22Numbers 22

1ויסעו בני ישראל ויחנו בערבות מואב מעבר לירדן ירחוSelect Numbers 22:1

2וירא בלק בן צפור את כל אשר עשה ישראל לאמריSelect Numbers 22:2

3ויגר מואב מפני העם מאד—כי רב הוא ויקץ מואב מפני בני ישראלSelect Numbers 22:3

4ויאמר מואב אל זקני מדין עתה ילחכו הקהל את כל סביבתינו כלחך השור את ירק השדה ובלק בן צפור מלך למואב בעת ההואSelect Numbers 22:4

5וישלח מלאכים אל בלעם בן בער פתורה אשר על הנהר ארץ בני עמו—לקרא לו לאמר הנה עם יצא ממצרים הנה כסה את עין הארץ והוא ישב ממליSelect Numbers 22:5

6ועתה לכה נא ארה לי את העם הזה כי עצום הוא ממני—אולי אוכל נכה בו ואגרשנו מן הארץ כי ידעתי את אשר תברך מברך ואשר תאר יוארSelect Numbers 22:6

7וילכו זקני מואב וזקני מדין וקסמים בידם ויבאו אל בלעם וידברו אליו דברי בלקSelect Numbers 22:7

8ויאמר אליהם לינו פה הלילה והשבתי אתכם דבר כאשר ידבר יהוה אלי וישבו שרי מואב עם בלעםSelect Numbers 22:8

9ויבא אלהים אל בלעם ויאמר מי האנשים האלה עמךSelect Numbers 22:9

10ויאמר בלעם אל האלהים בלק בן צפר מלך מואב שלח אליSelect Numbers 22:10

11הנה העם היצא ממצרים ויכס את עין הארץ עתה לכה קבה לי אתו—אולי אוכל להלחם בו וגרשתיוSelect Numbers 22:11

12ויאמר אלהים אל בלעם לא תלך עמהם לא תאר את העם כי ברוך הואSelect Numbers 22:12

13ויקם בלעם בבקר ויאמר אל שרי בלק לכו אל ארצכם כי מאן יהוה לתתי להלך עמכםSelect Numbers 22:13

14ויקומו שרי מואב ויבאו אל בלק ויאמרו מאן בלעם הלך עמנוSelect Numbers 22:14

15ויסף עוד בלק שלח שרים רבים ונכבדים מאלהSelect Numbers 22:15

16ויבאו אל בלעם ויאמרו לו כה אמר בלק בן צפור אל נא תמנע מהלך אליSelect Numbers 22:16

17כי כבד אכבדך מאד וכל אשר תאמר אלי אעשה ולכה נא קבה לי את העם הזהSelect Numbers 22:17

18ויען בלעם ויאמר אל עבדי בלק אם יתן לי בלק מלא ביתו כסף וזהב—לא אוכל לעבר את פי יהוה אלהי לעשות קטנה או גדולהSelect Numbers 22:18

19ועתה שבו נא בזה גם אתם—הלילה ואדעה מה יסף יהוה דבר עמיSelect Numbers 22:19

20ויבא אלהים אל בלעם לילה ויאמר לו אם לקרא לך באו האנשים קום לך אתם ואך את הדבר אשר אדבר אליך—אתו תעשהSelect Numbers 22:20

21ויקם בלעם בבקר ויחבש את אתנו וילך עם שרי מואבSelect Numbers 22:21

22ויחר אף אלהים כי הולך הוא ויתיצב מלאך יהוה בדרך לשטן לו והוא רכב על אתנו ושני נעריו עמוSelect Numbers 22:22

23ותרא האתון את מלאך יהוה נצב בדרך וחרבו שלופה בידו ותט האתון מן הדרך ותלך בשדה ויך בלעם את האתון להטתה הדרךSelect Numbers 22:23

24ויעמד מלאך יהוה במשעול הכרמים—גדר מזה וגדר מזהSelect Numbers 22:24

25ותרא האתון את מלאך יהוה ותלחץ אל הקיר ותלחץ את רגל בלעם אל הקיר ויסף להכתהSelect Numbers 22:25

26ויוסף מלאך יהוה עבור ויעמד במקום צר אשר אין דרך לנטות ימין ושמאולSelect Numbers 22:26

27ותרא האתון את מלאך יהוה ותרבץ תחת בלעם ויחר אף בלעם ויך את האתון במקלSelect Numbers 22:27

28ויפתח יהוה את פי האתון ותאמר לבלעם מה עשיתי לך כי הכיתני זה שלש רגליםSelect Numbers 22:28

29ויאמר בלעם לאתון כי התעללת בי לו יש חרב בידי כי עתה הרגתיךSelect Numbers 22:29

30ותאמר האתון אל בלעם הלוא אנכי אתנך אשר רכבת עלי מעודך עד היום הזה—ההסכן הסכנתי לעשות לך כה ויאמר לאSelect Numbers 22:30

31ויגל יהוה את עיני בלעם וירא את מלאך יהוה נצב בדרך וחרבו שלפה בידו ויקד וישתחו לאפיוSelect Numbers 22:31

32ויאמר אליו מלאך יהוה על מה הכית את אתנך זה שלוש רגלים הנה אנכי יצאתי לשטן כי ירט הדרך לנגדיSelect Numbers 22:32

33ותראני האתון ותט לפני זה שלש רגלים אולי נטתה מפני כי עתה גם אתכה הרגתי ואותה החייתיSelect Numbers 22:33

34ויאמר בלעם אל מלאך יהוה חטאתי—כי לא ידעתי כי אתה נצב לקראתי בדרך ועתה אם רע בעיניך אשובה ליSelect Numbers 22:34

35ויאמר מלאך יהוה אל בלעם לך עם האנשים ואפס את הדבר אשר אדבר אליך אתו תדבר וילך בלעם עם שרי בלקSelect Numbers 22:35

36וישמע בלק כי בא בלעם ויצא לקראתו אל עיר מואב אשר על גבול ארנן אשר בקצה הגבולSelect Numbers 22:36

37ויאמר בלק אל בלעם הלא שלח שלחתי אליך לקרא לך—למה לא הלכת אלי האמנם לא אוכל כבדךSelect Numbers 22:37

38ויאמר בלעם אל בלק הנה באתי אליך—עתה היכל אוכל דבר מאומה הדבר אשר ישים אלהים בפי—אתו אדברSelect Numbers 22:38

39וילך בלעם עם בלק ויבאו קרית חצותSelect Numbers 22:39

40ויזבח בלק בקר וצאן וישלח לבלעם ולשרים אשר אתוSelect Numbers 22:40

41ויהי בבקר—ויקח בלק את בלעם ויעלהו במות בעל וירא משם קצה העםSelect Numbers 22:41