21Luke 21

1Y sinando diando, dicó os balbales sos bucharaban desquerias ofrendas andré a jestari e manchin.Select Luke 21:1

2Y dicó tambien yeque piuli chorori, sos chibelaba dui cales chinores.Select Luke 21:2

3Y penó: Aromali sangue penelo, que ocona chorori piuli ha chibado butér que sares os avéres.Select Luke 21:3

4Presas sares ocolas terelan bucharado somía ofrendas de Debél, de ma les sobresarela: Tami ocona de desqueri erdicha terela chibado saro o jayere sos terelaba.Select Luke 21:4

5Y rudeló á yeques, sos penaban de la cangri, que sinaba chiti de barias pacuarias, y de diñipenes:Select Luke 21:5

6Oconas buchias sos diquelais, abillarán chibeses, pur na sinará mequelada bar opré bar, sos na sinará demolida.Select Luke 21:6

7Y le puchabáron, y penáron: ¿Duquendio, pur sinará ocono? y que simache sinará, pur ocono comenzáre á sinar?Select Luke 21:7

8O penó: Diquelad, que na sineleis jongabados: presas baribustres abillarán andré minrio nao, penando: Menda sinelo, y o chiros sinela sunparal: garabelaos pues de chalar palal de junos.Select Luke 21:8

9Y pur junelareis chingaripenes y jestias, sangue na cangueleis: presas jomte que ocono anaquele brotoboro, tami na sinará yescotria a anda.Select Luke 21:9

10Entonces les penaba: Se ardiñará sueti contra sueti, y chim contra chim.Select Luke 21:10

11Y sinará bares jolili-motos por os gaues, y salipénes, y boquises y sinará buchias espantosas, y barias simaches e Charos.Select Luke 21:11

12Tami anglal de saro ocono sangue ustilarán, y plastañarán, entregisarando sangue á as Synagogas, y á os estaripeles, y lliguerarán sangue á os Crallises, y á os Poresqueres, por minrio nao:Select Luke 21:12

13Y ocono sinará sasta machiria á sangue.Select Luke 21:13

14Terelad yeque buchi silni andré jires carlés, o na penchabar anglal ma terelais de rudelar.Select Luke 21:14

15Presas menda diñaré sangue mui y chaneleria, al que n’astisarelarán resistir, ni contrapenar sares jires daschmanuces:Select Luke 21:15

16Y sinareis entregados de jires batuces, y plalores, y rati, y monrés, y querelarán merar a yéques de sangue.Select Luke 21:16

17Y sares aborrecerán á sangue pre minrio nao.Select Luke 21:17

18Tami na se najabará yeque bal de jires jerés.Select Luke 21:18

19Sat jiri paciencia listrabareis jirias ochias.Select Luke 21:19

20Pues pur dicáreis á Jerusalém pandada al crugos de jundunares, entonces chanelad que sun najipen sinela sunparal.Select Luke 21:20

21Entonces junos sos sinelan andré la Judéa, najalelen á os bures: y junos en medio de siró se sicobelen abrí; y junos andré os bures na chalen andré de siró.Select Luke 21:21

22Presas oconas sinelan chibeses de venganza, somia se perelalen sarias as buchias, sos sinelan libanadas.Select Luke 21:22

23Tami ysna de las cambrias, y de ocolas sos diñelan de mamisarar andré ocolas chibeses! Presas sinará bari apretura opré a pu, y ira para ocona sueti.Select Luke 21:23

24Y perarán á filo e estuche: y sinarán lliguerados utildes á sares os chimes, y Jerusalém sinará hollada de los Busnés: disde que se perele o chiros es Busnes.Select Luke 21:24

25Y terelará simáches Cam, y andré a Chimutra, y andré as cherdillas; y andré la pu tráqui es manuces pre a confusion sos querelara a chumas e moros, y de sus panias.Select Luke 21:25

26Sinando os manuces yertos por o dal y canguelo es buchias, sos opre abillaran á sari a sueti: presas as silas e Tarpe sinarán conmovidas:Select Luke 21:26

27Entonces diquelarán al Chaboro e manu abíllar opré yeque paros sat ezor baro y chimusolano.Select Luke 21:27

28Pur comenzaren pues á perelarse oconas buchias, diquelad, y ardiñelad jires jeres; presas sunparal sinela jire mestepé.Select Luke 21:28

29Y les penó yeque semejanza: Diquelad a carschta-heila, y sarias as carschtas.Select Luke 21:29

30Pur bucharelan ya abrí de sí o mibao, jabillais que sunparal sinela o canriano.Select Luke 21:30

31Andiar tambien sangue, pur dicalareis querelarse oconas buchias, chanelad que sunparal sinela o chim de Debél.Select Luke 21:31

32Aromali sangue penelo, que na nacará ocona generacion, disde que sarias oconas buchias sinarán quereladas.Select Luke 21:32

33O Charos y la pu nacabarán: tami minrias vardas na nacarán.Select Luke 21:33

34Diquelad pues por sangue, na sinele que jires carlés se carguisarelen de glotoneria y de matipen, y de las gramias de ocona chipen: y que abillele de repente opré sangue ocola chibes.Select Luke 21:34

35Presas andiar sasta yeque maluno abillará opré sares sos sinelan opré a chichi de sari a jolili.Select Luke 21:35

36Pues sinelad de vela manguelando á Un-debél andré saro chiros, somia que sineleis cabalicos de najar sarias oconas buchias, sos jomte sinar, y de sinar andre pindré, anglal e Chaboro e manu.Select Luke 21:36

37Y sinaba bedando andré a cangri: ta arachis chalaba abrí, y lo nacaba andré o bur, araquerado e Urucal.Select Luke 21:37

38Y sari a sueti se ardiñeló de clarico, somia abillar, a junarle andré a cangri.Select Luke 21:38