24Luke 24

1Y o brotoboro e dramia chaláron muy de clarico al sepulchro, lliguerando o bue, sos terelaban quinado.Select Luke 24:1

2Y alacháron a bar revueltisarada del sepulchro.Select Luke 24:2

3Y chalando enrún, na alacháron o trupos e Erañoró Jesus,Select Luke 24:3

4Y anacó, que sinando perelales de dal por ocono, he acoi dui gachés, sos se mequeláron dicar sunparal á siras sat coneles resplandecientes.Select Luke 24:4

5Y sasta sinaban medrosas, y voltisaraban a chiche ostely al chiquen, les penáron: ¿Presas orotais enrun os mules al que vivisarela?Select Luke 24:5

6Na sinela acoi, presas se ha ardiñado: ojaraos de ma penó á sangue, sinando aun andré Galiléa,Select Luke 24:6

7Penando: Jomte que o Chaboro e manu sinele entreguisarado andré bastes es manuces chores, y que sinele trijulado, y ardiñele al trincho chibes.Select Luke 24:7

8Entonces se ojaráron de las vardas de ó.Select Luke 24:8

9Y chalando abrí del sepulchro, se guilláron á penar saro ocono á os once, y á sares os averes.Select Luke 24:9

10Y siras sos laneláron á os Apóstoles oconas buchias sinaban Maria Magdalena, y Juana, y Maria Dai de Santiago, y as averes sos sinaban sat siras.Select Luke 24:10

11Y junos tereláron por chichi oconas vardas, y na las pachibeláron.Select Luke 24:11

12Tami Pedro ardiñandose, se guilló al sepulchro, y bajandose, dicó solo á os dicles, sos sinaban chibados oté, y se chaló zibando enré sí ma habia anacado.Select Luke 24:12

13Y dui de janos ocola matejo chibes, chalaban á yeque gau araquerado Emmaus, dur de Jerusalém sasta de zoi millas.Select Luke 24:13

14Y junos chalában chamuliando enré si de sarias oconas buchias sos habian anacado.Select Luke 24:14

15Y sasta sinaban penando y chamuliando o yeque sat o aver, bigoreó á junos o matejo Jesus, y piraba sat junos.Select Luke 24:15

16Tami as aquias de junos sinaban ucharadas, somia que na le pincharasen.Select Luke 24:16

17Y les penó: ¿Qué vardas sinelan oconas, sos chamulais enré sangue pirando? Y presas sinelais charavares?Select Luke 24:17

18Y rudelando yeque de junos, arquerado Cleóphas, le penó: ¿Tucue gringó andré Jerusalém: y na chanelas ma ha anacado oté oconas chibéses.Select Luke 24:18

19O les penó: ¿Que buchí? Y rudeláron: De Jesus Nazareno, sos sinaba yeque gacho Propheta, silnó andré obras y andré vardas anglal de Debél y de sari a sueti;Select Luke 24:19

20Y sasta le entreguisaráron os Pontesquerés y amáres Manclayes á condenacion de meripen, y o trijuláron:Select Luke 24:20

21Tami mu fronsaperabamos, que ó sinaba sos terelaba de diñar mestepé á Israel; o mas choro sinela, que sejonia sinela o trincho chibés, que oconas buchias han anacado.Select Luke 24:21

22Aunque yeques cadchias de amarias nos han querelado darañar; siras anglal e clarico chaláron al sepulchro.Select Luke 24:22

23Y na terelando alachado desquero trupo, limbidiáron, penando que habian dicado oté vision de Manfarieles, sos penelan que ó vivisarela.Select Luke 24:23

24Y yeques de amares plalores chaláron al sepulchro, y lo alacháron andiar sasta as cadchias lo habian penado; tami á ó na lo alacháron.Select Luke 24:24

25Y Jesus penó á junos: ¡O dinelés y tardos de carlochin, para pachibelar o saro sos os Prophetas han penado!Select Luke 24:25

26¿Na jomte, que o Christo urjiyase oconas buchias, y que andiar chalase enré desquero chimusolano?Select Luke 24:26

