13Luke 13

1Y andré ocona matejo chiros sinaban oté yeques, sos le penaban nuevas es Galileyes, cuya rati habia bucharado Pilato andré la es sacrificios de junos.Select Luke 13:1

2Y Jesus les rudeló, penando: ¿Penchabelais, que ocolas Galileyes sináron chorés butér que sares os averes, por terelar padecido buchias oconas?Select Luke 13:2

3Sangue penelo, que nanai: Tami si na querelareis penitencia, os sares merareis andré a mateja beda.Select Luke 13:3

4Andiar sasta tambien ocolas deque y otor manuces, opré coines peró o quer baro andré Siloé, y los maró: ¿penchabelais, que junos debisáron butér qus os sares manuces sos socabelaban andré Jerusalém?Select Luke 13:4

5Sangue penelo, que nanai: tami si na querelareis penitencia, os sares merareis andré a mateja beda.Select Luke 13:5

6Y penelaba tambien ocona parabola: Manu terelaba carschta chabéra chitalada andré sun resis, y chaló á orotar mibao andré siró, y na le alachó.Select Luke 13:6

7Y penó al paillo sos randiñó a resis: Diquela; trin berjis sinela que abillelo a orotar mibao andré ocona carschta chabera, y na lo alachó: velala pues: ¿para qué terela de ucharar aun a chiquen?Select Luke 13:7

8Tami ocola rudeló y le penó: Erañó: mequelela aun ocona berji, y la cavaré al crugos, y le chibaré groñi:Select Luke 13:8

9Astis sat ocono diñare mibao: y si nanai, la velarás despues.Select Luke 13:9

10Y sinaba bedando andré a Synagoga de junos as Canchés.Select Luke 13:10

11Y he acoi yeque cadchi, sos terelaba bengui de merdipen deque y otor berjis habia: y sinaba encorbada que na le astis dicar acia opré.Select Luke 13:11

12Pur la dicó Jesus, la araqueró á siró, y la penó: Cadchi, libre sinelas de tun merdipén.Select Luke 13:12

13Y chibó opré siró as bastes, y yescotria se ardiñó, y diñaba chimusolano á Debél.Select Luke 13:13

14Y ustilando a varda o Manclay e Synagoga, ululé presas Jesus habia chibado lacho andré la Canché, penó á la sueti: Zoi chibeses terelais, andré que astis randiñar: andré oconas pues abillad, y que chibele sangue lacho, y andré la Canché nanai.Select Luke 13:14

15Y rudelando o Erañó penó: Sungales, saro yeque de sangue na despandela andré la Canché desquero goruy, ó desquero gel del olibal y lo lliguerela á piyar.Select Luke 13:15

16¿Y ocona chai de Abraham, á coin terelaba pandisarado Satanás deque y otor berjis, na sinela mistos despandarla de ocona trajata andré chibes de Canché?Select Luke 13:16

17Y penando oconas buchias se pachibelaban sares os daschmanuces de ó: tami se alendaba sari a sueti de sarias as buchias, que ó querelaba chimusolanamente.Select Luke 13:17

18Penelaba pues: ¿A qué buchi sinela semejante o chim de Debél, y á que buchi lo compararé?Select Luke 13:18

19Semejante sinela al grano e mostaza, sos lo ustiló yeque manu y lo chitó andré desquero vea, y se queró baro, y se queró carschta udschi; y as ujarres e charos sobeláron opré desqueres senques.Select Luke 13:19

20Y penó aver chiros: A qué penelaré, que o chim de Debél sinela semejante?Select Luke 13:20

21Semejante sinela á la levadura, sos ustiló yeque cadchi, y la chibó andré trin melales de roi, disde que o saro se querase fermentado.Select Luke 13:21

22Y chalaba por foros y gau, bedando y querelando drun ácia Jerusalém.Select Luke 13:22

23Y le penó yeque manu: ¿Eraño, sinelan frimes junos sos se salvan? Y ó les penó:Select Luke 13:23

24Querelad ezor á sicobaros andré por a bundal chinori: presas sangue penelo, que baribustres camelarán chalar andré, y na les astis.Select Luke 13:24

25Y pur o batu e quer terelare chalado andré, y pandado a bundal, sangue sinareis abrí, y os chitareis á araquerar á la bundal, penando: Erañó, pendrabanos: y ó os rudelará, penando: Na chanelo duque sinelais sangue:Select Luke 13:25

26Entonces os chibareis á penar: Anglal de tucue jamemos y piyemos, y andré amares masqueres bedaste.Select Luke 13:26

27Y os penará: Na chanelo duque sangue sinelais: Chalaos de mangue sares os curadores e choripen.Select Luke 13:27

28Oté sinará o orabar, y o nacicar de danias, pur dicareis á Abraham, y á Isaac, y á Jacob, y á sares os Prophetas andré o chim de Debél, y sangue sinelais bucharados abrí.Select Luke 13:28

29Y abillarán de Boctaro, y de Occidente, y de Aquilón, y de Austro, y se bestelarán á la mensalle andré o chim de Debél.Select Luke 13:29

30Y he acoi que sinelan segritones, junos sos sinarán brotobores, y que brotobores, junos sos sinarán segritones.Select Luke 13:30

31Ocona matejo chibes se bigoreáron á ó yeques Phariseyes, y le penáron: Sicobelatucue de acoi, y chatucue, presas Herodes te camela marar.Select Luke 13:31

32Y les penó: Chalad, y penad á ocola rubasuncha, que menda bucharelo bengues, y chibelo lacho achibes y tasáta, y al trincho chibes sinelo chichi.Select Luke 13:32

33Tami jomte, que menda pirele achibes, y tasáta, y aver chibes: Presas n’astis que yeque Propheta merele abrí de Jerusalém.Select Luke 13:33

34Jerusalém, Jerusalém, sos marelas á os Prophetas, y bucharélas barias á junos sos sinelan bichabados á tucue, ¿quantas begais camelé catanar tires chabores, sasta a cañi desqueres chiricles ostely desquerias alas, y na camelaste.Select Luke 13:34

35He acoi que á tucue sinará mequelada bi sueti tiro quer. Y á tucue penelo que na diquelarás mangue butér, disde que abilleli o chiros, pur penelais: Majarificable sinele ó sos abillele andré o nao e Erañoró.Select Luke 13:35