17Luke 17

1Y penó á desqueres discipules: N’astis, que na abillelen escandales: ¡Tami ysna de ocola, por coin abillelén!Select Luke 17:1

2Fetér le sinaria, que le chibasen al querlo bar de asia y le bucharasen andré o moros, que querelar escandalo á yeque de oconas chinores.Select Luke 17:2

3Diquelad por sangue: si querelare grecos tiro plal contra tucue, corrigele: y si querelare penitencia, ertinale.Select Luke 17:3

4Y si querelare grecos contra tucue efta begais al chibes, y efta begais al chibes se limbidiare á tucue, penando: He querdi choro, ertinale.Select Luke 17:4

5Y penáron os Apostoles al Erañó: Din amangue fé butér.Select Luke 17:5

6Y penó o Érañó: Si terelareis fé, sasta yeque grano de mostaza, y penelareis á ocona moral: Despandate de raiz, y chibelate oté andré o moros: lo querelará.Select Luke 17:6

7¿Y coin de sangue terelando yeque lacró, sos randiñela, ó garabela as brajias, pur limbidiela del bur, le penela: Chatucue yescotria, y bestelate á la mensalle?Select Luke 17:7

8Y na le penela gres: Chitelame de jamar, y chitelate á servirme, o chiros que jamelo y piyelo; que despues jamarás y piyarás?Select Luke 17:8

9¿Pre baji se debisarelan garapatias á ocola lacró presas ocona querela ma le penó?Select Luke 17:9

10Penchabelo que nanai. Andiar tambien sangue, pur querelareis sarias as buchias que á sangue sinelan penadas, penad: Lacrés sinamos inutiles: Ma debisaramos querelar, querelemos.Select Luke 17:10

11Y anacó que chalando ó á Jerusalém, nacó por medio de Samaria, y de Galiléa.Select Luke 17:11

12Y chalando andré yeque gau, chaláron abrí á ó deque manuces zarapiosos, sos se paráron de dur.Select Luke 17:12

13Y diñaron goles, penando: Jesus duquendio, terela canrea de amangue.Select Luke 17:13

14O pur dicó junos, penó: Chalad, somia diquelen sangue os erajais. Y anacó, que o chiros que chalaban, sináron chibados lacho.Select Luke 17:14

15Y yeque de junos, pur dicó que habia sinado chibado lacho, limbidió diñando chimusolano á Debél á goles bares.Select Luke 17:15

16Y se bucharó en chiquen, á os pindrés de Jesus, diñando garapatias: y ocona sinaba Samaritano.Select Luke 17:16

17Y rudeló Jesus, y penó: ¿Pre baji na sinelan deque junos sos sináron chibados lacho? ¿Y os nu averes duque sinelan?Select Luke 17:17

18¿Na sinaba yeque sos limbidiase, y diñase chimusolano á Debél, sino ocana gringó?Select Luke 17:18

19Y le penó: Costunatucue, chatucue, que tiri fé te ha chibado lacho.Select Luke 17:19

20Y puchabandole os Phariseyes: ¿Pur abillará o chim de Debél? les rudeló, y penó: O chim de Debél na abillará sat simache de abrí;Select Luke 17:20

21Ni penelarán: helo acoi, o helo oté: presas o chim de Debél sinela andré de sangue.Select Luke 17:21

22Y penó á desqueres discipules: Abillarán chibeses, pur camelareis dicar yeque chibes e Chaboro e Manu, y na lo dicareis.Select Luke 17:22

23Y sangue penarán: Diqueladle acoi, y diqueladle oté. Na cameleis chalar, ni le plastañeis.Select Luke 17:23

24Presas sasta o maluno, sos diñelando dut andré a region ostely e Charos, voltisarela desde la yeque disde la aver aricata; andiar tambien sinará o Chaboro e manu andré desquero chibes.Select Luke 17:24

25Tami jomte brotoboro que ó padezca baribu, y que sinele reprobado de ocona sueti.Select Luke 17:25

26Y sasta sinaba andré os chibeses de Noé, andiar tambien sinará andré os chibeses e Chaboro e manu.Select Luke 17:26

27Jamaban, y piyaban: os manuces ustilaban romias, y as cadchias romes disde o chibes pur Noé chaló andré á Jestari; y abilló a pani bari, y mulabó á sares.Select Luke 17:27

28Andiarmatejo sasta sinaba andré os chibeses de Lot; jamaban, y piyaban; quinaban, y binaban; chitaban carschtas, y querelaban querés.Select Luke 17:28

29Y o chibes, que chaló Lot abrí de Sodoma, peró yaque y azufre de o Charos, y os marabó á sares.Select Luke 17:29

30Andiar sinará o chibes, pur se mequelará dicar o Chaboro e manu.Select Luke 17:30

31André ocola ocana o sos sinare opré o tejado, y terelare desqueres coneles andré o quer, na chale ostely á ustilarlos, y ó sos sinare andré o ortalame, andiar matejo na limbidiele palal.Select Luke 17:31

32Terelad en fácho a romi de Lot.Select Luke 17:32

33O saro sos camelare salvar sun chipen, la najabará; y ó sos la najabará, la alachará.Select Luke 17:33

34Sangue penelo, que andré ocola rachi dui sinarán andré yeque cheripen, yéque sinará ustilado, y o aver mequelado.Select Luke 17:34

35Dui cadchias sinarán nacicando andré a asia catanias; yeque sinará ustilada, a aver mequelada: dui andré l’ortalame; yeque sinará ustilado, y o aver mequelado.Select Luke 17:35

36Rudeláron, y le penáron: ¿Anduque Erañó?Select Luke 17:36

37Y ó les penó: Duque sináre o trupos, oté tambien se catanaran as aguilas.Select Luke 17:37