10Zechariah 10

1שאלו מיהוה מטר בעת מלקוש יהוה עשה חזיזים ומטר גשם יתן להם לאיש עשב בשדהSelect Zechariah 10:1

2כי התרפים דברו און והקוסמים חזו שקר וחלמות השוא ידברו הבל ינחמון על כן נסעו כמו צאן יענו כי אין רעהSelect Zechariah 10:2

3על הרעים חרה אפי ועל העתודים אפקוד כי פקד יהוה צבאות את עדרו את בית יהודה ושם אותם כסוס הודו במלחמהSelect Zechariah 10:3

4ממנו פנה ממנו יתד ממנו קשת מלחמה ממנו יצא כל נוגש יחדוSelect Zechariah 10:4

5והיו כגברים בוסים בטיט חוצות במלחמה ונלחמו כי יהוה עמם והבישו רכבי סוסיםSelect Zechariah 10:5

6וגברתי את בית יהודה ואת בית יוסף אושיע והושבותים כי רחמתים והיו כאשר לא זנחתים כי אני יהוה אלהיהם—ואענםSelect Zechariah 10:6

7והיו כגבור אפרים ושמח לבם כמו יין ובניהם יראו ושמחו יגל לבם ביהוהSelect Zechariah 10:7

8אשרקה להם ואקבצם כי פדיתים ורבו כמו רבוSelect Zechariah 10:8

9ואזרעם בעמים ובמרחקים יזכרוני וחיו את בניהם ושבוSelect Zechariah 10:9

10והשבותים מארץ מצרים ומאשור אקבצם ואל ארץ גלעד ולבנון אביאם ולא ימצא להםSelect Zechariah 10:10

11ועבר בים צרה והכה בים גלים והבישו כל מצולות יאר והורד גאון אשור ושבט מצרים יסורSelect Zechariah 10:11

12וגברתים ביהוה ובשמו יתהלכו נאם יהוהSelect Zechariah 10:12