1Luke 1

1Á cána que sares han penchabado chibar de pacuaró a narracion es buchías que andré amángue han sinado quereladas.Select Luke 1:1

2Sásta junos as penáron á amángue sos desde o principio as diqueláron sa’ desquerias aquías, y sináron ministres e varda.Select Luke 1:2

3Pre o matéjo ha parecido lachó á mángue, despues de orotar mistós sasta se las quereláron desde o principio, libanartelas de pacuaró, ó baro Theophilo.Select Luke 1:3

4Somia que pincharéles a chachipen de ocolas buchías andré que has sinado instruido.Select Luke 1:4

5Sinaba andré os chibéses de Herodes, Crállis de Judea; yeque erajai, sos se hetó Zacharias, e baji de Abías, y desqueri romi es dugidas de Aaron, y o nao de ocóna Elisabeth.Select Luke 1:5

6Y sinaban os dui lachés anglal de Debél, pirando bi grecos andré os sares mandamientos y eschastras e Erañoró.Select Luke 1:6

7Y na terelaban chaboro, presas Elisabeth sinaba estéril, y os dui chalados dur andré sus chibéses.Select Luke 1:7

8Y anacó que querelando Zacharias desquero ministerio anglal de Debél andré o orden de desqueri begai,Select Luke 1:8

9Segun o costumbre es erajais, sicabó por desquerí baji á chibar o incienso, chalando andré a cangri e Erañoró.Select Luke 1:9

10Y os hambés catanés sinaban abrí manguelando á Un-debél á la ocana e incienso.Select Luke 1:10

11Y dicó al Manfariel e Erañoró, sinando en pindré á la bastarí e altar e incienso.Select Luke 1:11

12Y Zacharias al dicarle cangueló, y peró dal opré ó.Select Luke 1:12

13Tami o Manfariel le penó: Na darañeles Zacharias, presas tirias ocanagimias han sinado juneladas: y tiri romi Elisabeth chindará á tucue yeque chaboro, y araquelarás desquero nao Juan.Select Luke 1:13

14Y terelarás pesquital y alegría, y se asaselarán baribustres manuces andré desquero nacimiento.Select Luke 1:14

15Presas sinará haro anglal o Erañoró; y na piyará mol ni peñacoró, y sinará perelaló e Peniche desde as poriás de sun dai.Select Luke 1:15

16Y á baribústres es chabores de Israel querelará limbidiar al Erañó, o Debél de junós.Select Luke 1:16

17Presas ó chalará anglal de ó sa’ la suncai y sila de Elias, somia querelar limbidiar os carlochines es batuces á os chabores, y os sos na pachibélan al drun es majarés, somia preparar al Erañó una sueti perfecta.Select Luke 1:17

18Y penó Zacharias al Manfariel: ¿en que pincharé ocóno? presas menda sinelo puró, y minri romí sinela dur andré desqueres chibéses.Select Luke 1:18

19Y rudeló o Manfariel y penó: sinelo Gabriel, sos asisto anglal de Debél: y sinelo bichabado á penarte, y á lanarte ocóna nueva lachi.Select Luke 1:19

20Y tucue sinarás musilé, y no astisararás chamuliar disde o chibés andré sos ocóno sinará querelado, presas na pachibelaste á minrias vardas, sos se cumplirán á sun chiros.Select Luke 1:20

21Y os manuces sinaban ujarando á Zacharias: y os sares zibaban de que tasiabase ó andré a cangri.Select Luke 1:21

22Y pur se sicobó abrí, na les astisaraba chamuliar; y chaneláron que habia dicado buchí andré a cangri, y ó lo penó por simaches, y sinaba musilé.Select Luke 1:22

23Y pur sináron cumplidos os chibéses de desquero ministerio, se chaló á su quer.Select Luke 1:23

24Y á la anda de ocónos chibéses se dicó cambri Elisabeth a romi de ó, y sinaba escondida pansch chonos, penando:Select Luke 1:24

25Presas o Erañó me ha querelado ocono andré os chibéses, en que penchabó á nicabar minrio oprobio de enré os manuces.Select Luke 1:25

26Y al zobio chonos o Manfariel Gabriel sinaba bichabado de Debél á yeque foros de Galiléa, sos se hetó Nazareth,Select Luke 1:26

27A yeque bedori romandiñada sat manu, sos se hetó Joseph, e quer de David, y o nao e bedori sinaba Maria.Select Luke 1:27

28Y pur chaló o Manfariel andré, anduque sinaba, penó: Un-debél te diñele golipén, perelali de gracia: O Erañó con tucue: Majari tucue enré as cadchiás.Select Luke 1:28

29Y pur siró juneló ocono, se darañó sat as vardas de ó, y penchababa, que salutacion sinaba ocola.Select Luke 1:29

30Y o Manfariel le penó: na cangueles Maria, presas has alachado gracia anglal de Debél.Select Luke 1:30

31He acoi concebirás andré tiro chepo, y chindarás chaboro, y araquerarás desquero nao Jesus.Select Luke 1:31

32Ocóla sinará baro, y sinará araquerado chaboro e Udscho, y le diñará Un-debél Erañó o throno de David desquero batu; y sinará Crallis deltó andré o quer de Jacob.Select Luke 1:32

33Y desquero chim na terelará anda.Select Luke 1:33

34Y penó Maria al Manfariel: ¿Sasta sinará, ocono? y menda na pincharelo manu.Select Luke 1:34

35Y rudelando o Manfariel, penó: se bestelará opré tucue, y te querelará sombra a sila e Udscho. Y por ocono o Majaro, sos se chindará de tucue, sinará araquerado Chaboro de Debél.Select Luke 1:35

