2Luke 2

1André ocolas chibeses anacó, que chaló abrí yeque edicto de Cæsar Augusto, somia que sari a sueti sinara jinada.Select Luke 2:1

2Ocola brotoboro jinamiento sinaba querdi por Cyrino, Chino-baro de Syria.Select Luke 2:2

3Y chalaban os sares á libanarse os naos cata yeque á desquero foros.Select Luke 2:3

4Y ardiñó tambien Joseph del foros de Nazareth, á Judea, al foros de David, sos se heta Bethlehém: presas sinaba del quer y de la rati de David,Select Luke 2:4

5Somia libanarse o nao sat desqueri romi Maria, sos sinaba cambri.Select Luke 2:5

6Y sinando oté, anacó, que se pereláron os chibeses andré que terelaba de chindar.Select Luke 2:6

7Y minchabó a desquero Chaboro broto-chindado, y lo chibó andré diclés, y lo chitó andré yeque olibar: presas na sinaba lugar por junos andré a mesuna.Select Luke 2:7

8Y sinaba yeques durotunes andré ocola comarca, sos sinaban velando, y nacando as ocanas e rachí opré desquerias brajias.Select Luke 2:8

9Y he acoi se childó sunparal á junos yeque Manfariel e Erañoró, y a dut de Debél os cercó de yacque, y tereláron baro dal.Select Luke 2:9

10Y les penó o Manfariel: nacangueleis: presas he acoi anuncio á sangue gosuncho baro, sos sinará á sari a sueti.Select Luke 2:10

11Que sejonia sinela chindado a sangue o Salvador, sos sinela o Christo Erañó, andré o foros de David.Select Luke 2:11

12Y ocona sinará á sangue o simache: Alachareis o Chaboro chibado andré dicles; y chitado andré yeque olibar.Select Luke 2:12

13Y yescotria se mecó dicar sat o Manfariel butrés manuces es jundunares e Tarpe, sos majarificaban a Debél, y penaban:Select Luke 2:13

14Chimusolano á Debél andré o Tárpe, y andré a phu paz á os sares de lachi suncái.Select Luke 2:14

15Y anacó, que yescotria que os Manfarieles chaláron de junos al Tarpe, os durotunés penaban os yeques a os averes: Chalemos disde Bethlehém, y diquelemos ma ha anacado, ma o Erañó, ha diado á amangue.Select Luke 2:15

16Y chaláron singó, y alacháron á Maria, y á Joseph, y al chaboro chitado andré o olibar.Select Luke 2:16

17Y pur ocono dicáron, jabilláron ma se les habia penado acerca de ocola Chaboró.Select Luke 2:17

18Y os sares sos lo juneláron, se zibáron: y tambien de ma os durotunés les habian penado.Select Luke 2:18

19Tami Maria aracateaba sarias ocolas buchias, estongerandolas andré desquero carló.Select Luke 2:19

20Y se limbidiáron os durotunés chimusolanificando y majarificando á Debél por sarias as buchias, ma habian junelado y dicado, andiar sasta les habia sinado penado.Select Luke 2:20

21Y despues que sináron nacados os otor chibeses somia chinar o postin e quilen al Chaboro, araqueráron desquero nao Jesus, sasta le habia araquerado o Manfariel, gres que sinaba concebido andré o trupo.Select Luke 2:21

22Y pur sináron nacados os chibeses e purificacion de Maria, segun la eschastra de Moyses, lo lligueráron á Jerusalém somia presentarlo al Erañoró,Select Luke 2:22

23Sasta sinela randado andré la Eschastra e Erañoró: que o saro manu sos despandase beo, sinará majarificado al Erañó.Select Luke 2:23

24Y somia diñar a ofrenda sasta sinela penado andré a Eschastra e Erañoró, yeque par de gobareyes, o dui custañias.Select Luke 2:24

25Y sinaba al chiros andré Jerusalém gachó sos se hetó Simeón, y ocola manu lacho y daraño de Debél, ujarando a consolacion de Israel, y o Peniche sinaba andré ó.Select Luke 2:25

