4Luke 4

1Tami Jesus perelaló e Peniche, se limbidió del Jordan, y sinaba lliguerado por la suncai al desierto.Select Luke 4:1

2Y sinaba oté quarenta chibeses, y le tentaba o Bengui, y na jamó chi andré ocolas chibeses; y anacados oconas terelaba bóquis.Select Luke 4:2

3Y le penó o Bengui: Si chaboro de Debél sinelas, pen á ocona bar, que se querele manro.Select Luke 4:3

4Y Jesus le rudeló: Libanado sinela: Que na vivisarela o manu de manro colcoro, tami de sari varda de Debél.Select Luke 4:4

5Y le lligueró o Bengui á yeque bur udscho, y le queró dicar sares os chimes de la pu andré yeque frimita de chiros,Select Luke 4:5

6Y le penó: Diñaré a tucue sari ocana sila, y o chimusolano de junos: presas se me han diñado á mangué, y á coin camelo los diñeloSelect Luke 4:6

7Por tanto, si chibandote á minres pindres, majarificares mangue, os sares sinarán tirés.Select Luke 4:7

8Y rudelando Jesus, le penó: Libanado sinela: A tiro Erañoró Debél majarificarás, y a ó colcoro servirás.Select Luke 4:8

9Y le lligeró á Jerusalém, y lo chibó opré o jeró de la cangri, y le penó: Si sinelas Chaboro de Debél, chibelate de acoi á la chiquen.Select Luke 4:9

10Presas sinela libanado que penó de tucue a desquerés Manfarieles, que te aracaten:Select Luke 4:10

11Y que te ardiñelen andré sus bastes, somia que na cureles tun pindré andré yeque bar.Select Luke 4:11

12Y rudelando Jesus, le chamulió: Penado sinela: Na tentarás al Erañó tun Debél.Select Luke 4:12

13Y nacada sari tentacion, se chaló de ó el Bengui disde o chiros.Select Luke 4:13

14Y limbidió Jesus andré la sila e suncai á Galiléa: y o chimusolano de ó se chibó por saro o chim.Select Luke 4:14

15Y ó chamuliaba andré as synagogas de junós, y sinaba aclamado de sares.Select Luke 4:15

16Y chaló á Nazareth, anduque se habia parbarado, y se guilló segun su beda o chibes del Canché andré a synagoga, y se ardinó á lirenar.Select Luke 4:16

17Y le diñáron o embéo de Isaias o Propheta. Y pur despandó o embéo racheló o lugar anduque sinela libanado.Select Luke 4:17

18A Suncai e Erañoró opré mangue, por lo que ha ampiado mangue somia diñar lachias nuevas a os chorores ha bichabado mangue, somia chibar lacho a os asparabados de carlochin,Select Luke 4:18

19Somia penar a os estardes mestepé, y á os chindés diquelar, somia chibar en mestepé á os asparabados, somia pucanar a berji lachi e Erañoró, y o chibes e galardon.Select Luke 4:19

20Y habiendo pandado o embéo, se lo diñó al erajai, y se besteló: y os sarés andré a synagoga terelaban as aquías chibadas andré ó.Select Luke 4:20

21Y se chibó á penar: Achibes se ha perelado ocona Libaneria andré jirés canes.Select Luke 4:21

22Y os sares le diñaban machiria, y se zibaban de las vardas de gracia, sos chaláron abri de desquero mui, y penáron: ¿Na sinela ocona o chaboro de Joseph?Select Luke 4:22

23Y les penó: Bi duda penareis á mangue ocona varda: Salamito chibelate lacho á tun matejo: sarias ocolas buchias barias, que junelamos penar que queraste andré Capharnaúm, querlas tambien acoi andré tun chim.Select Luke 4:23

24Y chamulió: Aromali os penelo, que necaute Propheta sinela pachibelado andré desquero chim.Select Luke 4:24

25Aromali os penelo, que baribustrias piulias sinaban andré Israel os chibeses de Elias, pur sinaba pandado o Charos por trin berjis y por zoi chonos: pur sinaba yeque bóquis bari por sari la chiquen.Select Luke 4:25

26Tami á necaute de ocolas sinaba bichabado Elias, sino á yeque cadchi piuli andré Sarepta de Sidonia.Select Luke 4:26

27Y baribustres zarapiados sinaban andré Israel andré o chiros de Eliséo Propheta, tami cayque de ocolas sinaba chibado lacho, sino Naaman de Syria.Select Luke 4:27

28Y os sares andré a synagoga sináron perelales de sana junelando ocono.Select Luke 4:28

29Y se costunáron, y lo bucharáron abrí del foros: y lo lligueráron disde ó jero e bur, opré sos sinaba querdi o foros, somia buchararle ostely.Select Luke 4:29

30Tami ó, nacando por medio de junos, se chaló.Select Luke 4:30

31Y chaló abajines á Capharnaúm foros de la Galiléa, y oté os bedaba andré os Canchés.Select Luke 4:31

32Y se zibaban de desqueri beda, presas as vardas de ó sinaban silniás.Select Luke 4:32

33Y sinaba andré a synagoga manu sos terelaba bengui prachindó, y garló sat gole baro,Select Luke 4:33

34Penando: Mequelanos, ¿qué terelas tucue con amangue Jesus de Nazareth? ¿abillelas á mararnos? Pincharelo mistos, coin sinelas, o Majaro de Debél.Select Luke 4:34

35Y Jesus le chingaró, y penó: Sonsibela, y chatucue abrí de ó. Y o bengui chibandolo al chiquen, en medio, chaló abrí de ó, y na le queró daño.Select Luke 4:35

36Y sináron os sares perelales de dal, y garlaban os yeques á os averes, penando: ¿Que buchi sinela ocona, presas sat sila y sat virtud penela á os bengues jindes, y chalan abrí.Select Luke 4:36

37Y voltisaraba o chimusolano de ó por sares os gaues e chim.Select Luke 4:37

38Y chalando Jesus abrí e synagoga, chaló andré o quer de Simeón. Y a suegra de Simeón sinaba nasali de tatias barias, y le mangáron por siró.Select Luke 4:38

39Y chibandose ostely acia siro, penó á la tati: y la tati le mecó. Y siró se costunó yescotria, y les servia.Select Luke 4:39

40Y pur o cam se besteló, os sares sos terelaban merdés de varios merdipénes, se los lanelaban. Y ó chibando as baste emperso cada yeque de junos, os chibaba lacho.Select Luke 4:40

41Y chalaban os bengues abrí de butres, garlando, y penando: Tucue sinelas o chaboro de Debél: y os chingaraba, y na os mequelaba penar, que chanelaban que sinaba ó el Christo.Select Luke 4:41

42Y pur sinaba de chibes, chaló abrí somia guillarse á yeque stano desierto; y a sueti le orotaban, y chaláron disde anduque ó sinaba: y le deterelaban, somia que na se chalase de junos.Select Luke 4:42

43Y les penó: A os averes fores jomte tambien que menda penelo o chim de Debél: pues somia ocono he sinado bichabado.Select Luke 4:43

44Y chamuliaba andré as Synagogas de la Galiléa.Select Luke 4:44