27Y se chitó á penar desde Moysés y de sarés os Prophetas, chibando en dundun as randiñipenes sos chamulian de ó.Select Luke 24:27

28Y bigoreáron al gau, á duque chalaban: Y ó diñó simaches de chalar mas dur.Select Luke 24:28

29Tami o detereláron sat sila, penando: Queda tucue sat amangue, presas tasata sinela, y o cam ha chalado ostely. Y chaló andré sat junós.Select Luke 24:29

30Y sinando bejelado sat junos á la mensalli, ustiló o tato, y o majarificó: y terelando asparabado, se lo diñaba.Select Luke 24:30

31Y sináron despandadas as aquias de junós, y lo pincharáron; y ó entonces se najó de desquerias aquias.Select Luke 24:31

32Y penáron yeque á aver: ¿Pre baji na bucharaba amaro carlochin enrún amangue, pur andré o drun chamuliaba sat amangue, chibando en dundun as randiñipenes?Select Luke 24:32

33Y ardiñandose andré a mateja ocána, limbidiáron á Jerusalém: y alacháron catanés á os once, y á junos sos sinaban sat junós,Select Luke 24:33

34Sos penáron; Chachipen, ha ardiñado o Erañó, y se ha diado á Simón.Select Luke 24:34

35Y junos penáron ma les terelaba anacado andré o drun y sasta le habian pincherado al asparabar o tato.Select Luke 24:35

36Y sinando chamuliando oconas buchias, se chitó Jesus en medio de junos, y les penó: Paz á sangue: menda sinelo, na darañeleis.Select Luke 24:36

37Presas junos perelales de dal, y canguelo, penchababan que diquelaban yeque barbalé.Select Luke 24:37

38Y les penó: ¿Presás terelais dal, y costunelan pensamientos á jirés carlochines?Select Luke 24:38

39Diquelad minrias bastes y minrés pindrés, que menda matejo sinelo: pajabelad y diquelad, presas yeque barbalé na terela brinza ta cocális, sasta diquelais que terelo menda.Select Luke 24:39

40Y penado ocono, les dió as bastes y os pindrés.Select Luke 24:40

41Tami sasta aun na astisirasen creer, sinando maravillados de pesquital, les penó: ¿Terelais acoi buchi que jamar?Select Luke 24:41

42Y junos le laneláron yeque arecata de macho querabado, y yeque frimita de anguin.Select Luke 24:42

43Y habiendo jamado anglal de junos, ustiló as sobras, y se les diñó.Select Luke 24:43

44Y les penó: Oconas sinelan as vardas sos pené á sangue, sinando aun con-a-sangue, que jomte que se perele o saro ma sinela libanado de mangue andré a Eschastra de Moysés, y andré os Prophetas, y andré os Psalmes.Select Luke 24:44

45Entonces les despandó a suncai, somia que jabillasen as randiñapenes.Select Luke 24:45

46Y les penó: Andiar sinela libanado, y andiar jomte que o Christo urjiyaráse, y ardiñáse al trincho chibes de enrún os mulés:Select Luke 24:46

47Y que se chamuliase andré desquero nao penitencia y mecos de grecos á sari a sueti, y brotoboro á Jerusalém.Select Luke 24:47

48Y sangue marchirés sinelais de ocónas buchias.Select Luke 24:48

49Y menda bichabelo opré sangue á la buchi prometida de minrio Dada: Tami sangue permaneced acoi andré o foros, disde que sinelais perelalés de la sila e udscho.Select Luke 24:49

50Y os sicabó abrí disde Bethania: y ardiñando desqueres hastes os majarificó.Select Luke 24:50

51Y anacó, que o chiros que os majarificaba, se najó de junos, y sinaba lliguerado al Tarpe.Select Luke 24:51

52Y junos despues de buchararse al chiquen y querelarle adoracion, se limbidiáron á Jerusalém sat bari pesquital.Select Luke 24:52

53Y sinaban deltó andré a cangrí loando ta majarificando á Debél. Unga. Saboca Enrecar Debel Ererio. Chachipè.Select Luke 24:53