21:15

16ומשם בארה הוא הבאר אשר אמר יהוה למשה אסף את העם ואתנה להם מיםSelect Numbers 21:16

17אז ישיר ישראל את השירה הזאת עלי באר ענו להSelect Numbers 21:17

18באר חפרוה שרים כרוה נדיבי העם במחקק במשענתם וממדבר מתנהSelect Numbers 21:18

19וממתנה נחליאל ומנחליאל במותSelect Numbers 21:19

20ומבמות הגיא אשר בשדה מואב—ראש הפסגה ונשקפה על פני הישימןSelect Numbers 21:20

21וישלח ישראל מלאכים אל סיחן מלך האמרי לאמרSelect Numbers 21:21

22אעברה בארצך לא נטה בשדה ובכרם—לא נשתה מי באר בדרך המלך נלך עד אשר נעבר גבלךSelect Numbers 21:22

23ולא נתן סיחן את ישראל עבר בגבלו ויאסף סיחן את כל עמו ויצא לקראת ישראל המדברה ויבא יהצה וילחם בישראלSelect Numbers 21:23

24ויכהו ישראל לפי חרב ויירש את ארצו מארנן עד יבק עד בני עמון—כי עז גבול בני עמוןSelect Numbers 21:24

25ויקח ישראל את כל הערים האלה וישב ישראל בכל ערי האמרי בחשבון ובכל בנתיהSelect Numbers 21:25

26כי חשבון—עיר סיחן מלך האמרי הוא והוא נלחם במלך מואב הראשון ויקח את כל ארצו מידו עד ארנןSelect Numbers 21:26

27על כן יאמרו המשלים באו חשבון תבנה ותכונן עיר סיחוןSelect Numbers 21:27

28כי אש יצאה מחשבון להבה מקרית סיחן אכלה ער מואב בעלי במות ארנןSelect Numbers 21:28

29אוי לך מואב אבדת עם כמוש נתן בניו פליטם ובנתיו בשבית למלך אמרי סיחוןSelect Numbers 21:29

30ונירם אבד חשבון עד דיבן ונשים עד נפח אשר עד מידבאSelect Numbers 21:30

31וישב ישראל בארץ האמריSelect Numbers 21:31

32וישלח משה לרגל את יעזר וילכדו בנתיה ויירש (ויורש) את האמרי אשר שםSelect Numbers 21:32

33ויפנו ויעלו דרך הבשן ויצא עוג מלך הבשן לקראתם הוא וכל עמו למלחמה—אדרעיSelect Numbers 21:33

34ויאמר יהוה אל משה אל תירא אתו—כי בידך נתתי אתו ואת כל עמו ואת ארצו ועשית לו—כאשר עשית לסיחן מלך האמרי אשר יושב בחשבוןSelect Numbers 21:34

35ויכו אתו ואת בניו ואת כל עמו עד בלתי השאיר לו שריד ויירשו את ארצוSelect Numbers 21:35