14Zechariah 14

1הנה יום בא ליהוה וחלק שללך בקרבךSelect Zechariah 14:1

2ואספתי את כל הגוים אל ירושלם למלחמה ונלכדה העיר ונשסו הבתים והנשים תשגלנה (תשכבנה) ויצא חצי העיר בגולה ויתר העם לא יכרת מן העירSelect Zechariah 14:2

3ויצא יהוה ונלחם בגוים ההם כיום הלחמו ביום קרבSelect Zechariah 14:3

4ועמדו רגליו ביום ההוא על הר הזיתים אשר על פני ירושלם מקדם ונבקע הר הזיתים מחציו מזרחה וימה גיא גדולה מאד ומש חצי ההר צפונה וחציו נגבהSelect Zechariah 14:4

5ונסתם גיא הרי כי יגיע גי הרים אל אצל ונסתם כאשר נסתם מפני הרעש בימי עזיה מלך יהודה ובא יהוה אלהי כל קדשים עמךSelect Zechariah 14:5

6והיה ביום ההוא לא יהיה אור יקרות יקפאון (וקפאון)Select Zechariah 14:6

7והיה יום אחד הוא יודע ליהוה—לא יום ולא לילה והיה לעת ערב יהיה אורSelect Zechariah 14:7

8והיה ביום ההוא יצאו מים חיים מירושלם חצים אל הים הקדמוני וחצים אל הים האחרון בקיץ ובחרף יהיהSelect Zechariah 14:8

9והיה יהוה למלך על כל הארץ ביום ההוא יהיה יהוה אחד—ושמו אחדSelect Zechariah 14:9

10יסוב כל הארץ כערבה מגבע לרמון נגב ירושלם וראמה וישבה תחתיה למשער בנימן עד מקום שער הראשון עד שער הפנים ומגדל חננאל עד יקבי המלךSelect Zechariah 14:10

11וישבו בה וחרם לא יהיה עוד וישבה ירושלם לבטחSelect Zechariah 14:11

12וזאת תהיה המגפה אשר יגף יהוה את כל העמים אשר צבאו על ירושלם המק בשרו והוא עמד על רגליו ועיניו תמקנה בחריהן ולשונו תמק בפיהםSelect Zechariah 14:12

13והיה ביום ההוא תהיה מהומת יהוה רבה בהם והחזיקו איש יד רעהו ועלתה ידו על יד רעהוSelect Zechariah 14:13

14וגם יהודה—תלחם בירושלם ואסף חיל כל הגוים סביב זהב וכסף ובגדים—לרב מאדSelect Zechariah 14:14

15וכן תהיה מגפת הסוס הפרד הגמל והחמור וכל הבהמה אשר יהיה במחנות ההמה—כמגפה הזאתSelect Zechariah 14:15

16והיה כל הנותר מכל הגוים הבאים על ירושלם ועלו מדי שנה בשנה להשתחות למלך יהוה צבאות ולחג את חג הסכותSelect Zechariah 14:16

17והיה אשר לא יעלה מאת משפחות הארץ אל ירושלם להשתחות למלך יהוה צבאות—ולא עליהם יהיה הגשםSelect Zechariah 14:17

18ואם משפחת מצרים לא תעלה ולא באה ולא עליהם תהיה המגפה אשר יגף יהוה את הגוים אשר לא יעלו לחג את חג הסכותSelect Zechariah 14:18

19זאת תהיה חטאת מצרים וחטאת כל הגוים אשר לא יעלו לחג את חג הסכותSelect Zechariah 14:19

20ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבחSelect Zechariah 14:20

21והיה כל סיר בירושלם וביהודה קדש ליהוה צבאות ובאו כל הזבחים ולקחו מהם ובשלו בהם ולא יהיה כנעני עוד בבית יהוה צבאות ביום ההואSelect Zechariah 14:21