23Luke 23

1Y se ardiñó sari ocola sueti, y lo lligueráron á Pilato.Select Luke 23:1

2Y se chitáron á acusarle, penando: A ocona terelamos alachado pervirtiendo á amari sueti, y vedando platisarar jayere á Cæsar, y penando que ó sinela Christo Crallis.Select Luke 23:2

3Y Pilato le puchabó, y penó: ¿Sinelas tucue o Crallis es Chuti? Y ó le rudeló penando: Tucue lo penelas.Select Luke 23:3

4Penó Pilato á os Manclayes es Erajais, y á la sueti: Chichi, sos sinela choro alachelo andré ocona manu.Select Luke 23:4

5Tami junos insistian, penando: Terela alborotado a sueti sat la beda, sos chibela por sari la Judéa, comenzando desde o chim de Galiléa, disde acoi.Select Luke 23:5

6Pilato, sos juneló penar Galiléa, puchabó si sinaba de Galiléa.Select Luke 23:6

7Y pur chaneló, que sinaba e jurisdicion de Herodes, lo bichabó á Herodes: sos al chiros socababa tambien andré Jerusalém.Select Luke 23:7

8Y Herodes pur dicó á Jesus, se alendó baribu. Presas de baribu chiros le terelaba camelado dicar, presas habia junelado penar de ó barias buchias, y fronsaperaba dicarle querelar alguno zibo.Select Luke 23:8

9Le quereló pues baribustrias preguntas: Tami ó le rudelaba chichi.Select Luke 23:9

10Y sinaban os Manclayes es erajais, y os Libanes acusandole silamente.Select Luke 23:10

11Y Herodes sat desqueres jundunáres ó despreció: y caquerandole le quereló chitar yeque conel parno, y aver begai o limbidió á Pilato.Select Luke 23:11

12Y ocola chibes se quereláron monres Herodes y Pilato; presas palal sinaban daschmanuces entre sí.Select Luke 23:12

13Pilato pues araqueró á os Manclayes es erajais, y á os Barandéres, y á la sueti.Select Luke 23:13

14Y les penó: Terelais lanelado á mangue ocona manu, sasta pervertidor e sueti; y diquelad que puchabándole menda anglal de sangue, na alaché andré ocona manu yeque de ocolas buchias chorias de que o acusais.Select Luke 23:14

15Ni Herodes Crallis: presas sangue bichabé á ó, y he acoi que se ha probisarado chichi, sos merezca meripen.Select Luke 23:15

16Y andiar le despandaré despues de terelar curado.Select Luke 23:16

17Y debisaraba despandarles yeque estardo andré o chibes e fiesta.Select Luke 23:17

18Y sari a sueti diñó goles catanés, penando: Querelad merar a ocona, y despandanos á Barrabás.Select Luke 23:18

19Ocona habia sinado bucharado andré l’estaripel por yeque sedicion ardiñada andré o foros, y por yeque mordipen.Select Luke 23:19

20Y Pilato les chamulió de nuevo, camelando despandar á Jesus.Select Luke 23:20

21Tami junos limbidiaban á diñar goles, penando: A la trijul con ó, A la trijul con ó.Select Luke 23:21

22Y ó a trincha begai les penó: ¿Pues qué choro ha querdi ocona? Menda na alachelo andré ó necautia causa de meripen: le curelaré pues y le despandaré.Select Luke 23:22

23Tami junos insistian mangando á goles bares, que sinase trijulado, y ardiñaban butér sus goles.Select Luke 23:23

24Y Pilato penchabó, que se querelara ma junos mangaban.Select Luke 23:24

25Y les despandó á ó sos por sedicion, y mordipen habia sinado bucharado andré l’estaripel, al sos habian mangado: y entregisaró á Jesus á las bastes de junos.Select Luke 23:25

26Y pur lo lligueráron, ustiláron yeque manu de Cyrene, sos se hetó Simón, sos abillaba de yeque cosque: y le carguisaráron la trijul, somia que la lliguerase palal de Jesus.Select Luke 23:26

27Y le plastañaban yeque plastañi bari de sueti, y de cadchias, sos le plañian y orobaban.Select Luke 23:27

28Tami Jesus? límbidiandose hacia siras, les penó: Dugidas de Jerusalém, na orobeis opré mangue; antes orobad opré jirias matejas, ta opré jires chaborés.Select Luke 23:28

