19Luke 19

1Y Jesus terelando chalado andré, nacaba por Jericho.Select Luke 19:1

2Y he acoi manu araquerado Zachéo: y ocona sinaba yeque es mas bares enré os Publícanes, y balbalo:Select Luke 19:2

3Y orotaba dicar á Jesus, coin sinase: y na le astis pre la baribu sueti, presas sinaba chinoro de trupo.Select Luke 19:3

4Y chalando anglal, se costunó andré carschta bruñi heila somia dicarle, presas por oté terelaba de nacar.Select Luke 19:4

5Y pur bigoreó Jesus á ocona stano, ardiñelando as aquias, le dicó, y le penó: abillel ostely yescotria, presas jomte ustilarme achibes andré tun quer.Select Luke 19:5

6Y ó chaló ostely yescotría, y le ustiló asaselándose.Select Luke 19:6

7Y dicando ocono sares, chumasquereláron, penando, que terelaba chalado á sinar andré quer de yeque choro.Select Luke 19:7

8Tami Zachéo, chibandose anglal e Erañoró, le penó: Eraño, a paque de ma terelo diñelo á os chorores: y si andré buchi terelo jonganado á manu, le voltisarelo star tanto butér.Select Luke 19:8

9Y Jesus le penó: Achibes ha abillado golipen á ocona quer: presas ó tambien sinela chaboro de Abraham.Select Luke 19:9

10Presas o Chaboro e manu abilló á orotar, y á salvar ma sinaba chibado á najabar.Select Luke 19:10

11Junelando junos ocono, plastañó penandoles yeque parabola, sat ocasion de sinar sunparal de Jerusalem: y presas penchababan que yescotria se mequelaria dicar o chim de Debél:Select Luke 19:11

12Penó pues: Manu tintin chaló a chim dur, somia ustilar yeque lume oté, y despues limbidiarse.Select Luke 19:12

13Y araquerando á deque de desqueres lacrés, les diñó deque estongrias, y les penó: paruguelad entretanto que abillelo.Select Luke 19:13

14Tami os de desquero foros na le camelaban, y bichobando palal de ó yeque plastañí, le penáron: Na camelamos que reyne ocona opré de amangue.Select Luke 19:14

15Y pur limbidió, despues de ustilar o lume, penó araquerar á ocolas lacrés, á coines terelaba diñado o jayere, somia chanelar ma cata yeque terelaba paruguelado.Select Luke 19:15

16Bigoreó pues o brotobo y penó: Erañó; tiri estongri ha ganisarado deque estongrias.Select Luke 19:16

17Y le penó: Sinela mistos, lacho lacró. Presas andré a fremita has sinado cabalico, terelarás ezor opré deque fores.Select Luke 19:17

18Y abilló aver, y penó: Erañó: Tiri estongri ha ganisarado pansch estongrias.Select Luke 19:18

19Y penó á ocona: Tucue terelalo opré pansch fores.Select Luke 19:19

20Y abilló o trincho, y penó: Erañó, acoi terelas tiri estongri, sos he terelado ujarada andré yeque diclo.Select Luke 19:20

21Presas terelaba dal de tucue, sos sinelas manu recio de suncai; Ustilelas ma na chitaste, y chinelas ma na chibelaste.Select Luke 19:21

22Entonces ó le penó: Choro lacró, abrí tiro mui condenelo tucue: Chanelabas que menda sinaba manu recio de suncai, que ustilelo ma na chité, y chinelo ma na chibele.Select Luke 19:22

23¿Pues presas na diñaste minrio jayere al banco, somia que pur limbidiase lo ustilára sat ganancia?Select Luke 19:23

24Y penó á junos sos sinaban oté: Nicabeladle a estongri, y diñadsela al lacró sos terela deque estongrias.Select Luke 19:24

25Y junos le penáron: Eraño, que terela deque estongrias.Select Luke 19:25

26Pues menda sangue penelo, que á saro ocola sos terelará, se le diñará, y terelará butér: tami al sos na terela, se le nicobará aun ma terele.Select Luke 19:26

27Y en quanto á ocolas minres daschmanuces, sos na cameláron que menda reynase opré junos, laneladmelos acoi, y mareladlos anglal de mangue.Select Luke 19:27

28Y penado ocono guillaba anglal costunando á Jerusalém.Select Luke 19:28

29Y anacó, que pur bigoreó sunparal de Bethphage, y de Bethania, al bur, sos se araquerela e Urucal, bichabó dui es desqueres discipules,Select Luke 19:29

30Penando: Chalad á ocona gau, sos sinela de mamui: y yescotria que chalareis andré, alachareis ternoro de gel pandado, y opré coin nunca se besteló cayque: despandadlo, y laneladlo.Select Luke 19:30

31Y si manu puchabelare sangue: ¿Por qué lo despandais? A ó rudelareis andiar: Porque o Erañó terela menester de ó.Select Luke 19:31

32Chaláron pues junos sos habian sinado bichabados, y alacháron o ternoro, sos sinaba sasta les habia penado.Select Luke 19:32

33Y pur despandaban al ternoro, les penáron os julais: ¿Por qué despandais al ternoro?Select Luke 19:33

34Y junos rudeláron: Porque o Erañó terela menester de ó.Select Luke 19:34

35Y lo laneláron á Jesus. Y chibando opré o ternoro desqueres talalores: chitáron á Jesus opré.Select Luke 19:35

36Y chalando ó andiar, bucharáron desqueres coneles andré a feda.Select Luke 19:36

37Y pur bigoreó sunparal al luchipen e bur e Urucal, sares os discipules en plastañias, perelales de pesquital se chibáron á majarificar á Un-debél á goles bares pre sarias as buchias, sos habian dicado,Select Luke 19:37

38Penando: Majarificado o Crallis, sos abillela andré o nao e Erañoró, paz andré o Charos, y chimusolano andré o Tarpe.Select Luke 19:38

39Y yeques es Phariseyes sos sinaban enré á sueti, le penáron: Duquendio, reprehende á tires discipules.Select Luke 19:39

40O les rudeló: Sangue penelo, que si oconas mequelaren, as baras diñarán goles.Select Luke 19:40

41Y pur bigoreó sunparal, al dicar o Foros, orobó opré ó, penando:Select Luke 19:41

42¡Ysna! si pincharases buchi andré ocona tun chibes, ma astisarela lanelartucue a paz! Tami acana sinela ucharado de tirias aquias.Select Luke 19:42

43Presas abillarán chibeses contra tucue, pur tires daschmanuces te chibarán al crugos trincheras, y te chibarán cerco, y te pandarán pre sarias aricatas.Select Luke 19:43

44Y chibarán tucue ostely, y á tires chabores, sos sinelan andré tucue, y na mequelarán andré tucue bar opré bar; presas na pincharaste o chiros de tiri visitacion.Select Luke 19:44

45Y chalando andré a cangri se chitó á bucharar abrí á sares junos sos quinaban y binaban andré siró,Select Luke 19:45

46Penandoles: Libanado sinela: Minrio quer, quer de beda sinela. Tami sangue lo terelais querdi tunia de randes.Select Luke 19:46

47Y cata chibes bedaba andré a cangri. Tami os Manclayes es erajais, y os Libanes, y os tintines e sueti le camelaban marar.Select Luke 19:47

48Y na chanelaban que querelarse sat ó. Presas sari a sueti sinaba moscabis pur le junelaba.Select Luke 19:48