2Zechariah 2

1ואשא את עיני וארא והנה ארבע קרנותSelect Zechariah 2:1

2ואמר אל המלאך הדבר בי—מה אלה ויאמר אלי—אלה הקרנות אשר זרו את יהודה את ישראל וירושלםSelect Zechariah 2:2

3ויראני יהוה ארבעה חרשיםSelect Zechariah 2:3

4ואמר מה אלה באים לעשות ויאמר לאמר אלה הקרנות אשר זרו את יהודה כפי איש לא נשא ראשו ויבאו אלה להחריד אתם לידות את קרנות הגוים הנשאים קרן אל ארץ יהודה לזרותהSelect Zechariah 2:4

5ואשא עיני וארא והנה איש ובידו חבל מדהSelect Zechariah 2:5

6ואמר אנה אתה הלך ויאמר אלי למד את ירושלם לראות כמה רחבה וכמה ארכהSelect Zechariah 2:6

7והנה המלאך הדבר בי—יצא ומלאך אחר יצא לקראתוSelect Zechariah 2:7

8ויאמר אלו—רץ דבר אל הנער הלז לאמר פרזות תשב ירושלם מרב אדם ובהמה בתוכהSelect Zechariah 2:8

9ואני אהיה לה נאם יהוה חומת אש סביב ולכבוד אהיה בתוכהSelect Zechariah 2:9

10הוי הוי ונסו מארץ צפון—נאם יהוה כי כארבע רוחות השמים פרשתי אתכם—נאם יהוהSelect Zechariah 2:10

11הוי ציון המלטי—יושבת בת בבלSelect Zechariah 2:11

12כי כה אמר יהוה צבאות אחר כבוד שלחני אל הגוים השללים אתכם כי הנגע בכם נגע בבבת עינוSelect Zechariah 2:12

13כי הנני מניף את ידי עליהם והיו שלל לעבדיהם וידעתם כי יהוה צבאות שלחניSelect Zechariah 2:13

14רני ושמחי בת ציון—כי הנני בא ושכנתי בתוכך נאם יהוהSelect Zechariah 2:14

15ונלוו גוים רבים אל יהוה ביום ההוא והיו לי לעם ושכנתי בתוכך—וידעת כי יהוה צבאות שלחני אליךSelect Zechariah 2:15

16ונחל יהוה את יהודה חלקו על אדמת הקדש ובחר עוד בירושלםSelect Zechariah 2:16

17הס כל בשר מפני יהוה—כי נעור ממעון קדשוSelect Zechariah 2:17