36Y Elisabeth tiri cachicálli siró tambien sinela cambri de yeque chaboro, sinando puri: y ocono sinela o zobio chonos de siró, sos sinela araquerada a esteril.Select Luke 1:36

37Presas na sinela chi n’astis para Un-debél.Select Luke 1:37

38Y penó Maria: Menda a lacrí e Erañoró, querelese andré mangue segun tiri varda. Y se chaló o Manfariel.Select Luke 1:38

39Y andré ocolas chibéses se ardiñó Maria y chaló al bur, á yeque foros e chim de Judá.Select Luke 1:39

40Y chaló andré o quer de Zacharias, y saludisaró á Elisabeth.Select Luke 1:40

41Y pur Elisabeth juneló a salutacion de Maria, o chinoró diñó saltos andré desquero trupo: y sinaba Elisabeth perelalí e Peniche.Select Luke 1:41

42Y diñó yeque gole y penó: Majari tucue andré as cadchiás, y majaró o mibao e tiro trupo.Select Luke 1:42

43De duque sinela ocono á mangue, que a Dai e minrio Erañó abillela á mangue?Select Luke 1:43

44Presas yescotria que bigoreó a varda de tiri salutacion á minres canés, o chinoró diñó saltos de pesquital andré minrio trupo.Select Luke 1:44

45Y majaró ma andré tun men, presas sinará querelado o saro ma fué penado á tucue de parte e Erañoró.Select Luke 1:45

46Y penó Maria: Minri ochi engrandece al Erañó:Select Luke 1:46

47Y minri suncai se asaseló andré Debél minrío Salvador.Select Luke 1:47

48Presás ha dicado a chinoría de desqueri lacrí: pues ya desde acana as sarias generaciones araquelarán mangue majari.Select Luke 1:48

49Ha querdi buchías bariás á mangue ó sos terela sila, y majaró o nao de ó.Select Luke 1:49

50Su canrea sinela de generacion andré generacion opré os sares que le darañelan.Select Luke 1:50

51Queró sila sat su murcia: queró najar á os superbios sat as imaginaciones de sus carlochines.Select Luke 1:51

52Queró á os silares perar sus besti, y ardiñó á os humildes.Select Luke 1:52

53Hinchió de buchias lachias á os que terelaban bóquis; y á os balbales mecó chichi.Select Luke 1:53

54Ustiló andré sun chepó á Israel sun lacró, enjallandose de sun canrea.Select Luke 1:54

55Andiar sasta penó á amáres batuces, á Abraham y á sus chaborés deltó.Select Luke 1:55

56Y Maria sinaba sat siró sasta trin chonos: y se limbidió á desquero quer.Select Luke 1:56

57Tami Elisabeth se le chaló o chiros de chindar, y chindó yeque chaboro.Select Luke 1:57

58Y juneláron os quiribés y os cachicállis de siró que o Erañó habia querelado canrea bari sat siró, y se alendáron sat siró.Select Luke 1:58

59Y sinaba que al otoró chibés abilláron á chinar o postin e quilén al chaboró, y le araqueráron del nao de desquero batu, Zacharias.Select Luke 1:59

60Y rudelando desqueri dai, penó: nanai, sino Juan sinará araquerado.Select Luke 1:60

61Y le penáron: cayque sinela andré tiri ráti, sos se heta sat ocola nao.Select Luke 1:61

62Y pucháron por simaches al batu e chaboro, como camelaba que se le araquerase.Select Luke 1:62

63Y mangando li, libanó, penando: Juan sinela su nao: y os sares se zibáron.Select Luke 1:63

64Y yescotria sinaba pendrabado desquero mui, y su chipe, y chamuliaba majarificando á Debél.Select Luke 1:64

65Y peró dal opré os sares sunparales: y se penáron de sarias oconas buchias por os sares bures de Judéa.Select Luke 1:65

66Y os sares que as junelaban, as ujaraban andré sus carlochines, penando: ¿coin penchabais, que sinará ocona chaboro? Presas a baste e Erañoró sinaba sat ó.Select Luke 1:66

67Y Zacharias sun batu sinaba perelalo e Peniche, y garló baji, penando.Select Luke 1:67

68Majaró o Eraño Debél de Israel, presas abilló y diñó mestepé á sun sueti.Select Luke 1:68

69Y ardiñó á amangue o rogos de golipen andré o quer de David sun lacró.Select Luke 1:69

70Como penó por mui de sus majarés Prophetas, andré os sarés gresés.Select Luke 1:70

71Mestepé de amáres daschmanuces, y de la baste de os sares que na camelan amangue.Select Luke 1:71

72Somia querelar canrea sat amáres batuces, y ojararse de su majarí varda.Select Luke 1:72

73O juramento sos juró á amaro batu Abraham, que ó diñaria á amangue;Select Luke 1:73

74Somia que listrabados de las bastes de amáres daschmanuces, le querelemos servicio bi dal,Select Luke 1:74

75André majaridad, y andré justicia anglal de ó, os sares chibeses de amári chipén.Select Luke 1:75

76Y tucue, chaboro, sinarás araquerado Propheta e muy Udscho, presas chalarás anglal la chiché e Erañoró, somia aparejar desqueres drunés:Select Luke 1:76

77Somia diñar conocimiento de golipen á sun sueti para a remision de desqueres grecos.Select Luke 1:77

78Por as porias de canrea de amaro Debél con qué visitó amangue del Udscho e Oriente:Select Luke 1:78

79Somia diñar dut a junós sos bestelélan andré a rachi, y andré o butron de meripen: somia enseelar amáres pindrés á drun de paz.Select Luke 1:79

80Y o chaboro se querelaba baro, y sinaba querdi silnó andré suncai; y sinaba andré os desiertos, disde o chibes pur nichobeló á Israel.Select Luke 1:80