31Numbers 31

1וידבר יהוה אל משה לאמרSelect Numbers 31:1

2נקם נקמת בני ישראל מאת המדינים אחר תאסף אל עמיךSelect Numbers 31:2

3וידבר משה אל העם לאמר החלצו מאתכם אנשים לצבא ויהיו על מדין לתת נקמת יהוה במדיןSelect Numbers 31:3

4אלף למטה אלף למטה—לכל מטות ישראל תשלחו לצבאSelect Numbers 31:4

5וימסרו מאלפי ישראל אלף למטה—שנים עשר אלף חלוצי צבאSelect Numbers 31:5

6וישלח אתם משה אלף למטה לצבא אתם ואת פינחס בן אלעזר הכהן לצבא וכלי הקדש וחצצרות התרועה בידוSelect Numbers 31:6

7ויצבאו על מדין כאשר צוה יהוה את משה ויהרגו כל זכרSelect Numbers 31:7

8ואת מלכי מדין הרגו על חלליהם את אוי ואת רקם ואת צור ואת חור ואת רבע—חמשת מלכי מדין ואת בלעם בן בעור הרגו בחרבSelect Numbers 31:8

9וישבו בני ישראל את נשי מדין ואת טפם ואת כל בהמתם ואת כל מקנהם ואת כל חילם בזזוSelect Numbers 31:9

10ואת כל עריהם במושבתם ואת כל טירתם—שרפו באשSelect Numbers 31:10

11ויקחו את כל השלל ואת כל המלקוח—באדם ובבהמהSelect Numbers 31:11

12ויבאו אל משה ואל אלעזר הכהן ואל עדת בני ישראל את השבי ואת המלקוח ואת השלל—אל המחנה אל ערבת מואב אשר על ירדן ירחוSelect Numbers 31:12

13ויצאו משה ואלעזר הכהן וכל נשיאי העדה—לקראתם אל מחוץ למחנהSelect Numbers 31:13

14ויקצף משה על פקודי החיל שרי האלפים ושרי המאות הבאים מצבא המלחמהSelect Numbers 31:14

15ויאמר אליהם משה החייתם כל נקבהSelect Numbers 31:15

16הן הנה היו לבני ישראל בדבר בלעם למסר מעל ביהוה על דבר פעור ותהי המגפה בעדת יהוהSelect Numbers 31:16

17ועתה הרגו כל זכר בטף וכל אשה ידעת איש למשכב זכר—הרגוSelect Numbers 31:17

18וכל הטף בנשים אשר לא ידעו משכב זכר—החיו לכםSelect Numbers 31:18

19ואתם חנו מחוץ למחנה—שבעת ימים כל הרג נפש וכל נגע בחלל תתחטאו ביום השלישי וביום השביעי—אתם ושביכםSelect Numbers 31:19

20וכל בגד וכל כלי עור וכל מעשה עזים וכל כלי עץ—תתחטאוSelect Numbers 31:20

21ויאמר אלעזר הכהן אל אנשי הצבא הבאים למלחמה זאת חקת התורה אשר צוה יהוה את משהSelect Numbers 31:21

22אך את הזהב ואת הכסף את הנחשת את הברזל את הבדיל ואת העפרתSelect Numbers 31:22

23כל דבר אשר יבא באש תעבירו באש וטהר—אך במי נדה יתחטא וכל אשר לא יבא באש תעבירו במיםSelect Numbers 31:23

24וכבסתם בגדיכם ביום השביעי וטהרתם ואחר תבאו אל המחנהSelect Numbers 31:24

25ויאמר יהוה אל משה לאמרSelect Numbers 31:25

26שא את ראש מלקוח השבי באדם ובבהמה—אתה ואלעזר הכהן וראשי אבות העדהSelect Numbers 31:26

27וחצית את המלקוח בין תפשי המלחמה היצאים לצבא—ובין כל העדהSelect Numbers 31:27

28והרמת מכס ליהוה מאת אנשי המלחמה היצאים לצבא—אחד נפש מחמש המאות מן האדם ומן הבקר ומן החמרים ומן הצאןSelect Numbers 31:28

29ממחציתם תקחו ונתתה לאלעזר הכהן תרומת יהוהSelect Numbers 31:29

30וממחצת בני ישראל תקח אחד אחז מן החמשים מן האדם מן הבקר מן החמרים ומן הצאן—מכל הבהמה ונתתה אתם ללוים שמרי משמרת משכן יהוהSelect Numbers 31:30

31ויעש משה ואלעזר הכהן כאשר צוה יהוה את משהSelect Numbers 31:31

32ויהי המלקוח—יתר הבז אשר בזזו עם הצבא צאן שש מאות אלף ושבעים אלף—וחמשת אלפיםSelect Numbers 31:32

33ובקר שנים ושבעים אלףSelect Numbers 31:33

34וחמרים אחד וששים אלףSelect Numbers 31:34

35ונפש אדם—מן הנשים אשר לא ידעו משכב זכר כל נפש שנים ושלשים אלףSelect Numbers 31:35

36ותהי המחצה—חלק היצאים בצבא מספר הצאן שלש מאות אלף ושלשים אלף ושבעת אלפים וחמש מאותSelect Numbers 31:36

37ויהי המכס ליהוה מן הצאן—שש מאות חמש ושבעיםSelect Numbers 31:37

38והבקר—ששה ושלשים אלף ומכסם ליהוה שנים ושבעיםSelect Numbers 31:38

39וחמרים שלשים אלף וחמש מאות ומכסם ליהוה אחד וששיםSelect Numbers 31:39

40ונפש אדם ששה עשר אלף ומכסם ליהוה—שנים ושלשים נפשSelect Numbers 31:40

41ויתן משה את מכס תרומת יהוה לאלעזר הכהן—כאשר צוה יהוה את משהSelect Numbers 31:41

42וממחצית בני ישראל אשר חצה משה מן האנשים הצבאיםSelect Numbers 31:42

43ותהי מחצת העדה מן הצאן—שלש מאות אלף ושלשים אלף שבעת אלפים וחמש מאותSelect Numbers 31:43

44ובקר ששה ושלשים אלףSelect Numbers 31:44

45וחמרים שלשים אלף וחמש מאותSelect Numbers 31:45

46ונפש אדם ששה עשר אלףSelect Numbers 31:46

47ויקח משה ממחצת בני ישראל את האחז אחד מן החמשים—מן האדם ומן הבהמה ויתן אתם ללוים שמרי משמרת משכן יהוה כאשר צוה יהוה את משהSelect Numbers 31:47

48ויקרבו אל משה הפקדים אשר לאלפי הצבא—שרי האלפים ושרי המאותSelect Numbers 31:48

49ויאמרו אל משה עבדיך נשאו את ראש אנשי המלחמה אשר בידנו ולא נפקד ממנו אישSelect Numbers 31:49

50ונקרב את קרבן יהוה איש אשר מצא כלי זהב אצעדה וצמיד טבעת עגיל וכומז—לכפר על נפשתינו לפני יהוהSelect Numbers 31:50

51ויקח משה ואלעזר הכהן את הזהב—מאתם כל כלי מעשהSelect Numbers 31:51

52ויהי כל זהב התרומה אשר הרימו ליהוה—ששה עשר אלף שבע מאות וחמשים שקל מאת שרי האלפים ומאת שרי המאותSelect Numbers 31:52

53אנשי הצבא בזזו איש לוSelect Numbers 31:53

54ויקח משה ואלעזר הכהן את הזהב מאת שרי האלפים והמאות ויבאו אתו אל אהל מועד זכרון לבני ישראל לפני יהוהSelect Numbers 31:54