26Y chanelaba del Peniche, que ó na dicaria meripen, bi dicar grés al Christo e Erañoró.Select Luke 2:26

27Y abilló por ochi á la cangri, y lanelando os batuces al Chaboro Jesus, somia querelar segun la beda e Eschastra sat ó:Select Luke 2:27

28Entonces lo ustiló andré sus murcias, y majarificó á Debél, y penó:Select Luke 2:28

29Acana, Erañó, mequeles á tun lacró chalar en paz, segun tiri varda:Select Luke 2:29

30Presas han dicado minrias aquias tun golipen,Select Luke 2:30

31Sos has aparejado antela chiché de sari la sueti;Select Luke 2:31

32Dut somia sinar revelada á os Busnés, y somia chimusolano de Israel tiri sueti.Select Luke 2:32

33Y desquero batu y dai sinaban maravillados de ocolas buchías que se penelaban de ó.Select Luke 2:33

34Y os majarificó Simeón, y penó á Maria desqueri dai: He acoi que ocona Chaboro sinela sinchitó somia querelar perar, y somia ardiñar á baribustres andré Israel; y somia simáche á os sares sos contrapenarán:Select Luke 2:34

35Y un estuche velará tiro bucos de tun mateja, somia que sinelen chanelados os pensamientos de sares carlochinesSelect Luke 2:35

36Y sinaba yeque chuan jañí, araquerada Ana, dugida de Phanuel, e tribu de Aser: ocona ya terelaba butrés chibeses, y habia socabado eñia berjis sat desquero rom desde su pachi.Select Luke 2:36

37Y siró sinaba piulí, sasta de otorenta y star berjis; y na chalaba abrí de la cangri, sirviendo chibes y rachí andré ayunos y ocanagimias.Select Luke 2:37

38Y sasta siró bigorease andré a mateja ocana, majarificaba al Eraño: y penaba de ó á os sares sos ujaraban la mestepé de Israel.Select Luke 2:38

39Y pur tereláron querdi o saro, conforme a lá Eschastra e Erañoró, se limbidiáron a Galiléa á desquero foros de Nazareth.Select Luke 2:39

40Y o chaboro se queró baro y silno, sinando perelalo de chanelería, y a gracia de Debél sinaba andré ó.Select Luke 2:40

41Y desqueres batuces chaláron sarias as berjis á Jerusalém andré o chibes de la Ciria.Select Luke 2:41

42Y pur tereló duideque berjis, ardiñaron á Jerusalém, segun a beda e chibes baro.Select Luke 2:42

43Y acabados os chibeses, pur se limbidiaban, se quedisaró o chaboro Jesus andré Jerusalém, bi que desqueres batuces lo chanelasen.Select Luke 2:43

44Y penchabando que sinaba sat os averes de la plastañí, chaláron drun de yeque chibes, y le orotáron enré os parientes, y os monres.Select Luke 2:44

45Y pur na le rachelasen, se limbidiáron á Jerusalém, orotándole.Select Luke 2:45

46Y anacó que trin chibeses despues le alacháron andré á cangrí, bestelando en medio es Chandés, junandolos, y puchabandolos.Select Luke 2:46

47Y os sares sos le junelaban, se pasmaban, de desqueri chaneleria y de las respuestas de ó.Select Luke 2:47

48Y pur le dicáron, se zibáron, y le penó desqueri dai: chaboro presas has querdi andiar sat amangue? dicá sasta tun batu y menda emposunó te orotabamos,Select Luke 2:48

49Y les rudeló: ¿Para qué orotabais mangue? ¿Na chanelabais, que me jomte sinar andré as buchias que sinelan de minrio Dadá?Select Luke 2:49

50Tami junos na jabilláron a varda, que les penó.Select Luke 2:50

51Y se guilló ostely sat junos, y abilló á Nasareth: y sinaba sugeto á junos. Y sun dai aracateaba sarias ocolas buchias andré su carló.Select Luke 2:51

52Y Jesus se queró baro andré chaneleria, y andré berjis, y andré furuné anglal de Debél y es manuces.Select Luke 2:52