12Luke 12

1Y sasta se terelasen catanado al crugos de Jesus baribustri sueti, de modo que yeques á averes bucharelaban ostely, se chitó á penar á desqueres discipules: Garabelaos de la levadura es Phariseyes, que sinela jujana.Select Luke 12:1

2Na sinela buchi ucharada, sos na se haya de dicar: ni buchi escondida, sos na se haya de chanelar.Select Luke 12:2

3Presas as buchias, que penasteis andré a rachi, á la dut sinarán chamuliadas: y ma chamulasteis á la cani andré os queres, sinará pucanado opré os tejados.Select Luke 12:3

4A sangue pues plalores de mangue os penelo: Que na tereleis dal de ocolas, sos marelan o trupos, y despues de ocono, na terelan butér que querelar.Select Luke 12:4

5Tami menda penaré sangue á coin jomte terelar dal: Terelad dal á ocola, sos despues de nicobar a chipen, terela ezor de bucharar al butron: andiar sangue penelo, a ocona terelad dal.Select Luke 12:5

6¿Na se binelan pansch ujarres por dui calés, y yeque de ocolas na sinela olvidado anglal de Debél?Select Luke 12:6

7Y aun as balas de jire jero sarias sinelan jinadas. Pues na darañeleis: presas amolelais baribu butér, que ujarres baribustres.Select Luke 12:7

8Y tambien sangue penelo, Que o saro manu sos veáre mangue anglal es manuces, o Chaboro e manu lo veará tambien á ó anglal es Manfarieles de Debél.Select Luke 12:8

9Tami ó sos me negisáre anglal es manuces, negado sinará anglal es Manfarieles de Debél.Select Luke 12:9

10Y o saro manu sos chibare abrí yeque varda contra o Chaboro e manu, ertinado le sinará: Tami á ocola sos penáre zermañas contra o Peniche, na le sinará ertinado, nanai.Select Luke 12:10

11Y pur sangue lligueraren á as Synagogas, y á os Chineles, y a os Solares, na piraleis penchabando, sasta, ó qué terelais de rudelar, o penar.Select Luke 12:11

12Presas o Ducos Majaro sangue penará andré ocola ocana ma sangue jomte penar.Select Luke 12:12

13Y yeque de la sueti le penó: Duquendio, pen á minrio plal que partisarele con-a-mangue la jayere.Select Luke 12:13

14Tami ó le rudeló: ¿Manu, coin ha childo mangue por Barander o repartidor enré sangue?Select Luke 12:14

15Y les penó: Diquelad, y garabelaos de sari cascañia: presas a chipen de saro yeque no sinela andré la baribustri es buchias sos terela.Select Luke 12:15

16Y les penó yeque parabola, penando: La pu de yeque manu balbalo habia diñado mibao baribu.Select Luke 12:16

17Y ó penchababa enré sí matejo, y penaba: ¿Qué querelaré, presas na terelo anduque pandisarar minrio mibao?Select Luke 12:17

18Y penó: Ocono querelaré: Buchararé abajines minres malabayes, y os querelaré mas bares: y oté chibaré saro minrio mibao, y minres balbalipenes.Select Luke 12:18

19Y penaré á minri ochi: Ochi, baribustres balbalipenes terelas chités para baribustres berjis: Sobela, jama, piya, din jachipenes.Select Luke 12:19

20Tami Debél le penó: Dinelo, ocona rachi te vuelven á ustilar a ochi, ¿Ma has chitó, para coin sinará?Select Luke 12:20

21Andiar sinela ó sos chitela manchin para sí; y na sinela balbalo andré Debél.Select Luke 12:21

22Y penó á os discipules de ó: Pre ocono sangue penelo: na pireleis solicitos para jiré ochi, ma jamareis, ni para o trupos, que coneles chibareís.Select Luke 12:22

23Butér sinela a ochi, que o jamar, y o trupos que os coneles.Select Luke 12:23

24Diquelad os cuerves, sos na chinelan, ni terelan dispensa, ni malabai, y Debél os parbarela. ¿Pues quanto butér amolelais sangue que junos?Select Luke 12:24

25Y coin de sangue, por baribu que lo penchabele, astisarela chibar a sun estatura yeque codo butér?Select Luke 12:25

26Pues si na astisarelais ma sinela mendesquero: ¿por qué pireleis penchabando por as avérias buchias?Select Luke 12:26

27Diquelad os lirios sasta se querelan baro; sos ni randiñelan ni hilan: pues sangue penelo, que ni Salomon andré saro desquero chimusolano, na sinaba tan chitó sasta yeque de oconas.Select Luke 12:27

28Pues si al cha, sos achibes sinela andré o lugos, y tasata se bucharela andré o sosimbo, Debél vistió andiar lacho; ¿quanto butér á sangue de frima fé?Select Luke 12:28

29Na pireleis pues penchabando andré ma terelais de jamar, o piyar, y na pireleis ardiñelados.Select Luke 12:29

