13Zechariah 13

1ביום ההוא יהיה מקור נפתח לבית דויד ולישבי ירושלם—לחטאת ולנדהSelect Zechariah 13:1

2והיה ביום ההוא נאם יהוה צבאות אכרית את שמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץSelect Zechariah 13:2

3והיה כי ינבא איש עוד ואמרו אליו אביו ואמו ילדיו לא תחיה כי שקר דברת בשם יהוה ודקרהו אביהו ואמו ילדיו בהנבאוSelect Zechariah 13:3

4והיה ביום ההוא יבשו הנביאים איש מחזינו—בהנבאתו ולא ילבשו אדרת שער למען כחשSelect Zechariah 13:4

5ואמר לא נביא אנכי איש עבד אדמה אנכי כי אדם הקנני מנעוריSelect Zechariah 13:5

6ואמר אליו מה המכות האלה בין ידיך ואמר אשר הכיתי בית מאהביSelect Zechariah 13:6

7חרב עורי על רעי ועל גבר עמיתי—נאם יהוה צבאות הך את הרעה ותפוצין הצאן והשבתי ידי על הצעריםSelect Zechariah 13:7

8והיה בכל הארץ נאם יהוה פי שנים בה יכרתו יגועו והשלשית יותר בהSelect Zechariah 13:8

9והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו—אמרתי עמי הוא והוא יאמר יהוה אלהיSelect Zechariah 13:9