10Luke 10

1Y despues de ocono araqueró o Erañó tambien averes setenta y dui; y os bichabó de dui en dui anglal de ó á saro foros y gau, aduque ó terelaba de abillar.Select Luke 10:1

2Y les penaba! Aromali a mies sinela baribustri, tami os randiñadores frimés. Manguelelad pues al Erañó e mies, que bichabele randiñadores á desqueri mies.Select Luke 10:2

3Chalad: He acoi menda bichabelo sangue, sasta brajias en medio de lueyes.Select Luke 10:3

4Na lliguereleis quisóbu, ni manrañea, ni calcos, ni aspasareis á cayque por o drun.Select Luke 10:4

5André o saro quer que chalareis, brotobo penelad: paz sinele á ocona quer.Select Luke 10:5

6Y si sinare oté chaboro de paz, se chibará opré ó jiré paz; y si nanai, se limbidiará á sangue.Select Luke 10:6

7Y socabelad andré o matejo quer, jamando y piyando ma junos terelen, presas o randiñador digno sinela de desquero jayere. Na naqueleis de quer andré quer.Select Luke 10:7

8Y andré o saro foros andré coin chalareis, y sangue ustilaren, jamelad ma sangue childaren anglal.Select Luke 10:8

9Y chibelad mistos á os merdés, sos andré ó terelare, y penadles: Se ha abillado sunparál á sangue o chim de Debél.Select Luke 10:9

10Tami si andré o foros andré que chalareis, na ustilaren sangue, abillando por desqueres maasqueres, penelad:Select Luke 10:10

11Aun o pracos, sos se ha pegado á amangue de jiré foros, chibelamos contra sangue: Chanelad no obstante, que ha abillado sunparal o chim de Debél.Select Luke 10:11

12Sangue penelo, que andré ocola chibes sinará fetér a baji de Sodoma que de ocola foros.Select Luke 10:12

13¡Ysna de tucue, Corozain! ¡Ysna de tucue Bethsaida! Que si andré Tyro, y andré Sydón se hubiéran querdi as buchias, sos se han querdi andré sangue, chiros há que bestelados andré conel de gono y andré jaquestaro, hubieran querdi penitencia.Select Luke 10:13

14Aromali para Tyro, y Sydón, sinará andré o juicio fetér baji, que para sangue.Select Luke 10:14

15Y tucue, Capharnaúm, ardiñado disde o Charos, disde o butrón sinarás chibado ostely.Select Luke 10:15

16O sos junela á sangue, junela á mangue. Y ó sos girela á mangue, girela á ocola, sos mangue bichabó.Select Luke 10:16

17Y limbidiáron os setenta y dui sat pesquital, penando: Erañó, aun os bengues se nos sujetan andré tiro nao.Select Luke 10:17

18Y les penó: Dicaba á Satanas sasta yeque maluno, sos peraba del Charos.Select Luke 10:18

19Diquelais: que sangue he diñado sila de pirar opré gulistrabas, y birberechas, y opré saro o ezor e daschmanu: y chichi sangue dañará.Select Luke 10:19

20Tami andré ocono na asaseleis sangue: que os bengues os sinelen sujetos, antes asaselaos de que jires naues sinelan randados andré o Charos.Select Luke 10:20

21André ocola mateja ocana se asaseló andré o Peniche, y penó; Díñelo á tucue chimusolano, Dada Erañó e Tarpe y de la pu, presas ucharaste oconas buchias, á os Chandes y peruiques, y as has chibado en dut a os chinores. Andiar sinela, Dada: presas andiar ha sinado de tun pesquital.Select Luke 10:21

22Sarias as buchias a mangue sinelan diñadas de minrio Dada. Y cayque chanela, coin sinela o Chaboro, sino o Dada, ni coin sinela o Dada, sino o Chaboro, y ocola, á sos lo camelare penar o Chaboro.Select Luke 10:22

23Y limbidiándose hacia os discipules, penó: Majares as aquias, sos diquelan ma sangue diquelais.Select Luke 10:23

24Presas á sangue penelo, que baribustres Prophetas, y Crallises camelaron dicar ma sangue diquelais, y na lo dicáron; y junelar ma junelais, y na lo juneláron.Select Luke 10:24

25Y se ardiñó yeque Chande de la Eschastra, y le penó somia pesquilarle: ¿Duquendio, que quereláre somia terelar chipen deltó?Select Luke 10:25

26Y ó le penó: ¿André á Eschastra qué sinela randado? ¿sasta lirenas?Select Luke 10:26

27O rudelando penó: Camelarás al Erañó tun Debél de saro tun carlochin, y de sari tun ochi, y de sari tun sila, y de sari tun chaneleria: y á tun proximo sasta á tun matejo.Select Luke 10:27

28Y le penó: Mistos has rudelado: Querelad ocono, y vivisarás.Select Luke 10:28

29O camelandose justificar á desquero matejo, penó a Jesus: ¿Y coin sinela minrio proximo?Select Luke 10:29

30Y Jesus ustilando a varda, penó: Elabel chalaba ostely de Jerusalém á Jerichó, y diñó andré bastes de yeques randes, sos le randáron; y despues de terelarle curado, le mequeláron pas-mulo, y se chapescáron.Select Luke 10:30

31Anacó pues, que nacaba por o matejo drun yeque erajai: y pur o dicó, nacó de muy dur.Select Luke 10:31

32Y andiar matejo yeque Levita, bigoreando sunparal de ocola stano, y dicandole, nacó de dur.Select Luke 10:32

33Tami yeque Samaritano, sos chalaba desquero drun, se bigoreó sunparal de ó: y pur le dicó, se lo diñó canrea.Select Luke 10:33

34Y bigoreandose, le pandó as merdes, chibelando andré siras ampio y mol: y chibandolo opré desquero gra, lo lligueró a yeque mesuna, y tereló cuidado de ó.Select Luke 10:34

35Y aver chibes sicobó dui calés, y os diñó al julai, y le penó: Garabelamanguele: y o saro sos gastisareles de butér, menda á tucue lo diñare pur limbidie.Select Luke 10:35

36¿Coin de ocolas trin penchabelas que sinaba o proximo de ocola, sos diñó andré bastes es randes?Select Luke 10:36

37Ocola, rudeló o Chandé, sos tereló canrea sat ó: Pues cha, le penó, y querela tucue o matejo.Select Luke 10:37

38Y anacó, que sasta sinasen andré drun, chaló Jesus andré yeque gau: y yeque cadchi, sos se hetó Martha, lo ustiló andré o quer de siró.Select Luke 10:38

39Y ocona terelaba yeque plañi, araquerada Maria, sos bejelada á os pindres e Erañoró, junelaba su varda.Select Luke 10:39

40Tami Martha sinaba ocupada gajere andré as haciendas e quer: y siró se abilló y penó: ¿Erañó, na diqueles, sasta minri plañi, mangue ha mequelado colcori somia querelar? penle pues, que mangue ayude.Select Luke 10:40

41Y o Erañó le rudeló, y penó: Martha, Martha, baribu cuidadosa sinelas, y andré baribustrias buchias te trajatelas.Select Luke 10:41

42Aromali jomte solamente yeque buchi. Maria ha ustilado a aricata fetér, sos na le sinará nicobelada.Select Luke 10:42