3Zechariah 3

1ויראני את יהושע הכהן הגדול עמד לפני מלאך יהוה והשטן עמד על ימינו לשטנוSelect Zechariah 3:1

2ויאמר יהוה אל השטן יגער יהוה בך השטן ויגער יהוה בך הבחר בירושלם הלוא זה אוד מצל מאשSelect Zechariah 3:2

3ויהושע היה לבש בגדים צואים ועמד לפני המלאךSelect Zechariah 3:3

4ויען ויאמר אל העמדים לפניו לאמר הסירו הבגדים הצאים מעליו ויאמר אליו ראה העברתי מעליך עונך והלבש אתך מחלצותSelect Zechariah 3:4

5ואמר ישימו צניף טהור על ראשו וישימו הצניף הטהור על ראשו וילבשהו בגדים ומלאך יהוה עמדSelect Zechariah 3:5

6ויעד מלאך יהוה ביהושע לאמרSelect Zechariah 3:6

7כה אמר יהוה צבאות אם בדרכי תלך ואם את משמרתי תשמר וגם אתה תדין את ביתי וגם תשמר את חצרי—ונתתי לך מהלכים בין העמדים האלהSelect Zechariah 3:7

8שמע נא יהושע הכהן הגדול אתה ורעיך הישבים לפניך—כי אנשי מופת המה כי הנני מביא את עבדי צמחSelect Zechariah 3:8

9כי הנה האבן אשר נתתי לפני יהושע—על אבן אחת שבעה עינים הנני מפתח פתחה נאם יהוה צבאות ומשתי את עון הארץ ההיא ביום אחדSelect Zechariah 3:9

10ביום ההוא נאם יהוה צבאות תקראו איש לרעהו—אל תחת גפן ואל תחת תאנהSelect Zechariah 3:10