24Numbers 24

1וירא בלעם כי טוב בעיני יהוה לברך את ישראל ולא הלך כפעם בפעם לקראת נחשים וישת אל המדבר פניוSelect Numbers 24:1

2וישא בלעם את עיניו וירא את ישראל שכן לשבטיו ותהי עליו רוח אלהיםSelect Numbers 24:2

3וישא משלו ויאמר נאם בלעם בנו בער ונאם הגבר שתם העיןSelect Numbers 24:3

4נאם—שמע אמרי אל אשר מחזה שדי יחזה נפל וגלוי עיניםSelect Numbers 24:4

5מה טבו אהליך יעקב משכנתיך ישראלSelect Numbers 24:5

6כנחלים נטיו כגנת עלי נהר כאהלים נטע יהוה כארזים עלי מיםSelect Numbers 24:6

7יזל מים מדליו וזרעו במים רבים וירם מאגג מלכו ותנשא מלכתוSelect Numbers 24:7

8אל מוציאו ממצרים כתועפת ראם לו יאכל גוים צריו ועצמתיהם יגרם—וחציו ימחץSelect Numbers 24:8

9כרע שכב כארי וכלביא מי יקימנו מברכיך ברוך וארריך ארורSelect Numbers 24:9

10ויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שלש פעמיםSelect Numbers 24:10

11ועתה ברח לך אל מקומך אמרתי כבד אכבדך והנה מנעך יהוה מכבודSelect Numbers 24:11

12ויאמר בלעם אל בלק הלא גם אל מלאכיך אשר שלחת אלי—דברתי לאמרSelect Numbers 24:12

13אם יתן לי בלק מלא ביתו כסף וזהב—לא אוכל לעבר את פי יהוה לעשות טובה או רעה מלבי אשר ידבר יהוה אתו אדברSelect Numbers 24:13

14ועתה הנני הולך לעמי לכה איעצך אשר יעשה העם הזה לעמך באחרית הימיםSelect Numbers 24:14

15וישא משלו ויאמר נאם בלעם בנו בער ונאם הגבר שתם העיןSelect Numbers 24:15

16נאם שמע אמרי אל וידע דעת עליון מחזה שדי יחזה נפל וגלוי עיניםSelect Numbers 24:16

17אראנו ולא עתה אשורנו ולא קרוב דרך כוכב מיעקב וקם שבט מישראל ומחץ פאתי מואב וקרקר כל בני שתSelect Numbers 24:17

18והיה אדום ירשה והיה ירשה שעיר—איביו וישראל עשה חילSelect Numbers 24:18

19וירד מיעקב והאביד שריד מעירSelect Numbers 24:19

20וירא את עמלק וישא משלו ויאמר ראשית גוים עמלק ואחריתו עדי אבדSelect Numbers 24:20

21וירא את הקיני וישא משלו ויאמר איתן מושבך ושים בסלע קנךSelect Numbers 24:21

22כי אם יהיה לבער קין—עד מה אשור תשבךSelect Numbers 24:22

23וישא משלו ויאמר אוי מי יחיה משמו אלSelect Numbers 24:23

24וצים מיד כתים וענו אשור וענו עבר וגם הוא עדי אבדSelect Numbers 24:24

25ויקם בלעם וילך וישב למקמו וגם בלק הלך לדרכוSelect Numbers 24:25