23Numbers 23

1ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה איליםSelect Numbers 23:1

2ויעש בלק כאשר דבר בלעם ויעל בלק ובלעם פר ואיל במזבחSelect Numbers 23:2

3ויאמר בלעם לבלק התיצב על עלתך ואלכה אולי יקרה יהוה לקראתי ודבר מה יראני והגדתי לך וילך שפיSelect Numbers 23:3

4ויקר אלהים אל בלעם ויאמר אליו את שבעת המזבחת ערכתי ואעל פר ואיל במזבחSelect Numbers 23:4

5וישם יהוה דבר בפי בלעם ויאמר שוב אל בלק וכה תדברSelect Numbers 23:5

6וישב אליו והנה נצב על עלתו—הוא וכל שרי מואבSelect Numbers 23:6

7וישא משלו ויאמר מן ארם ינחני בלק מלך מואב מהררי קדם—לכה ארה לי יעקב ולכה זעמה ישראלSelect Numbers 23:7

8מה אקב לא קבה אל ומה אזעם לא זעם יהוהSelect Numbers 23:8

9כי מראש צרים אראנו ומגבעות אשורנו הן עם לבדד ישכן ובגוים לא יתחשבSelect Numbers 23:9

10מי מנה עפר יעקב ומספר את רבע ישראל תמת נפשי מות ישרים ותהי אחריתי כמהוSelect Numbers 23:10

11ויאמר בלק אל בלעם מה עשית לי לקב איבי לקחתיך והנה ברכת ברךSelect Numbers 23:11

12ויען ויאמר הלא את אשר ישים יהוה בפי—אתו אשמר לדברSelect Numbers 23:12

13ויאמר אליו בלק לך נא אתי אל מקום אחר אשר תראנו משם—אפס קצהו תראה וכלו לא תראה וקבנו לי משםSelect Numbers 23:13

14ויקחהו שדה צפים אל ראש הפסגה ויבן שבעה מזבחת ויעל פר ואיל במזבחSelect Numbers 23:14

15ויאמר אל בלק התיצב כה על עלתך ואנכי אקרה כהSelect Numbers 23:15

16ויקר יהוה אל בלעם וישם דבר בפיו ויאמר שוב אל בלק וכה תדברSelect Numbers 23:16

17ויבא אליו והנו נצב על עלתו ושרי מואב אתו ויאמר לו בלק מה דבר יהוהSelect Numbers 23:17

18וישא משלו ויאמר קום בלק ושמע האזינה עדי בנו צפרSelect Numbers 23:18

19לא איש אל ויכזב ובן אדם ויתנחם ההוא אמר ולא יעשה ודבר ולא יקימנהSelect Numbers 23:19

20הנה ברך לקחתי וברך ולא אשיבנהSelect Numbers 23:20

21לא הביט און ביעקב ולא ראה עמל בישראל יהוה אלהיו עמו ותרועת מלך בוSelect Numbers 23:21

22אל מוציאם ממצרים—כתועפת ראם לוSelect Numbers 23:22

23כי לא נחש ביעקב ולא קסם בישראל כעת יאמר ליעקב ולישראל מה פעל אלSelect Numbers 23:23

24הן עם כלביא יקום וכארי יתנשא לא ישכב עד יאכל טרף ודם חללים ישתהSelect Numbers 23:24

25ויאמר בלק אל בלעם גם קב לא תקבנו גם ברך לא תברכנוSelect Numbers 23:25

26ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשהSelect Numbers 23:26

27ויאמר בלק אל בלעם לכה נא אקחך אל מקום אחר אולי יישר בעיני האלהים וקבתו לי משםSelect Numbers 23:27

28ויקח בלק את בלעם ראש הפעור הנשקף על פני הישימןSelect Numbers 23:28

29ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילםSelect Numbers 23:29

30ויעש בלק כאשר אמר בלעם ויעל פר ואיל במזבחSelect Numbers 23:30