14Luke 14

1Y anacó que chalando Jesus yeque Canché andré o quer de yeque es Phariseyes bares á jamar manro, junos le sinaban dicando.Select Luke 14:1

2Y he acoi manu nasalo de la pani-salipen sinaba anglal de ó.Select Luke 14:2

3Y Jesus chamuliando a os Chandés e Eschastra, y os Phariseyes, les penó: ¿Astis chibar lacho andré Canché?Select Luke 14:3

4Tami junos sonsi beláron: O entonces le ustiló, le chibó lacho, y le bichabó.Select Luke 14:4

5Y les rudeló y penó: ¿Coin de sangue, sos dicando desquero gel, ó desquero buru perado andré fufu, na le sicobele yescotria andré chibes de Canché?Select Luke 14:5

6Y na les astis rudelar á oconas buchias.Select Luke 14:6

7Y dicando tambien sasta os araquerados á os jachipenes orotaban as brotoborias bestes á la mensalle, les chamulió yeque parabola, y penó:Select Luke 14:7

8Pur sináres araquerado á romandiñapenes, na besteles tucue andré la brotobori beste, que na sinele que oté haya yeque pachibelado butér que tucue.Select Luke 14:8

9Y que abillele ó sos araqueró á tucue, y á ó, y penele: Din a beste á ocona, y que entonces tereles á ustilar a segritona beste sat verguenza.Select Luke 14:9

10Tami pur sinares araquerado, chal, y bestelatucue andré a beste segritona; somia que pur abillele ó sos tucue araqueró, penele: monro, costuna opré butér. Andiar sinarás pachibelado anglal de os sares sos sinaren sa’ tucue á la mensalle.Select Luke 14:10

11Presas saro ó, sos se ardiñela, sinará bucharado ostely: y ó sos se chibela ostely, sinará ardiñado.Select Luke 14:11

12Y penaba tambien á ó sos le habia araquerado: Pur díñelas jachipen, ó cena, na araqueles á tires monres, na á tires plalores, ni á tiri rati, ni á tires vecines balbales, que na sinele que junos araquelen á tucue, andré desqueri begai, y poquinelen á tucue.Select Luke 14:12

13Tami pur querelas jachipen, araquera á os chorores, lisiados, langues y perpentes.Select Luke 14:13

14Y sinarás majarado, presas na terelan con que poquinar tucue: Tami tucue se poquinará pur se costunarán os laches de meripen.Select Luke 14:14

15Pur yeque de junos sos jamelaban á la mensalle juneló ocono, le penó: Majarado ó sos jamará manro andré o chim de Debél.Select Luke 14:15

16Y ó peno: Elabel queró jachipen bari, y araqueró á baribustres.Select Luke 14:16

17Y pur bigoreó a ocana e jachipen, bichabó yeque de desqueres lacrés á penar á os araquerados, que abillasen, presas saro sinaba aparejado.Select Luke 14:17

18Y os sares, sasta yeque, se chibáron á excusarse; O brotobo le penó: He quinado sosi, y mangue jomte chalar dicarla: tucue manguelo, que mangue tereles excusado.Select Luke 14:18

19Y penó aver: He quinado pansch yuntas de gorués, y camelo chalar a probarlas: tucue manguelo que mangue tereles excusado.Select Luke 14:19

20Y penó aver: He romandiñado romi, y andiar menda n’astis chalar aotar.Select Luke 14:20

21Y limbidiando o lacró, diñó floja á desquero Erañó de ocono saro. Entonces ululé o batico e quer, penó al lacró: Sicobelatucue yescotria á os masquerés, y a las ulichas e foros, y lanelamangue acoi os sares chororés, y lisiados, y chindes, y langues alachares.Select Luke 14:21

22Y penó o lacró: Erañó, sinela querdi, sasta lo penaste, y aun lugar sinela.Select Luke 14:22

23Y penó o Erañó al lacró: Chal á os drunes, y á os cercanes, y querelalos con sila abillar, somia que se perele minrio quer.Select Luke 14:23

24Penelo á tucue, que cayque de ocolas manuces, sos sináron araquerados, jamará minrio jachipen.Select Luke 14:24

25Y baribustri sueti chalaba con ó, y limbidiandose, les penó:Select Luke 14:25

26Si yeque abillela á mangue, y camela desquero batu, y dai, y romi, y chabores, y plalores, y péndchias, y aun tambien desqueri chipen, n’astis que sinele discipulo de mangue.Select Luke 14:26

27Y ó sos na lliguerela desqueri trijul opré as varandias, y abillela palal de mangue, n’astis que sinele discipulo minrio.Select Luke 14:27

28¿Presas coin de sangue camelando querelar yeque quer baro, brotoboro bestelandose, na jinela a jayere necesaria, chanelando que jomte acabarla?Select Luke 14:28

29Que na sinele que despues de chitar a bar brotobori, y na asilando acabar, os sares sos lo diquelen, se chibelen á girelarse de ó,Select Luke 14:29

30Penando: Ocona manu se chibó á querelar, y na le astis acabar.Select Luke 14:30

31¿O que Crallis camelando chalar á chingarar contra Crallis aver, gres, bestelandose na penchabela, si le astis sat deque mil manuces querelar jero contra ó sos abillela sat bisch mil?Select Luke 14:31

32De aver beda, pur o aver aun sinela dur, bichabela desqueri embajada, manguelandole lias de paz.Select Luke 14:32

33Pues andiar saro yeque de sangue, sos na bucharela de ó sari buchi que terela, n’astis le sinelar minrio discipulo.Select Luke 14:33

34Lachi sinela la lon. Tami si á la lon nicobelan desquero sabor, ¿con qué sinará alonada?Select Luke 14:34

35Na sinela lachi, ni somia a jolili, ni somia a groñi: Tami la chibáron abrí. Coin terela canes de junelar, que junele.Select Luke 14:35