30Presas sarias oconas sinelan buchias, en que pirelan penchabando os busnes de la sueti. Y jire Dada chanela, que de oconas terelais necesidad.Select Luke 12:30

31Pre ocono orotelad brotobo o chim de Debél, y su lachoria; y sarias oconas buchias á sangue sinarán jinadas.Select Luke 12:31

32Na darañeleis, ne-bari plastañi; presas jire Dada ha camelado diñaros o chim.Select Luke 12:32

33Binelad ma terelais y diñad limosna. Querelaos quisobes, sos na se chitelan purés, manchin andré o Charos, sos jamas faltisarela: anduque o rande na bigorela, y na jamela a polilla.Select Luke 12:33

34Presas duque sinela jire manchin, oté tambien sinará jire carlochin.Select Luke 12:34

35Terelad ceñidos jires dumes, y mermellines encendidas andré jires bastes.Select Luke 12:35

36Y sinelad sangue semejantes á os manuces, sos ujarelan á o Erañó de junos, pur limbidiela de las romandiñipenes: somia que pur abilláre, y araqueráre á la bundal, yescotria le pindrabelen.Select Luke 12:36

37Majarés ocolas lacrés, sos alacháre velando o Erañó pur abilláre: Aromali sangue penelo, que se chibará la sustigui; y os querelará bestelar á la mensalle, y nacando os servirá.Select Luke 12:37

38Y si abilláre andré la duisquera vela, y si abilláre andré la trinchera vela, y andiar alacháre á junos, majarés sinelan oconas lacrés.Select Luke 12:38

39Tami chanelad ocono, que si o julai e quer chanelase a ocana en que abillaria o randé, na querelaria o sobindoi, y na mequelaria enquerar su quer.Select Luke 12:39

40Sangue pues sinelad emposunés: presas á la ocana, que na penchabelais, abillará o Chaboro e manu.Select Luke 12:40

41Y Pedro le penó: Erañó, penelas ocona parabola á amangue, ó tambien á os sares.Select Luke 12:41

42Y penó o Erañó, ¿Coin, penchabelais que sinela o baro-lacró lacho y cabalico, sos chitó o Erañó opré su sueti, somia que les díñele o melalo de gi andré chiros?Select Luke 12:42

43Majaro ocola lacró, sos pur abilláre o Erañó, le alacháre andiar querelando.Select Luke 12:43

44Aromali sangue penelo, que lo chitará opré saro que terela.Select Luke 12:44

45Tami si penáre ocola lacro andré su carló: Se tasalela minrio Erañó de abillar, y se chibáre á querelar choro á os lacrés, y á as lacrias, y á jamar, y á pijar, y diñarse á curdá:Select Luke 12:45

46Abillará o Erañó de ocola lacró o chibes, que na penchabela, y á la ocana que na chanela, y le chibará abrí, y chitará su aricata sat junos de dabrocos.Select Luke 12:46

47Presas ocola lacró sos chanó ma camelaba desquero Erañó, y na queró bajin, y na queró ma camelaba, sinará muy mistos curado.Select Luke 12:47

48Tami ó sos na chanó, y queró buchias dignas e saniséo, frima sinará curado: presas á saro manu, á coin baribu sinaba diñado; baribu le sinará manguelado: y al que baribu encomendáron, butér le ustilarán.Select Luke 12:48

49Yaque he abillado á chitar andré la pu: ¿y que camelo, sino que jacharele?Select Luke 12:49

50Me jomte sinelar chobelado sat bautismo: ¿y cómo me trajatelo, disde que se lo querele?Select Luke 12:50

51¿Penchabelais, que sinelo abillado á chitar paz andré la pu? Sangue penelo que nanai, sino chingaripen.Select Luke 12:51

52Presas de acoi anglal sinarán pansch andré yeque quer en chingaripen, os trin sinarán contra os dui, y os dui contra os trin.Select Luke 12:52

53Sinarán en chingaripen o batu sat o chaboro; la dai sa’ la chabori, y la chabori sa’ la dai, la dai e rom sa’ la romi, y la romi sa’ la dai e rom.Select Luke 12:53

54Y penaba tambien á la sueti: pur diquelais ardiñelar o paros del aracata e poniente, yescotria penelais: Buros abillela: y andiar anaquela.Select Luke 12:54

55Y pur chumasquerela o Austro, penelais: jar querelará: y chachipen sinela.Select Luke 12:55

56Sungalés, chanelais distinguir as chichias e charos y de la pu: ¿pues como na chanelais pincherar o chiros presente?Select Luke 12:56

57¿Y por qué na pincherelais por sangue matejos: ma sinela lacho?Select Luke 12:57

58Pur chalas sa’ tun daschmanu al Manclay, querela ma astis somia listrabarte de ó andré o drun, somia que na te lliguerele al Barander, y o Barander te díñele al chinel, y o chinel te chitele andré l’estaripel.Select Luke 12:58

59Te penelo, que na chalarás abrí de acoi, disde que poquineles o segriton cale.Select Luke 12:59