18Luke 18

1Y les penaba tambien ocona parabola: que jomte manguelar gayere, y na desfalecer,Select Luke 18:1

2Penando: Sinaba yeque Barander andré foros, sos na darañaba á Un-debél, ni querelaba bajin á manu yeque;Select Luke 18:2

3Y sinaba andré o matejo foros piuli, sos abillaba á ó y le penaba: Querelame justicia de minrio daschmanu.Select Luke 18:3

4Y ó pre baribu chiros na camelaba. Tami despues de ocono penó andré sí: Aunque ni darañelo á Debél, ni á manu querelo bajin;Select Luke 18:4

5Todavia, presas ocona piuli sinela importuna á mangue, le querelaré justicia, que na abillele tantas begais, que al fin mangue trajatela.Select Luke 18:5

6Y penó o Erañó: Junelad ma penela o Barander choro.Select Luke 18:6

7¿Pues Un-debél na querelará bajin de desqueres chabores, sos araquerelan á ó á gole chibes y rachi, y terelará orpachirima andré junos?Select Luke 18:7

8Sangue penelo, que sigo os listrabará. Tami pur abillará o chaboro e manu, ¿penchabelais que alachará fé andré a sueti?Select Luke 18:8

9Y penó tambien ocona parabola á yeques, sos pachibelaban á sí matejos, sasta si sinaban laches, y despreciaban á os averes:Select Luke 18:9

10Dui manuces ardiñeláron á la cangri á manguelar á Un-debél: o yeque Phariséo y o aver Publicano.Select Luke 18:10

11O Phariséo sinando en pindré, manguelaba andré sun suncai de ocona beda: Un-debél, chimusolano te díñelo, presas na sinelo sasta os averes manuces, randes, chores, pirandes; andiar sasta sinela ocona Publicano.Select Luke 18:11

12Ayunisarelo dui begais sari semana: diñelo diezmos de o saro que terelo.Select Luke 18:12

13Tami o Publicano, sinando muy dur, darañaba aun costunar as aquias al Tarpe: sino que curaba sun chepo, penando: Un-debél, terela canrea de mangue choro!Select Luke 18:13

14Sangue penelo, que ocono, y ocola nanai, chaló justificado á sun quer: presas saro manu, sos se ardiñela, sinará bucharado ostely: y ó sos se chibele ostely, sinará ardiñelado.Select Luke 18:14

15Y le lanelaban tambien chabores, somia que os pajabase. Y pur lo dicáron os discipules, os chingaraban.Select Luke 18:15

16Tami Jesus os araqueró, y penó: Mequelad, que abillelen á mangue os chabores, y na os impidais; presas de oconas sinela o chim de Debél.Select Luke 18:16

17Aromali sangue penelo, que ó sos na ustilase o chim de Debél, sasta chaboro, na chalará andré ó.Select Luke 18:17

18Y le puchabó yeque tintin baro, penando: Duquendio lacho, ¿qué querelaré somia alachar a chipen que na marela?Select Luke 18:18

19Y Jesus le penó: ¿Por qué araquerelas mangue lacho? Cayque sinela lacho, sino Un-debél colcoro.Select Luke 18:19

20Chanelas os Mandamientos: Na marelarás: Na pirabarás: Na randelarás: Na penelarás jujana: Pachibela á tiro batu, y á tiri dai?Select Luke 18:20

21O penó: Saro ocono he querdi desde que sinaba chinoro.Select Luke 18:21

22Pur juneló Jesus ocono, le penó: Aun á tucue faltisarela yeque buchi: binela saro que terelas, y dinlo á os chorores, y terelarás manchin andré o Tarpe: y abillel, y plastañamangue.Select Luke 18:22

23Pur ó juneló ocono, se chito charabaro: presas sinaba baribu balbalo.Select Luke 18:23

24Y Jesus le penó, pur le dicó charabaro: ¡Quan dificultosamente chalarán andré o chim de Debél junos sos terelan jayere!Select Luke 18:24

25Presas buchi butér facil sinela nacar brote pre la aqui de yeque jutia, que chalar manu balbalo andré o chim de Debél.Select Luke 18:25

26Y penáron junos sos juneláron ocolo: ¿Pues coin astisarela salvarse?Select Luke 18:26

27Les penó: Ma n’astis para os manuces, astis para Un-debél.Select Luke 18:27

28Y penó Pedro: Mistos diquelas, que mu terelamos mequelado sarias buchias, y terelamos plastañado tucue.Select Luke 18:28

29O les penó: Aromali sangue penelo, que cayque sinela, sos terele mequelado quer, ó batuces, ó planes, ó romi, ó chabores pre o chim de Debél,Select Luke 18:29

30Sos na terele de alachar baribu butér andré ocona chiros; y andré o chim que abillele a chipen que na marela.Select Luke 18:30

31Y ustiló Jesus aparte á os duideque: y os penó: Diquelad, chalamos á Jerusalém, y sinarán querdas sarias as buchias, que randáron os Prophetas del Chaboro e manu.Select Luke 18:31

32Presas sinará entreguisarado á os Busnés, y sinará caquerado, y curado, y chotiado.Select Luke 18:32

33Y despues que le curaren, le nicabarán a chipen, y ostinará al trincho chibes.Select Luke 18:33

34Tami junos na jabilláron chichi de ocono: y ocona varda sinaba pandada á junos; y na jabillaban ma les penaba.Select Luke 18:34

35Y anacó, que bigoreando sunparal á Jericho, sinaba yeque perpenta bestelado aligatas del drun, mangando limosna.Select Luke 18:35

36Y pur juneló a chumas e sueti sos nacaba puchabó, qué sinaba ocono.Select Luke 18:36

37Y le penáron, que nacaba Jesus Nazareno.Select Luke 18:37

38Y penó á gole gole: Jesus, Chaboro de David, terela canrea de mangue.Select Luke 18:38

39Y junos sos chalaban anglal le chingaraban, somia que mequelase. Tami ó garlaba baribu butér: Chaboro de David, terela canrea de mangue:Select Luke 18:39

40Y Jesus parándose, penó que se le lanelasen. Y pur sinaba sunparal, le puchabó,Select Luke 18:40

41Penando: ¿Qué camelas que te querele? Y ó rudeló: Erañó, que diquele.Select Luke 18:41

42Y Jesus le penó: Diquela, tun fé te ha chibado lacho.Select Luke 18:42

43Y yescotria dicó, y le plastañaba chimusolanificando á Debél. Y pur dicó ocono sari a sueti, dinó loor á Debél.Select Luke 18:43