29Presas abillarán chibeses andré que penarán: Majaradas as estériles, y as porias, sos na concibiéron, y as chuchai sos na diñáron de mamisarar.Select Luke 23:29

30Entonces se chibarán á penar á as playas: Perad opré amangue: y á os bures: Ucharadnos.Select Luke 23:30

31Presas si andré carschta bardry querelan ocono, ¿andré a seca, que se querelará?Select Luke 23:31

32Y lligueraban tambien sat ó dui averes, sos sinaban chores, somia mulabarlos.Select Luke 23:32

33Y pur bigoreáron á o stano, sos se heta de la Calavéra, le trijuláron oté; y os dui randés, yeque á la bastari, y aver á la can.Select Luke 23:33

34Tami Jesus penaba: Dada, ojabesalos: presas na chanelan, ma querelan. Y dividiendo desqueres talalorés, bucháron sustirias.Select Luke 23:34

35Y a sueti sinaba dicando, y os Manclayes catanamente sat junos o denostabelaban, y penaban: A averes chibó lacho, listrabese á sí matejo, si ocona sinela o Christo, o camelado de Debél.Select Luke 23:35

36Le caqueraban tambien os jundunares, chalando sunparal á ó, y chitandole anglal vinagre.Select Luke 23:36

37Y penando: Si tucue sinelas o Crallis es Chuti, listrabelate á tun matejo.Select Luke 23:37

38Y sinaba opré ó yeque titulo libanado andré letras Griegas, Latinas y Ybuchias: Ocona sinela o Crallis es Chuti.Select Luke 23:38

39Y yeque de ocolas randes, sos sinaban luanados, o injuriaba, penando: Si tucue sinelas o Christo, listrabela á tun matejo, y á amangue.Select Luke 23:39

40Tami o aver rudelando, le chingaró, penando: Ni aun tucue canguelas á Debél, sinando andré a mateja corypény?Select Luke 23:40

41Aromali amangue urgiyamos por amaro grecos, presas ustilamos ma merecen amarias obras: tami ocona chichi choro ha querdi.Select Luke 23:41

42Y penába á Jesus: Erañó, enjallate de mangue pur abillares á tun chim.Select Luke 23:42

43Y Jesus le penó; Aromali te penelo, que achibes sinarás con-a-mangue andré o Paraiso.Select Luke 23:43

44Y sinaba ya casi a ocana zobia, y sari a chiquen se ucharó de tinieblas disde a ocana nubia.Select Luke 23:44

45Y se chitó oruné o Cam: y o velo e cangri se asparabó pré medio.Select Luke 23:45

46Y Jesus diñando yeque gole baro, penó: Dada: andré tirias bastes encomiendo minrio ylo: y penando ocono, espiró.Select Luke 23:46

47Y pur dicó o Centurion ma habia anacado, diñó chimusolano á Debél, penando: Aromali, ocona manu sinaba lacho.Select Luke 23:47

48Y sari a sueti sos sunparal sinaba, pur dicaba ma anacaba, se limbidiaba curandose andré os chepés.Select Luke 23:48

49Y sares os pincherados de Jesus, y as cadchias sos le habian plastañado de Galiléa, sinaban dicando oconas buchias de dur.Select Luke 23:49

50Y he acoi yeque gacho araquerado Joseph, sos sinaba Barander, gacho lachó ta justo:Select Luke 23:50

51Sos na habia consentido andré o consejo, ni andré os hechos de junos, de Arimathéa, foros e Judéa, sos ujaraba o chim de Debél.Select Luke 23:51

52Ocona bigoreó á Pilato, y le mangó o trupos de Jesus.Select Luke 23:52

53Y habiendole nicabado, lo involvisaró andré yeque sabana parni, y lo childó andré yeque sepulchro querdi andré un bur, anduque cayque disde entonces habia sinado childado.Select Luke 23:53

54Y sinaba o chibes de Parasceve, y sunparal sinaba a Canché.Select Luke 23:54

55Y abillando tambien as cadchias sos habian plastañado á Jesus desde Galiléa, dicáron o sepulchro, y a beda en que sinaba childado desquero trupos.Select Luke 23:55

56Y limbidiandose, quináron bus ta unguentes; y reposáron a Canché sasta mandisarela a Eschastra.Select Luke 23:56